عجبت لامرٍ دهانا .. وسط ذا الكوكب
ماله تفاسير كود الناس منهبلة
ماجيت اعاتب، وانا منهو عليه أعتب؟
مايستحق العَتب جِهّال .. عز الله!
أنا أحمد الله .. رقينا وحدنا المرقب
وأنت السعودي علِيت ومن قعد خَلّه!
و نجهر بها .. و اسمعونا يا بني يعرب:
#حنا_بدو .. إيه بالله! بالله! و بالله!

و عداك يا دار عنّا، ما لهم مهرب
كنهم يبون العلل، و العلة العلة!
تجمعوا .. ذاك يرشى و ذاك يتحزّب
و هذاك قايد لهم و الآخر يدلّه
لَبسوا العمامة وعافوا لاجلها مقصّب
باكر تطيح .. و معَ الغارب لها تَلّه
اليا هرجوا .. من هرَج خَلُوه به يكسب
يومين يفرح، و يكسب عقبها ذِلّه
✍️ الحسام

صعَب السعودي .. يقوده قايدٍ أصعب
سقم العدا من سوا سلمان بارض الله؟
ياحيّ راسٍ يقود ... و فعله مجرّب
له البداوة طَبِع و الدين له ملّة
الردن الاشقر و زريٍ حوله مذهّب
يا والله اللي على متن الفخر كلّه!
الا اْسفهل يسفهل والا غصب يغضب
شعبٍ على هقوته و فعوله فداً له
✍️ الحسام

ثم للذي العز عنّه ماهو مجنِّب
محمد اللي نسوق ارقابنا .. لاجله
اللهُ أكبر .. و انا لي دار بالكوكب
حقدٍ عليها غدت ذا الناس منهبلة!
✍️ الحسام 🇸🇦💚🇸🇦💚🇸🇦