ليه انخفاض تقييم فيسبوك مؤثّر فعلًا عليهم وعامل أساسي من عوامل الضغط؟
ثريد صغير
ثريد صغير
١- تقييم أي ابلكيشن بيدل على مدى قبول الناس ليه، وانخفاض التقييم بيدي رسالة لل investors إن الشركة دي مش محبوبة حاليًا، ودا بيؤدي لإنخفاض سعر السهم، الإنخفاض مش كبير أوي لكنه مؤثر.
٢- التقييم يعتبر هو حلقة الوصل بين المستخدم والمطوّر، الشركة لما بتلاقي التقييم انخفض بتعرف ان فيه مشاكل تقنية في الابلكيشن بتاعها وبتحتاج تحسنها.
التقييمات السلبية الكتيرة اللي بيتلقاها فيسبوك بتخليه مش عارف يراقب الآداء التقني للأبلكيشن بتاعه، ودا بيخسره فلوس ووقت وموارد.
التقييمات السلبية الكتيرة اللي بيتلقاها فيسبوك بتخليه مش عارف يراقب الآداء التقني للأبلكيشن بتاعه، ودا بيخسره فلوس ووقت وموارد.
٣- التقييم كذلك هو حلقة وصل بين الشركة وال Store، إنخفاض تقييم أي ابلكيشن بيسيء العلاقة بين الشركة والStore المستضيف للأبلكيشن، وبتبدأ الخوارزميات تلقائيًا تعامله على إنه أبكليشن سيء.
٤- التقييم السلبي بيدل على انخفاض أعداد المستخدمين للمنصة، ودا بيزعج المعلنين على المنصة وبيخليهم يتجهوا إنهم يعلنوا عن منتجاتهم على منصات تانية زي تويتر أو يوتيوب أو تيكتوك، ودا بيخسّر فيسبوك مبالغ مهولة. يقدروا يتحملوها، لكنها مهولة.
٥- استمرار التقييم السيء لفترة طويلة بيخلي استعادة التقييم الجيد بتاعهم صعب جدًا، موضوع ممكن يكلف شركة زي فيسبوك وقت وفلوس كتير في البحث والتنفيذ عشان ترجع تقييم الابلكيشن بتاعها زي ما كان.
٦- الشركات الكبرى عادةً بتتنافس مع بعض في جودة تقييم ابلكيشناتها، هتلاقي سناب شات وانستجرام مثلا بينتافسوا في إن مين تقييمه أعلى لإن دا دليل على الجودة التقنية وإن تجربة المستخدم كويسة، ودا بيخليهم حريصين جدًا على تقييماتهم عشان المستثمرين مينسحبوش من عندهم ويروحوا للمنافس.
٧- انك تنزل تقييم ابلكيشن مش موضوع سهل، دا محتاج عدد كبير اوي من الناس وهما عارفين دا، ففكرة إن التقييم نِزل فعلًا بيثبت إن الناس المعارضين لسياستهم كتير جدًا.
ملحوظة أخيرة: وانت بتعمل تقييم بنجمة واحدة متكتبش حاجة في التقييم عشان من حقهم يحذفوه لو الكلام مش متعلق بالابلكيشن بشكل مباشر، اعمل التقييم بنجمة واحدة وسيب المكان اللي بتكتب فيه فاضي، ومتقلقش هما عارفين السبب كويس.
ملحوظة بعد الأخيرة: الثريد مبني على معلوماتي الشخصية كسوفتوير انجنير ومش بالضرورة تكون جميع المعلومات المذكورة صحيحة، احتمال اكون غفلت بعض الحاجات أو مخدتش بالي من بعض العوامل المؤثرة التانية، لذا وجب التنويه.
جاري تحميل الاقتراحات...