🎧🎼
تنشد عن الحال .. حالي كيف ما شفتــه
وأنا أحسب إنك .. قبل ذا الوقت تدري به
تنشد عن الحال .. هذا هو الحال
في خاطـري لك كلامٍ .. ميـر ما قلتــه
أجنبـك مـا يحسـك .. لو حياتـي بــه
تنشد عن الحال .. هذا هو الحال
همٍ جديـدٍ علـى الأول .. تحملته
عنك اتحمل كبير الهم وامشي به

🎧🎼
من بادي الوقت هذا طبع الأيام
عذبات الأيّام ما تمدي لياليها
حلو الليالي توارى مثل الأحلام
مخطور عنّي عجاج الوقت يخفيها
أسري مع الهاجس اللي ما بعد نامي
وأصوّر الماضي لنفسي وأسلّيها
أخاف العمر أراجع سالف أعوامي
وأنوح أركاب فكري عند داعيها

خلاص من حبكم يا زين عزلنا
ما عاد لي في هواكم شف أو رادة
واللي شبكنا معاك يا حلو يخلصنا
يكفيني اللي حصل ما استحمل زيادة
ما أحد على حبكم يا زين يغصبنا
وما أظن انت بعد في حلقك قلادة
دور على غيرنا وبلاش تتعبنا
من يطلب البعد حنا ندور ابعاده
أول رغبناك يوم كنت راغبنا
⬇️

في شرع الاجواد كل يطلب مراده
أيام كنا غشم ياما تكلمنا
ندور رضاك مهما كلف أبعاده
واليوم أبشرك يا سيدي تعلمنا
بدلنا نوم الحزن بفراش ووسادة
وَوَلْتْ ليالي السهد كم كانت تسهرنا
وعاد الكرى للعين يا حلو بزيادة
الله يوفقك واحنا الله يوفقنا
الناس واجد وكم في الحب حساده