من زمان ماكتبت ثريد فا ثريد اليوم يتكلم شلون الاقتصاد يشتغل بمنظور (Ray Dalio) صاحب أكبر صندوق تحوط بالعالم
وبحاول اشرح بطريقة مفصلة مع أمثلة
وبحاول اشرح بطريقة مفصلة مع أمثلة
1. طبعا الاقتصاد يشتغل بطريقة سهلة جدا موب زي مايفترض البعض الاقتصاد يشتغل من الالة يخلص دوره ويرجع يكرر يعيد ويكرر وتسمى بالتعاملات وهذه التعاملات تحركها طبيعة الانسان.
2.بالتالي التعاملات هذه تنشىء ثلاث قوى رئيسية تحرك فيها الاقتصاد.
•النمو الإنتاجي - Productivity Growth
٠دورة الديون قصيرة الأجل - Short term debt cycle
•دورة الديون طويلة الأجل - Long term debt cycle
بتكلم عن ترابط كل وحدة من القوى هذه وترابطها مع بعض
•النمو الإنتاجي - Productivity Growth
٠دورة الديون قصيرة الأجل - Short term debt cycle
•دورة الديون طويلة الأجل - Long term debt cycle
بتكلم عن ترابط كل وحدة من القوى هذه وترابطها مع بعض
3.التعاملات هي الاقتصاد او تقدر تقول لها دور كبير فا مثلا التعاملات تتم بين مشتري وبائع والمشتري يا يدفع بالنقود او بالائتمان ويتبادلون اما خدمات او سلع او ادوات مالية, ايواا وصلنا للائتمان هو يعتبر مثل النقود وإذا أضفته للنقود المصروفة يطلع لك اجمالي الانفاق
وشو الائتمان طيب ؟
وشو الائتمان طيب ؟
...انا اقولك تشوف لما تروح البقالة وتقوله حطه على الحساب ؟ ايوا هذا هو كل مره تسوي كذا يخلق ائتمان سواء بالبقاله او مورد او غيره
4.نرجع للتعاملات طبعا الحين عرفنا وشو اجمالي الانفاق واذا اخذنا الإجمالي وقسمناه على الكمية المباعة يطلع لك السعر وبس هذه التعاملات باختصار ودورها جدا مهم في الاقتصاد كل الدورات الاقتصادية كلها تحركها التعاملات فا بالتالي لو فهمت التعاملات كويس خلاص تفهم كل الاقتصاد
5.مثلا سوق مثل سوق الاسهم كله عباره عن تعاملات او مثل سوق الخضار كله تعاملات لو فهمت التعاملات كل سوق خلاص تفهم شلون الاقتصاد يمشي والاقتصاد يتكون من كل التعاملات الي في كل سوق موجود في الاقتصاد, الناس و البزنس و الحكومات كلهم عندهم تعاملات اللهم الحكومة اي أكبر مشتري وبائع
6.وتنقسم قسمين الحكومة المركزية هي الي تجمع الضرائب و تنفق الفلوس و القسم الثاني هو البنك المركزي بس هنا البنك المركزي غير هو بعد يتحكم بعرض النقود والائتمان في الاقتصاد تقولي كيف يتحكم ؟
انا اقولك عن طريق معدل الفائدة و طباعة النقود مثل ما يسوي العم سام حاليا
انا اقولك عن طريق معدل الفائدة و طباعة النقود مثل ما يسوي العم سام حاليا
7.بالتالي البنك المركزي لاعب مهم جدا في تدفق الائتمان فا ابيك تركز زين في الائتمان اغلب العالم مايفهمونه زين بس الائتمان من أهم عوامل الاقتصاد ليش؟ لأنه يشكل جزء كبير منه وفوق كذا متقلب
مثل ما المشتري و البائع يروح للسوق عشان يسوي تعاملات في عندنا الدائن و المدين....
مثل ما المشتري و البائع يروح للسوق عشان يسوي تعاملات في عندنا الدائن و المدين....
...الدائن يبي يزود الفلوس الي عنده و المدين يبي يشتري شي هو مايقدر يتحمل تكاليفه مثل بيت ولا يسوي بزنس فا الائتمان هنا يدخل ويساعدهم كلهم
8.المدين يقول للدائن انا برجع لك الي تسلفته منك مع الفائدة, ايوااا طيب هنا لو كان البنك المركزي رافع معدلات الفائدة يصير ناس اقل يتسلفون لانه غالي عليهم مع الفائدة و لما تكون معدلات الفائدة اقل...
...يصير ناس يتسلفون اكثر ولما يجي المدين يوعد ان بيرجع الفلوس ويصدق الدائن هنا يصير في ائتمان زي لما تروح البقالة وصديق يصدقك لما تجي ترجع فلوسه اخر الشهر صار بينكم ائتمان
9.بس دقيقة تو انت تقول اغلب الناس مايفهمون الائتمان هذا هو سهل ؟ لا مو بالبساطة هذه الائتمان له أسماء مختلفة لما يتكون الائتمان يتحول لدين و الدين يعتبر أصل عن الدائن و التزام عند المدين وبالمستقبل لما يتسدد الدين الأصل والالتزام كلهم يختفون ويصير المعالمة تمت تسويتها
10.طيب حلوين للان انا مافهمت ليش الائتمان مهم ؟
اقولك الحين لما يستلم المدين الائتمان يقدر يرفع الإنفاق والإنفاق يحرك الاقتصاد لأن انفاق شخص واحد معناه دخل شخص ثاني لو أنفقت ريال انت واحد ثاني كسب ريال واذا كسبت ريال واحد ثاني أنفق ريال كل ما تنفق أكثر كل مازاد دخل شخص ثاني..
اقولك الحين لما يستلم المدين الائتمان يقدر يرفع الإنفاق والإنفاق يحرك الاقتصاد لأن انفاق شخص واحد معناه دخل شخص ثاني لو أنفقت ريال انت واحد ثاني كسب ريال واذا كسبت ريال واحد ثاني أنفق ريال كل ما تنفق أكثر كل مازاد دخل شخص ثاني..
.. لما يزيد دخل الشخص الثاني يصير الدائن يبي يعطيه فلوس على طول لانه داري انه يقدر يسدد وفوق هذا عنده اصول هذا الشخص الي دخله زاد فا يجي الدائن يعطيه وهو مطمن لان لو رجع يصير يبيع الأصول ويسدد له
11.عرفنا الحين ان الدخل الزايد يسهل عملية الاقراض ويصير فيه فلوس اكثر ونرجع للاغنية نفسها ان كل ريال انفق معناه ريال دخل لشخص ثاني وبكذا تزيد عملية الإقراض وبكذا ينمو الاقتصاد و بكذا يصير عندنا الدورة الاقتصادية (Cycles)
12.في التعاملات لازم تعطي عشان تاخذ وعلى حسب ما تعطي تأخذ وبمرور الوقت العلم الي نكسبه يرفع مستويات المعيش وهذا يسمى بالنمو الإنتاجي (Productivity Growth) طبعا الناس الي عندها وعي أكبر وتفهم بالبزنس ومبتكرين وشغلهم صح يرفعون مستويات معيشتهم أسرع من الناس الكسالى
13.بس مو شرط دايم بعض الأحيان في الفترة قصير الأجل ينجحون الكسالى تمشي امورهم لان النمو الانتاجي تشوف نتايجه في الفترة طويلة الأجل بس الائتمان اهم في الفترة قصيرة الاجل لان النمو الانتاجي غير متقلب كثير ولا هو محرك كبير في الاقتصاد مو مثل الدين لأن القرض لو صار معنا نقدر نستهلك
..أكثر لاكن اذا جينا نسدد القرض نستهلك اقل.
14.ليش مو مثل الدين ؟ انا اقولك لان الدين يسمح لنا نستهلك أكثر من اننا ننتج
طبعا تقلبات الديون لها دورتين كبيرة
1-دورة الديون قصيرة الاجل (Short Term Debt Cycle) : وهذه الدوره تاخذ من 5-8 سنين
2--دورة الديون طويلة الاجل (Long Term Debt Cycle) : وهذه الدوره تاخذ من 75-100 سنة
طبعا تقلبات الديون لها دورتين كبيرة
1-دورة الديون قصيرة الاجل (Short Term Debt Cycle) : وهذه الدوره تاخذ من 5-8 سنين
2--دورة الديون طويلة الاجل (Long Term Debt Cycle) : وهذه الدوره تاخذ من 75-100 سنة
..تقولي ماعمري لاحظت هذه الدورات ؟ انا اقولك لان الناس يشوفون الدورات هذه بقرب جدا يوم بيوم اسبوع باسبوع.
15.الحين عرفنا القوى الثلاث الي في بداية الثريد خلنا الحين نشوفها بنظور ابعد, التلقبات هذه الي حول الخط الي في الرسم مالها دخل في الناس الي تشتغل اكثر وعندهم ابتكار لا بس لها دخل الائتمان الي يتداول في الاقتصاد.
....تخيل معي ان الاقتصاد مافيه ائتمان بيصير الطريقة الوحيدة اني ارفع انفاقي عشان ارفع دخلي اني انتج اكثر وكذا بيصير فيه شغل اكثر بالنسبة لي فالبتالي زياد الانتاج هي الطريقة الوحيدة للنمو الاقتصادي و بما ان انفاقي هو دخل شخص ثاني الاقتصاد بس ينمو اذا كان فيه ناس عندهم ابتكار ..
..و يقدرون يشتغلون صح بحيث يرفعون نموهم الإنتاجي
16.لأننا نقترض يصير عندنا دورات (Cycles) بس الدورات هذه مو الحكومة تسويها او قوانين لا لا هذا طبيعة الانسان و كيف يشتغل الائتمان, عشان تقدر تشتري شي انا ماتقدر تتحمل تكاليفه لازم تقترض لازم تنفق اكثر من ما تدخل عشان ينجح البزنس حقك او تشتري بيت..
17.. فا لازم تقترض من نفسك المستقبلية وانت تقترض بالوقت الحالي بكذا انت تنشئ وقت في المستقبل بحيث انك تنفق اقل عشان تدفع القرض الي أخذته وبكذا تتكون دورة (Cycle) وهذا ينطبق على كل شخص في الاقتصاد عشان كذا لازم الواحد يفهم الائتمان كويس
طبعا النقود هي التسوية لما تدخل في معاملات (Transactions) فا لما تروح البقالة وتشتري وتدفع خلاص المعالة تمت تسويتها بس اذا قلت لراعي البقالة حطها على الحساب يصير فيه ائتمان زي ماقلنا قبل ويصير فيه اصل و فيه التزام مايختفون لين تتم التسوية بس في العالم الواقعي الفلوس..
.. هو نفسه الائتمان مثلا امريكا الائتمان وصل عندها 50 تريليون دولار و النفود 3 تريليون دولار
19.طيب يمكن الحين انت تقول ان الائتمان ان شي موب زين او انه مشكلة لا مو شرط, بس السؤال متى يكون مشكلة؟
-----
لما يستخدم الائتمان لتمويل الاستهلاك المفرط الي ماتقدر تدفعه مثل تروح تقترض عشان تشتري تلفزيون..
-----
لما يستخدم الائتمان لتمويل الاستهلاك المفرط الي ماتقدر تدفعه مثل تروح تقترض عشان تشتري تلفزيون..
..هنا يصير مشكلة لان التلفزين مايعطيك دخل تسدد القرض بس مثلا تاخذ قرض تشتري سيارة تقدر توصل فيها طلبات او تتشغل اوبر يجيك دخل تسدد هنا الائتمان صحي يي
20.في إقتصاد فيه ائتمان تقدر تتبع التعاملات عشان تشوف كيف النمو يصير في الاقتصاد فمثلا
تخيل انت كسبت 100,000 بيصر يشوفك المقرض ويعطيك 10,000 وهو مرتاح خلاص انت اهل للائتمان يصير تنفق أنت 110,000 بالتالي غيرك يكسب 110,000 وهذا الي كسب يقدر يستلف حتى هو افرض انه تسلف 11,000..
تخيل انت كسبت 100,000 بيصر يشوفك المقرض ويعطيك 10,000 وهو مرتاح خلاص انت اهل للائتمان يصير تنفق أنت 110,000 بالتالي غيرك يكسب 110,000 وهذا الي كسب يقدر يستلف حتى هو افرض انه تسلف 11,000..
..يصير ينفق 121,000 وغيره يكسب وهكذا وكذا ينمو الاقتصاد
21.بس دقيقة تذكر ان الدين ينشئ الدوره ( Cycle ) فا لما تكون الدوره مرتفعه لازم ترجع تنزل مره ثانيه
بكذا يصير الي هو فترة الدين قصيرة الاجل
(Short Term Debt Cycle)
بكذا يصير الي هو فترة الدين قصيرة الاجل
(Short Term Debt Cycle)
22.وفي بداية فتره الدين قصيره الاجل تشوف الاقتصاد بموجه توسعيه الانفاق يزيد و معه الدخل هذه الزياده كلها معززه بالائتمان لاننا الحين نعرف ان الائتمان يخلق من الهوا ولما الدخل والانفاق يرتفعون اكثر من الانتاج الاسعار ترتفع ولما الاسعار ترتفع نسمي هذا التضخم.
23.والبنك المركزي مايبغى تضخم لانه يسبب مشاكل بالتالي وش يسوي البنك المركزي ؟ يرفع معدلات الفائدة يصير مافي ناس كثير تقترض و تكاليف القروض الحاليه ترتفع يصير الناس تدفع اكثر عشان تسدد القروض وبالتالي يقل الانفاق ومعه الدخل
24.ولما الناس ينفقون اقل و الاسعار تقل يصير في انكماش عكس التضخم والنشاط الاقتصادي يقل بعدين يصير عندنا ركود اقتصادي و اذا كان الركود حاد و التضخم صار ماهو مشكله يجي البنك المركزي ويقلل معدلات الفائدة وبعدين يبدا الانفاق والدخل يرتفع وهكذا نشوف توسع بالاقتصاد
25.مثل ماقريت الحين الاقتصاد مثل الإله في دوره الدين قصيرة الأجل, الإنفاق معتمد على رغبة المقرضين والمقترضين انهم يستلمون الائتمان لما يصير الائتمان سهل يصير الاقتصاد في حالة توسعية وينمو والعكس صحيح يصير في ركود ومثل ماتلاحظ الدوره متحكم فيها البنك المركزي
26بس لو تلاحظ في الرسم اسفل الدوره انها تنتهي بنمو اعلى من الي قبلها مع ديون اكثر ليش؟
لان الناس يدفعونها انها تصير كذا في عندهم ميلان انهم يقترضون عشان ينفقون اكثر بدال ما يسددون الديون الي عليهم ..
لان الناس يدفعونها انها تصير كذا في عندهم ميلان انهم يقترضون عشان ينفقون اكثر بدال ما يسددون الديون الي عليهم ..
..هذه طبيعه البشرية وعلى المدى طويل الاجل الديون تنمو اكثر من الدخل وكذا يصير عندنا دوره الدين طويلة الاجل
(Long Term Debt Cycle)
(Long Term Debt Cycle)
27.مع ذلك الناس تصير مديونه اكثر ليش ؟ لان المقرضين يعطون ائتمان عشان كل الناس شايفين ان الاقتصاد ماشي كويس, الناس مركزه وش قاعد يصير الحين مو قبل, طيب وش قاعد يصير الحين ؟
28.مع نمو الديون ينمو الدخل بتساوي على الأقل وفي شي اسمه (Debt Burden) هذا نسبة الدين للدخل فا بما ان الدخل جالس ينمو فا ال (debt burden) يقدر البنك المركزي يسيطر عليه
...بنفس الوقت الاصول جالسة ترتفع والناس تقترض عشان يشترون اصول ويبدون يحسون بالثروة وبعد يصير المقرض متطمن انه فلوسه بترجع لان الناس معها فلوس الحين وتقدر تسدد بس ماراح يجلسون كذا لابد طبعا
29.على مر العصور يبدى ال ( debt burden ) يرتفع شوي شوي ويكون سداد ديون اكثر و يصير ينمو اسرع من الدخل بالتالي يغصب الناس توقف انفاقها و زي ما قلنا أن انفاق شخص يعني دخل شخص اخر و يصير الدخل يقل ويصير المقرضين معد يقرضون خلاص خايفين فلوسهم ماترجع
30.سداد الديون يجلس يرتفع ويقل الانفاق و الدوره تعيد نفسها وهذه قمه دوره الدين طويله الاجل يصير ال (debt burden) كبير بزياده مثل ماصار في أمريكا والعالم في 2008 و 1929 و مثل ماتشوفون بالرسم البياني حجم ال (debt burden) في 2020 واصل 129%..
31. هنا الاقتصاد يدخل في مرحله اسمها (Deleveraging) مرحلة تقليص الديون , في هذه المرحلة الناس تبدأ تقلل الإنفاق والدخل يقل والائتمان يختفي وأسعار الأصول تنزل والبنوك تبدا تنعصر وسوق الاسهم ينهار ويصير فيه توتر اجتماعي كل شي ينقلب مره وحده
32.مع نزول الدخل وارتفاع تكاليف القروض المقرضين ينعصرون معد فيه ائتمان خلاص المقترض مايقدر يسدد الحين ولا يقدر يتسلف يطر يبيع اصوله تصير الاصول مغرقه السوق كل الناس جالسين يبيعون عشان يسددون ديونهم ويبدا سوق الاسهم ينهار والبنوك تدخل في مشاكل…
33.صار مافي انفاق ولا دخل والمقرضين بطلو يعطون فلوس لان مافي ائتمان الناس بدت تصير انها مامعها فلوس يعني صارت دوره شرسه
----------
تقولي هذا ركود اقتصادي ؟ لا لان في هذه المرحلة البنك المركزي مايقدر يخفض معدلات الفائدة وتمشي الامور
----------
تقولي هذا ركود اقتصادي ؟ لا لان في هذه المرحلة البنك المركزي مايقدر يخفض معدلات الفائدة وتمشي الامور
34.في الركود الاقتصادي اذا خفضت معدلات الفائدة هذا يعزز الاقتراض بس في مرحلة تقليص الديون ماش ماينفع لان معدلات الفائدة اصلن قليله وتضرب الصفر زي في وقتنا الآن وفي نفس المرحلة في العامين 1929 و 2008
35.الفرق بين الركود الاقتصادي و مرحلة تقليص الديون (deleveraging) ان في هذه المرحلة الـ (debt burden) الي هي نسبه الديون للدخل تصير كبيره بالنسبة للمقترضين ولا بتنحل بتخفيض معدلات الفائدة و المقرضين يستوعبون ان الديون كبرت ولا يقدرون المقترضين يسددون واصولهم انخفضت قيمتها.
36.يصير المقرضين مايعطون فلوس ولا المقترضين يتسلفون فلوس خلاص يختفي الائتمان, طيب تقول وش الحل لهذه مرحلة تقليص الديون ؟ في اربع طرق تساعد…..
1- الشركات والحكومة توقف إنفاقها
2- الديون تقلل عن طريق التخلف عن الديون وإعادة هيكلة
3- اعادة توزيع الثروات من الي معهم للي ما معاهم ( زي بايدن الحين طلب رفع نسبة الضرائب على الشركات والي دخلهم كبير...)
4-البنك المركزي يبدأ يطبع نقود (طبع الفيدرالي أكثر من 7 تريليون دولار )
2- الديون تقلل عن طريق التخلف عن الديون وإعادة هيكلة
3- اعادة توزيع الثروات من الي معهم للي ما معاهم ( زي بايدن الحين طلب رفع نسبة الضرائب على الشركات والي دخلهم كبير...)
4-البنك المركزي يبدأ يطبع نقود (طبع الفيدرالي أكثر من 7 تريليون دولار )
37.
هذه الاربع طرق هي تستخدم في العصر الحديث وبالعاده لما يقل الانفاق مثل ماشفنا لما بدت الازمة شركة اوبر فصلت كثير من موطفينها ومثل ماصار في البنوك في امريكا عام 2008 والحكومة تبدا تقلل انفاقها عشان كلهم الشركات والحكومه يقدرون او يحاولون يسددون ديونهم, ...
هذه الاربع طرق هي تستخدم في العصر الحديث وبالعاده لما يقل الانفاق مثل ماشفنا لما بدت الازمة شركة اوبر فصلت كثير من موطفينها ومثل ماصار في البنوك في امريكا عام 2008 والحكومة تبدا تقلل انفاقها عشان كلهم الشركات والحكومه يقدرون او يحاولون يسددون ديونهم, ...
طيب تجي الحين تقولي حلو الحين ال (debt burden) يبدا ينخفض صح؟
اقولك لا العكس تماما لان الانفاق قل بالتالي يقل الدخل لان انفاق شخص يعني دخل شخص ثاني طفشتكم بالاغنية هذه لكن هذا الواقع و الدخل ينخفض أسرع من الديون وعملية تقليل الانفاق هذه انكماشية و صعبة على الشركات والحكومة يعني والناس تخسر وظايفهم و يبدأ معدل البطالة يرتفع مثل بداية الأزمة
في الخطوة الثانية الي هي تقليل الدين اغلب المقترضين مايقدرون يسددون الديون الي عليهم و قلنا ان الديون هذه تعتبر اصول للمقرضين واذا ما تسددت الديون الناس الي مودعين عند البنوك تتوتر وتصير تسحب فلوسها خوفا ان البنك مايقدر يرجعها لهم وتنعصر البنوك هنا والشركات والناس يبدون يتخلفون
40.خلنا نرجع لمثل البقالة, الحين انت عندك مع راعي البقاله اتفاق ان كل شهر تحاسبه يصير الاتفاق هذا بالنسبه لراعي البقاله اصل واذا انت تخلفت ولا قدرت تدفع الي عليك الأصل هذا معد يسوى شي عند راعي البقاله فا يجيك يقولك اسمع خلنا نسوي اعاده هيكله...
وهذا معناه انك تدفع اقل او تاجل الدفع لوقت بعدين لما تزين الامور
بالتالي يصير راعي البفاله يقول شي احسن من لا شي حتى لو مالتزم بالاتفاق, كذا البنوك يصير معها في هذا المرحلة.
بالتالي يصير راعي البفاله يقول شي احسن من لا شي حتى لو مالتزم بالاتفاق, كذا البنوك يصير معها في هذا المرحلة.
41.وهذا كله صعب على الاقتصاد ويسبب انكماشية ويؤثر على الحكومة المركزية لأن دخل اقل يعني اكثر بطالة يعني دخل اقل من الضرائب للحكومة والحكومة تحتاج ترفع إنفاقها عشان معدل البطالة ارتفع وكثير يعتمد على دعم الحكومة للعاطلين عن العمل
42.هنا تجي الحكومة وتنشئ خطط تحفيز عشان ترفع الإنفاق عشان يعوض عن الهبوط الي صار في الاقتصاد ويصير فيه انفجار عجز في الميزانية الحكومية في مرحلة تقليص الديون (deleveraging) وعشان الحكومة هنا عشان تغطي العجز هذا لازم اما تتسلف فلوس او ترفع الضرائب, طيب انت تقول الدخل انخفض ؟
....ترفع الضرائب على الاغنياء الي معهم فلوس مثل تم اعلانه قبل فتره ان بايدن يبي يرفع الضريبة على الشركات والأغنياء
43.هنا تبدأ الحكومة تاخذ من الأغنياء وتعطي الناس الي يعانون من هذه المرحلة وجلس وضع الاقتصاد سيء يمكن يصير فيه مشاكل مع الناس يبدون يطلعون في مظاهرات ويسون شغب وممكن يوصل الموضوع الى مرحلة سياسية خطرة ويمكن تقوم حروب بسبب هذا وتنضغط الحكومة لأن الناس مامعها فلوس...
... زي ماقلنا قبل الائتمان هو نفسه الفلوس والائتمان اختفى في هذه المرحلة بالتالي مافي فلوس ومن معه فلوس؟ البنك المركزي.
44.البنك المركزي نزل معدلات الفائدة و انغصب انه يطبع نقود وطباعة النقود ترفع التضخم ومعززه للاقتصاد ويستخدم البنك المركزي النقود الي طبعها ويشتري أصول مالية وسندات الحكومية مثل ماصار في أزمة كورونا.
-----------
لما يشتري البنك الأصول المالية بالنقود الي طبعها يساعد الموضوع ...
-----------
لما يشتري البنك الأصول المالية بالنقود الي طبعها يساعد الموضوع ...
...انه يرفع أسعار الأصول ويصيرون الناس أهل للائتمان بس هذا يساعد بس الي عنده أصول مالية, تشوف البنك المركزي بس يقدر يشتري أصول مالية
45.بس الحكومة المركزية هنا غير تقدر تشتري خدمات وسلع وتعطي الناس فلوس بس ماتقدر تطبع مثل البنك المركزي فا عشان تقدر تسوي هذا كله يصير تصدر الحكومة سندات ويشتريها البنك المركزي يعني البنك يسلف الحكومة والحكومة تشتري السلع و الخدمات وتعطي الناس فلوس عن طريق برامج التحفيز...
...وإعانات البطالة وكذا يرتفع دخل الناس وترتفع ديون الحكومة
46.هنا يقل ال (debt burden) بس هنا اللحظة الحاسمة والوقت الخطر ليش؟
لان لازم صناع السياسات يوزنون الاربع طرق مع بعض بحيث يقل ال (debt burden) ولازم الطرق الانكماشية تتوازن مع الطرق التضخمية عشان تحافظ على الاستقرار صح واذا تم يصير عدينا مرحلة تقليص الديون بطريقة مريحة و جميلة.
لان لازم صناع السياسات يوزنون الاربع طرق مع بعض بحيث يقل ال (debt burden) ولازم الطرق الانكماشية تتوازن مع الطرق التضخمية عشان تحافظ على الاستقرار صح واذا تم يصير عدينا مرحلة تقليص الديون بطريقة مريحة و جميلة.
47.تشوف الآن أن في مرحلة تقليص الديون تقدر المرحلة تصير جملية وسلسلة او صعبه وبشعة
وفي المرحلوة الجميلة الديون تنخفض بتناسق مع الدخل و النمو الحقيقي للاقتصاد ايجابي والتخصم موب مشكلة طبيعي ويتحقق كل هذا اذا تمت الموازنة.
وفي المرحلوة الجميلة الديون تنخفض بتناسق مع الدخل و النمو الحقيقي للاقتصاد ايجابي والتخصم موب مشكلة طبيعي ويتحقق كل هذا اذا تمت الموازنة.
48.عشان الامور تمشي تمام البنك مركزي مو بس لازم يرفع نمو الدخل لكن يرفع نمو الدخل بحيث يصير اعلى من معدلات الفائده على القروض المتراكمة يعني باختصار لازم الدخل ينمو أسرع من نمو الدين….
49.يعني على سبيل المثال تخيل أن في دولة تمر في مرحلة تقليص الديون وعندها نسبة الدين للدخل 100% يعني ان الدين نفس حجم الدخل الي تحققه الدولة, الحين فكر عن معدل الفائدة على الدين مثلا 2% وأن الدين ينمو بمقدار 2% وعشان كذا الدخل و معدل الفائدة في نمو 1% ...
....يعني ابدا ماراح تقدر الدولة تنزل نسبة الدين للدخل لازم تطبع نقود بحيث ينمو الدخل اعلى من نمو الدين
لكن المفتاح هنا ان الدولة ماتستغل طباعة النقود عشانه سهل لانه استغلاله يؤدي الى مشكلة تضخم.
النمو في المرحلة هذه يكون بطيئ بس صحي ويقل معه نسبة الدين للدخل لما الدخل ينمو المقترضين يصبحون اهل للائتمان ويرتاح المقرضين....
النمو في المرحلة هذه يكون بطيئ بس صحي ويقل معه نسبة الدين للدخل لما الدخل ينمو المقترضين يصبحون اهل للائتمان ويرتاح المقرضين....
ويعطون وهم متطمنين والناس تنفق أكثر واخيرا الاقتصاد يبدأ نموه من جديد.
هنا وصلنا لنهاية الثريد اتمنى انكم استفدتو و استمتعتو بقراءة الثريد و كل عام وانتم بخير
هنا وصلنا لنهاية الثريد اتمنى انكم استفدتو و استمتعتو بقراءة الثريد و كل عام وانتم بخير
جاري تحميل الاقتراحات...