نظرية الشكل

هل الشكل أهم عامل لتشبيك الحريم؟إيه، هل هو العامل الوحيد؟ لا، فيه مثلا المال والوظيفة وفن الجذب والشخصية والذكاء، طيب ليه طلعلنا ناس مسوين زحمة عالشكل زي البلاكبلجية؟ أولا لازم تعرف إنهم مب طبيعيين، الأغلب يعاني من اضطرابات نفسية، ونفس العينات تلقاها بكثرة بين الملاحدة والعدميين.

ثانيا، حنا عايشين بعالم يستفزنا بخصوص الشكل بمعدل ومستوى مب طبيعي، وما كان المفروض أصلا نهتم له بقدر اهتمامنا فيه حاليا، فجأة صار فيه تقنيات تجميل متنوعة تمسخ القبيح لجميل، مع وسائل إعلام ما يظهر عليها وما ينتشر إلا الأجمل، فتغير معيار المقارنة من متوسط الجمال إلى أجمل الجميلين.

ثالثا، يشوفون سهولة تشبيك الحريم للجميل، فيظنون معناها سهولة تحصيله للجنس والحب. سهولة تحصيل الجنس محد ينكرها أما الحب فما له علاقة، وأصلا لو فعلا يهمهم الجنس فالفلوس تجيبه، معناها مشكلتهم الخلط بين اهتمامها المبني عالشكل وغايته الجنس، واهتمامها المبني عالحب وغايته ذات المحبوب.

كونها تبي تمارس معك مب معناها تحبك، معناها تحس برغبة ممارسة الجنس معك، الإحساس هذا هو شيء نشترك فيه مع الحيوانات اللي لا تدرك مفهوم الحب لأنها لا تختار، أقصد بالاختيار اللي عن إرادة وقصد وتروّي، بعدين ما فيه شيء اسمه حب بدون معرفة لزمان طويل، زي ما فيه شيء اسمه صداقة بين الغرباء.