مبدئيًا كده ده أنسب ميعاد الواحد يتكلم فيه عن الموضوع المتداول دلوقتي .. وقبل ماأبدأ كده (قضيتي الأولى نهر النيل وسد أبرهة الحبشي) ... وأي قضايا تانية بالنسبة لي قضايا جانبية .. نخش بقى في الموضوع .
-
القضية الفلسطينية تاريخيًا لحد دلوقتي أكتر حد مهتم بيها بعد الفلسطينيين . مصر
-
القضية الفلسطينية تاريخيًا لحد دلوقتي أكتر حد مهتم بيها بعد الفلسطينيين . مصر
وده يقطع الطريق على أي مزايدات من البعض .. القضية الفلسطينية بنهتم بيها إهتمام كبير طول عمرنا وبطريقتنا اللي إحنا عارفين إنها صح .. مش منتظرين أي حد يقول لنا ندافع عن قضية فلسطين إزاي وعلى مزاجه .. السنين اللي فاتت كانت كافية لينا علشان نفهم المبادئ اللي تخلينا نحكم على الموضوع
1) معرفة الأولويات (مصر ولافلسطين؟) مصر طبعًا .. وده يخلي رأيي أكثر مصداقية كإنسان طبيعي ، طيب (فلسطين ولاإسرائيل؟) . فلسطين طبعًا بحكم حق ربنا . طيب . (غزة ولارام الله ولاالقدس؟) .. ده بقى السؤال اللي لازم كل الفصائل الفلسطينية تجاوب عليه وتقول (فلسطين) علشان العرب يقولوا فلسطين
2) طبعًا اللي بتعمله إسرائيل وداعمينها يعتبر إجرام ، حتى فكرة إن ردهم على صواريخ بسيطة إنهم يجهزوا عتاد جيش علشان يضربوا مدنيين أبرياء منهم أطفال وسيدات . كالعادة بتأكد فكرة إن إسرائيل تظل جبانة وضعيفة من داخلها ، وبتأكد غضب ربنا عليها وهييجي الوقت اللي هتدفع فيه ثمن أعمالها دي
3) إيه الحكاية بالضبط وإيه المطلوب مننا نعمله؟؟
طيب . الموضوع ده معقد ومتشابك جدًا . فلسطين من داخلها متقسمة بحكم ظروف كتير .. وبالتالي قضيتها الكاملة تعتبر لسه في مرحلة التجهيز . ومصر ياما إتكلمت كتير بخصوص الموضوع ده .. لازم تكون فيه مصالحات داخلية فلسطينية الأول قبل كل حاجة
طيب . الموضوع ده معقد ومتشابك جدًا . فلسطين من داخلها متقسمة بحكم ظروف كتير .. وبالتالي قضيتها الكاملة تعتبر لسه في مرحلة التجهيز . ومصر ياما إتكلمت كتير بخصوص الموضوع ده .. لازم تكون فيه مصالحات داخلية فلسطينية الأول قبل كل حاجة
الموضوع ده له أكثر من شكل تحليلي .. إحنا عمومًا عاصرنا إن عناصر من حماس إستهدفتنا كمصريين قبل كده بعمليات إرهابية وتصريحات معادية لرأينا كشعب . ومع ذلك مصر مابتتأخرش عن أي دعم أو مساعدات وبتتكلم مع حماس بصفتها فصيلة فلسطينية تخص قضية فلسطين .. يعني مصر بتفرق بين المواقف بشكل عاقل
فعيب أوي لما نلاقي الأكاونتات اللي بتهاجم مصر وبتقول مصر عملت إيه لفلسطين؟ .. لأ مصر والمصريين أكتر ناس دعمت القضية دي على وجه الأرض .. إسألوا الفلسطينيين اللي متابعين القضية بجد واللي مابينكروش الجميل علشان يحكوا لكم عن المواقف اللي عملتها مصر وقياداتها عبر العصور
اللي يقول لك . مصر مابتدخلش بقواتها ليه علشان الكلام ملوش لزمة؟ .. علشان دخولنا بشكل عسكري مش هينصف القضية بوضعها الحالي ، بالعكس هيضرها وهيقضي عليها لأن الموضوع هيتحول لحرب عالمية .. والفلسطينيين رهائن في النص .. وبالتالي هتبقى الأوضاع هناك أسوأ من اللي حصل في اليمن ، ده أولاً
ثانيًا .. بعد حرب أكتوبر المفترض إن إتفاقية كامب ديفيد كانت أكبر فرصة للفلسطينيين علشان موضوع دولتهم ، بس علشان الأفكار الفارغة للأسف الفرصة دي ضاعت .. دلوقتي وبقينا نسمع 3 أصوات فلسطينية مختلفة رام الله وغزة والقدس .. كده القضية بتتفتت داخليًا . ومش هتفيد أي مساعدة خارجية ليها
ياما قلنا الحل السياسي أحسن حل .. موضوع ليبيا دليل ، لما دخل في الحل السياسي الحقيقي دلوقتي بقى عندها صوت موحد وحكومة موحدة تقدر تكلم بيها العالم .. ومصر كانت أول دولة دعمت الفكرة دي وبدأت تساعد إن الحياة يدوبك تحاول ترجع في الأرض المنهكة دي .. ياريت الفلسطينيين يعملوا كده برضه
فيه آراء بتقول إن الموضوع اللي بيحصل ممكن تكون فيه شبه إتفاقات . تراشق من الأطراف كلها والموضوع يدفع ثمنه الفلسطينيين اللي ملهمش دعوة باللي بيحصل وتخلص الخناقة على مساعدات مالية من الدول علشان الأضرار . والله أعلم الأموال بتروح فين ولمين . فيه سلطة فلسطينية موجودة بس لسه مش مفعلة
اللي أعرفه إن الشعب الفلسطيني هو أكتر حد بيتألم دلوقتي علشان قضيته لسه ليها صوت .. محتاج بس إن قيادات الفصائل تتفق مع بعض علشان تبقى كلمتهم واحدة ووقتها حكام العرب اللي البعض بيشتمهم يقدروا يتحركوا .. حكام العرب مش هيقدروا يعملوا حاجات كتير لقضية أطرافها لسه ماإتفقوش عليها
جاري تحميل الاقتراحات...