من فترة قصيرة كنت بتكلم مع اتنين، واحدة أمريكية وواحدة فرنسية، وعادةً يعني بتمنى إن موضوع فلسطين مايتطرحش في casual settings عشان ماسمعش حاجة تخليني أقلب الترابيزة وأقوم (عشان مابعرفش أكمّل في قعدات صهيونية مهما كانت القعدة casual)، بس الموضوع اتفتح فعلاً
الأمريكية كانت بتحكي ان واحدة صاحبتها في أمريكا خلاص بتلم حياتها عشان هتنقل اسرائيل قريب. ف سألتها ليه؟ ليه دلوقتي يعني؟ جالها شغل هناك ولا إيه المغري في الموضوع؟ ف قالت لي لأ ولا شغل ولا حاجة هما كـ يهود عندهم تعلُق بالمكان وهي هتنقل for spiritual reasons
كل ده احنا بنتكلم عن طرف مش معانا ومادخلناش في آراء. فـ سألتها هي تعرف إيه عن القضية الفلسطينة. ماعرفش التعميم ينفع في حالة زي دي ولا لأ لإني ماعرفش هما بيصدرولهم أي أفكار. بس سمعت كلام من نوعية "الأرض دي أصلاً كانت فاضية فـ ليه لما اليهود راحوا العرب اعتدوا عليهم؟"
أوكيه. مش هنتعصب. أرض إيه يا حبيبتي اللي كانت فاضية؟ الأرض اللي عليها النزاع. فاضية امتى؟ لحد ما اليهود اللي اتبهدلوا في الحرب العالمية التانية ما أخيراً لقوا ملجأ وراحوها. مين يا حبيبتي مفهمك الكلام ده؟ ده اللي احنا بنسمعه عندنا.
ودي كانت أول مرة تقريباً أكتشف الحقايق بتتحوّر لأي درجة. يعني حتى مش narrative باعوا بيوتهم المنتشر في الدول العربية، لأ، الحكاية على ما وصلت للناحية التانية من العالم بقت مفيش بيوت أصلاً تتباع لإن ماكانش فيه حد ساكن عالأرض.
والـterminology برضو متنقية كده strategically. اليهود، فـ لو قولت حاجة تلبس في antisemitism على طول. بعد الحرب العالمية التانية، فـ هولوكوست وماتقدرش تتكلم أصل هتنكر يعني؟ ولا هتستكتر على الضحايا التعويض؟
طبعاً مفيش مبرر للجهل في عصر فيه كل المعلومات مُتاحة في جيوبنا. وزي ما فيه مصادر لأكاذيبهم فيه مصادر للحقيقة واللي عايز يوصل للمعلومة هيدوّر وهيوصل.
بس الشعوب اللي حكوماتهم actually مؤثرة في القضية، اللي في قارات يفصلها محيط ونص العالم عن منطقة النزاع، الـaverage Joe هيهتم يدوّر ليه؟ هيفرق في حياته اليومية في إيه؟ فـ بياخد اللي بيتقال له وخلاص.
من قريب طلع @DecolonizePS. مشروع تأريخ بالانجليزي بيحكي عن تاريخ فلسطين والاحتلال. البحث عن قضية بقالها قرن ممكن يكون صعب وكترة الـresources ممكن تكون overwhelming.
أحلى حاجة في @DecolonizePS انه جامع تقريبًا كل حاجة في مكان واحد من الأول خالص، وفيه كمان FAQs لو حد عايز يدخل في المهم على طول.
المهم. زمان كان لازم شخصية مؤثرة تطلع تتكلم عن حاجة عشان يبقى فيه وعي بيها. دلوقتي أي حد ممكن يأثر. وفي غياب التغطية الاعلامية الدولية (والشخصيات العامة المحلية اللي مش فاهمة دورها في المجتمع أو مش مهتمة) مش لازم نستنى حد يتكرم ويعرف الناس الحقيقة.
لو كل اللي تقدر تعمله انك تـshare حاجة فـ حد يعرف حاجة هو ماكانش عارفها وتفتح عينه على اللي بيحصل، you’ve done enough.
And if you know someone who believes “it was an uninhabited land” because that’s what they’ve been taught, direct them to @DecolonizePS for free history classes
And if you know someone who believes “it was an uninhabited land” because that’s what they’ve been taught, direct them to @DecolonizePS for free history classes
The whole website is very, very well-worded and well-thought-out. But I wanna take this opportunity to share one of my favorite answers on the FAQ page:
decolonizepalestine.com
@DecolonizePS
decolonizepalestine.com
@DecolonizePS
جاري تحميل الاقتراحات...