هل تخصصات الحاسب صعبه ؟ هل لو تخصصت راح اقدر اتوظف ؟ هل تخصصات الحاسب لهم مستقبل ؟ هل اقدر اتخصص حاسب وانا ماعندي أي خلفيه بالحاسب ؟ بجاوب تحت التغريده على الاسئلة هذي كله بشكل مختصر
بخصوص ان تخصصات الحاسب صعبه او لا ، انت من يحدد سهوله المجال او صعوبته متاكد ميه بالميه لو الشخص خصص ساعات معينه في اليوم لمذاكره المحاضرات + التعليم الذاتي بيخلي التخصص سهل عليه بسبب الممارسه والتطبيق العملي والكتابه ، كذا نفهم انك انت من تحدد صعوبه وسهوله المجال .
بخصوص الوظيفه وان التخصصات له مستقبل او لا ، اول شي الارزاق بيد الله سبحانه + التقنيه فرصه التوظيف فيها أكثر من قبل خصوصاً أن التقنيه يعتمد عليها الجميع مثل الأمن السيبراني وامن المعلومات والبرمجه والشبكات وو إلخ ، كذا نفهم أنك اجتهد في تخصصك افهمه ابدع فيه
وكثف على نفسك دورات في مجال تخصص بشرط تفهم محتوى الدوره اكثر من انك تركز على انك تاخذ شهاده حضور لان شهادة حضور بدون فهمك للمحتوى راح تكون فائدة الشهاده صفر ، وتذكر أن مافي شي اسمه مستحيل مستحيل اخترعها الفاشل عشان يحطه عذر له ما ينجح 👌
بخصوص هل اقدر اتخصص حاسب وانا مو فاهم فيه شي ، اي تقدر وطبيعي جداً تدخل تخصص ما تعرف عنه شي والجامعه راح تبدأ فيك من الصفر وتعلمك من الأساسيات وأنت ايضاً عشان تبدع اكثر في تخصصك لا تعتمد على الجامعه فقط خصص لك كم ساعه تعليم ذاتي عشان مستواك يتطور وتبدع اكثر
في النهاية نصيحه أخ حاول أنك تطور نفسك في الأنجليزي وأيضاً طبق عملي مهم جداً التطبيق العملي والممارسه والكتابه باليد الحاسب ما يعتمد على الحفظ كل ما طبقت عملي وكتبت بيدك كل مافهمت وصرت مبدع اكثر في تخصصك ، وحط ببالك ان الله ماراح يضيع لك تعب طول ما انت سالك طريق للعلم ❤️
بالاخير كل شي تحتاجه بالحاسب بشكل مجاني راح تحصله في المفضله ( الاعجابات) بحسابي او بقناتي بالتيليجرام لجميع تخصصات الحاسب ، والله يوفقكم❤️
جاري تحميل الاقتراحات...