صفقة هازارد لريال مدريد من اكتر الاشياء المعادية للمنطق كرويًا، مدريد فريق ناجح جدا في خلق كم ضخم من الفرص وعنده هداف تاريخي بيقدر يترجم كم كبير من الفرص لأهداف بالذات في الاوقات الصعبة، الهداف اسمه رونالدو ومركزه (على الورق) وينج ليفت، خرج رونالدو، المفروض يكون الحل ايه؟
الحل يفترض يكون البحث عن مهاجم (هداف) يلعب جنب بنزيما او جناح (هداف)، اهم صفة في اللاعب اللي هيحل محل رونالدو يكون (هداف) لتعويض ولو جزء من حصيلة الاهداف اللي هيفقدها مدريد بفقد رونالدو
اللي حصل فعلا ايه؟
اللي حصل فعلا ايه؟
اللي حصل هازارد، لاعب (على الورق) وينج ليفت زي رونالدو لكن كـ بروفايل هو ابعد ما يكون عنه، مش هداف وميزته الاهم في الاختراق وخلق فرص، اللي هي ميزة موجودة اصلا في مدريد وقتها بشكل كبير مش محتاج اضافة واضافة بالسعر ده
طيب مين اللي هيعوض عدد الاهداف اللي كان بيضمنها رونالدو سنويا؟
طيب مين اللي هيعوض عدد الاهداف اللي كان بيضمنها رونالدو سنويا؟
سؤال اعتقد محدش سأله بجدية، لأن يوفيتش حتى لو كان نجح في مدريد فنجاحه كان هيقف عند نقطة بعيدة جدًا عن رونالدو، بالرقم اللي اتدفع في هازارد كان يقدر مدريد يجيب هداف حقيقي يضمن عدد ما من الاهداف لكن نجومية هازارد وامكانياته الكبيرة لسبب ما كانت اهم من تعويض فراغ واضح هيسيبه رونالدو
قريب من صفقة هازارد جدا حديث برشلونة عن نيمار، لاعب خارق بطبيعة الحال، لا يمكن التشكيك في امكانياته، لكن نفس السؤال هيطرح نفسه، نيمار لو انتقل لبرشلونة هيلعب فين؟ وينج ليفت فاتح عرض الملعب زي زمان؟ اكيد لا، النسخة دي من نيمار انتهت، نيمار حاليا على مستوى مساحات اللعب هو ميسي اخر
اللي هي كانت نفس مشكلة جريزمان، انه لاعب ممتاز لكنه عشان يكون ممتاز بيحتاج يتحرك في نفس مساحات ميسي وبيحتاج كمان مهاجم قدامه،
لو افترضنا فرض خيالي ان فيه طريقة لعب تستوعب ميسي ونيمار مع بعض مع انه اقرب للمستحيل، هل برشلونة عنده مهاجم يقدر يمنح الفريق عمق هجومي قدامهم؟
لو افترضنا فرض خيالي ان فيه طريقة لعب تستوعب ميسي ونيمار مع بعض مع انه اقرب للمستحيل، هل برشلونة عنده مهاجم يقدر يمنح الفريق عمق هجومي قدامهم؟
الاجابة لا، طيب في ظل ازمة مادية خانقة وقد تكون قادر على ابرام صفقة واحدة قوية، مش الاولوية للمهاجم؟ لا لنيمار عشان نجم وممتع وميسي بيحبه، وده ممكن يكون كلام جميل في السوشيال ميديا وينزل عليه صور جميلة زي مين يقدر يوقف هجمة فيها ميسي ونيمار لكنه حقيقي ملوش علاقة بتكوين فريق كرة
هل جملة "تكوين فريق كرة متكامل" دي اصلا مهمة ولا مجرد جمع مجموعة من النجوم كافي؟
اسال بيب وتوخيل وفليك وكلوب
المهم متسألش رؤساء الاندية
اسال بيب وتوخيل وفليك وكلوب
المهم متسألش رؤساء الاندية
جاري تحميل الاقتراحات...