يالا نحكي عن واحدة من أجمل التحف والمقتنيات الملكية وهو شطرنج الملك فاروق.
الشطرنج موجود ضمن مقتنيات متحف المجوهرات الملكية
الشطرنج موجود ضمن مقتنيات متحف المجوهرات الملكية
ولي العهد الإيراني بعد تسويات زواجه من فوزية ، جه لمصر لعقد القران وتقديم الشبكة واصطحاب عروسته لإيران، فكانت هديته للملك فاروق هي الشطرنج ده اللي يعد واحد من أغلى الهدايا في العالم اللي تم تقديمها وقتها
الشطرنج طبعا كان هدية مناسبة جدا بيحمل روح فارسية في شكله و مضمونه ، وطبعا هدية كمان مناسبة لفاروق المهوس بالأنتيكات بطبعه
الشطرنج بيتكون من محاكاة لحرب بين فريقين باللون الاحمر والاخضر بعدد ٣٢ قطعة و الحيوانات زي الفيل والحصان بأشكالها الطبيعية بينما الطوابي مستبدلة بجمال .
٥٢٤ قطعة من الماس بتزين الشاه والوزير والحيوانات والعسكر ، وأجسامهم كلها بالذهب الاصفر الملون بالميناء ومزين بالاحجار الكريمة
٥٢٤ قطعة من الماس بتزين الشاه والوزير والحيوانات والعسكر ، وأجسامهم كلها بالذهب الاصفر الملون بالميناء ومزين بالاحجار الكريمة
الشطرنج زي ما انتوا شايفين كده معروض في المتحف بدون رقعة ، واعتقدت لفترة أن الرقعة راحت في الوبا وقت المصادرة وقعدت اتخيل رقعة حاجة بالروعة دي ممكن يكون شكلها ايه ، بس بشوية تدقيق كده لاقيت أن الرقعة كانت اكيد لن تزيد عن بلور شفاف مقسم مربعات معتمة وأخرى عاكسة ، وهقولكم ليه
لو ركزت هتلاقوا قاعدة كل قطعة من قطع الشطرنج بتحمل صورة بالمينا الملونة لشخصية تاريخية أو لواحد من المعالم الفارسية ، في ابداع خاص جدا يكمل قيمة الشطرنج
بالتالي اكيد الرقعة كانت بتعكس ده مش بتداريه ، يبقى الأرجح انها كانت بلور شفاف أو مراية مش رقة مصمطة من الذهب أو غيره
بالتالي اكيد الرقعة كانت بتعكس ده مش بتداريه ، يبقى الأرجح انها كانت بلور شفاف أو مراية مش رقة مصمطة من الذهب أو غيره
كمان من المؤكد إن الشطرنج مكانش من مقتنيات أسرة بهلوي ولا أمروا بصنعه، لأنهم زي ما قلنا كانوا محدثين ملك مالهمش تاريخ اساسا علشان يبقالهم مقتنيات ، فالأوقع أنه من الحقبة القاچارية
نقطة كمان مهمة البحث عن شطرنج الملك فاروق عادة بيظهر البتاع ده معرفش ليه ، مع أنه شطرنج روسي وموجود في متحف الشطرنج في روسيا وحجمه مش بالضخامة اللي الصورة تحسسهالك ، بس مالوش عموما علاقة بالملك فاروق
مش ده الشطرنج الوحيد في المتحف لكن فيه كمان شطرنج منحوت من أحجار الفيروز صغير الحجم و بردو بدون رقعة . الملك فاروق اجمالا كان عنده عدد كبير من انتيكات الشطرنج ،ربما في متحف قصر عابدين بعض منها كمان .
بس كده خلص الكلام
بس كده خلص الكلام
جاري تحميل الاقتراحات...