قبل شهر و 3 أسابيع اصبنا كلنا في البيت (الوالد و الوالدة وأختي وأنا) بكورونا وكانت أيام عصيبة جدا الحمدالله عبرنا منها (ولا زلنا نتعافى من آثارها إلا الآن)
السبب المخليني أشارككم بالقصة انه الموجة الثالثة دي مختلفة جداً و عسى و لعل انه التفاصيل المفروض الناس تنتبه ليها و الخطوات الممكنة تتبعها تساعد الناس في انه كيف تتعامل مع الموضوع لو قدر الله وجاتكم أو جات لزول من أهلكم عشان تمروا منها بسلام بعد لطف ربنا
من أول ما ظهرت الكورونا وانتشرت .. بديت أقرأ عن الموضوع بصورة كبيرة و أضع كل السناريوهات المحتملة لو قدر الله انه اصبنا بيها ... خاصة انه الوالد والوالدة عندهم ضغط
عملت كل التجهيزات الاولية الممكنة من علاجات و بروتوكولات و خطط ... لكن جات بعكس كل التوقعات
عملت كل التجهيزات الاولية الممكنة من علاجات و بروتوكولات و خطط ... لكن جات بعكس كل التوقعات
الاعراض الاولية
الوالد : حمى شديد و صداع مستمر وفتور في الجسم
الوالدة : اضطرابات شديدة في المعدة من حموضة و مغص و صداع شديد و فتور في الجسم من غير حمى وفقدان الشمس والذوق
رنا : أعراض زكام خفيفة و فقدان الشمس والذوق
أنا : قليل من كل شئ و فقدت الذوق و الشمس بعد 5 أيام
الوالد : حمى شديد و صداع مستمر وفتور في الجسم
الوالدة : اضطرابات شديدة في المعدة من حموضة و مغص و صداع شديد و فتور في الجسم من غير حمى وفقدان الشمس والذوق
رنا : أعراض زكام خفيفة و فقدان الشمس والذوق
أنا : قليل من كل شئ و فقدت الذوق و الشمس بعد 5 أيام
العلاجات
بدينا في الأول بي البروتوكول العادي
فيتامين سي و دي و زنك و مضاد زيثرومايسين
بس بعد 3 أيام أشتدت الاعراض و حصلت انتكاسات
أضفنا عليهم علاج الملاريا لانه فتور الجسم كان مستمر
بس بعد يومين الانتكاسة كانت كبيرة و غيرنا العلاجات مع استمرار الفيتامينات وانتقلنا لي الحقن
بدينا في الأول بي البروتوكول العادي
فيتامين سي و دي و زنك و مضاد زيثرومايسين
بس بعد 3 أيام أشتدت الاعراض و حصلت انتكاسات
أضفنا عليهم علاج الملاريا لانه فتور الجسم كان مستمر
بس بعد يومين الانتكاسة كانت كبيرة و غيرنا العلاجات مع استمرار الفيتامينات وانتقلنا لي الحقن
ساميكسون بدل المضاد الحيوي - ديكستاميثازون للشعب الهوائية - و كلاكسين حقن السيولة
الوالدة كانت موقفة البخاخ السيمباكورت فرجعت تستعملة تاني
بسبب فقد الشهية و الطمام و نزول الوزن بديت اديهم حبوب للطمام و فواتح شهية
والحمدلله بعد 12 يوم بدينا نتعافى كويس
الوالدة كانت موقفة البخاخ السيمباكورت فرجعت تستعملة تاني
بسبب فقد الشهية و الطمام و نزول الوزن بديت اديهم حبوب للطمام و فواتح شهية
والحمدلله بعد 12 يوم بدينا نتعافى كويس
الملاحظات الخاصة بالاعراض في السلالة الثالثة (ملاحظات شخصية) والتعامل معاها
1- الاكسجين نزل عندهم لي حدود ال 80 لكن الوالدة ساعدها السيمباكورت واكسجينها طوالي ارتفع لي 95 في 4 أيام
الوالد ساعدته حقن الديكستاميثازون وبعد 12 يوم رجع 95 و الآن الاتنين في حدود 98
1- الاكسجين نزل عندهم لي حدود ال 80 لكن الوالدة ساعدها السيمباكورت واكسجينها طوالي ارتفع لي 95 في 4 أيام
الوالد ساعدته حقن الديكستاميثازون وبعد 12 يوم رجع 95 و الآن الاتنين في حدود 98
2- فقدان الشهية و عدم الأكل سبب انخفاض كبير في الوزن بس الاسوأ أثر على مستوى البروتين في الجسم
3- جفاف حاد شديد و كمية الموية في الجسم انخفضت بي صورة كبيرة لي حدود ال 40% وده كمان ممكن ساهم فيه فقد البروتين (كل جرام بروتين بيفقد من الجسم بيفقد معاه 4 مل موية)
3- جفاف حاد شديد و كمية الموية في الجسم انخفضت بي صورة كبيرة لي حدود ال 40% وده كمان ممكن ساهم فيه فقد البروتين (كل جرام بروتين بيفقد من الجسم بيفقد معاه 4 مل موية)
4- انخفاض شديد في الضغط ... برغم أنهم عندهم ضغط و بياخدوا علاج مستمر
لدرجة انه ضغط الوالد وصل لي 90 على 51 واضطريت اديه دربات ملح و عدلت في الأكل لي الموالح زي الجبنة و الزيتون ووقفت منهم حبوب الضغط (الى الآن واقفة لكن الضغط مزبوط)
لدرجة انه ضغط الوالد وصل لي 90 على 51 واضطريت اديه دربات ملح و عدلت في الأكل لي الموالح زي الجبنة و الزيتون ووقفت منهم حبوب الضغط (الى الآن واقفة لكن الضغط مزبوط)
5- الآثار الجانبية للعلاجات: آلام في الكلى و استفراغ مرات و خمول و دوخان مرات .. بس الأعراض ما استمرت كتير
6- التهاب في البول عند الوالد : و ده اتعالج سريع باموكلان
6- التهاب في البول عند الوالد : و ده اتعالج سريع باموكلان
7- الكحة المستمرة: و دي مستمرة الى الآن يقال انه بتروح بعد شهرين لي 3 شهور ودي أكتر حاجة ساعدتنا فيها للعلاجات البلدية و المشروبات الدافية خاصة العسل و الكمون والبخار الحار بي الڤكس
8- أعراض خفيفة و لحظية من ضيق و كتمة في الصدر أو طعنات خفيفة غازات ألم مفاصل ودي خفيفة جدا
8- أعراض خفيفة و لحظية من ضيق و كتمة في الصدر أو طعنات خفيفة غازات ألم مفاصل ودي خفيفة جدا
9- ارتفاع سيولة الدم : ودي من أخطر الحاجات البتستمر بعد التعافي من الكورونا لانه بتسبب الجلطات و دي بنعرفها عن طريق فحص ال D Dimer
ودي عندها علاجين .. حقن الكلاكسين أو حبوب السيولة 10mg
ودي استخدامها لي فترة طويلة (أسبوعين أو أكتر) ممكن يسبب رعاف لفترة بسيطة "ظهر للوالد"
ودي عندها علاجين .. حقن الكلاكسين أو حبوب السيولة 10mg
ودي استخدامها لي فترة طويلة (أسبوعين أو أكتر) ممكن يسبب رعاف لفترة بسيطة "ظهر للوالد"
النصائح العامة
1- الاجهزة التكون عندك :
جهاز فحص الاكسجين pulse oximeter
جهاز فحص الضغط
جهاز فحص السكري "في ناس العلاجات رفعت ليهم السكر في الدم"
2- البروتوكول (فيتامين سي و دي و الزنك و زيثرومايسين و دواء الملاريا) يكون موجود عندك و بي كمية تكفي شهر
1- الاجهزة التكون عندك :
جهاز فحص الاكسجين pulse oximeter
جهاز فحص الضغط
جهاز فحص السكري "في ناس العلاجات رفعت ليهم السكر في الدم"
2- البروتوكول (فيتامين سي و دي و الزنك و زيثرومايسين و دواء الملاريا) يكون موجود عندك و بي كمية تكفي شهر
3- بعد 10 أيام من العلاج أفحص السيولة عشان لو مرتفعة تبدأ علاجات السيولة و تتجنب الجلطات (اذا شاب أو شابة والاعراض خفيفة ممكن تاخد أسبرين) لكن الحجاج يفضل الحقن أو الحبوب.
4- النظام الغذائي للمريض: لازم تركزوا على البروتين وأحسن حاجة ساعدتنا البيض و اللحمة الضان و كمان للضغط الزيتون و الجبنة ... بالنسبة للعصائر : القونقليز و البرتقال ... و الشعير عشان ضغط العلاجات على الكلى .. وأهم حاجة الموية الكتيرة جدا عشان الجفاف و الحمى
5- درجة الحرارة المنخفضة (المكيف) بدرجة مناسبة عشان السخانة بتأدي للجفاف أكتر
6- حاجة أخيرةأي حاجة ما طبيعية لازم تلاحظوها و تتعاملوا معاها ما تهملوها مثلا بعد 17 يوم فجأة البيت كله ظهرت فيه أعراض نزلة بي عطسو مخاط و بلغم لمدة يومين و أختفت لكن بعدها التنفس بقى أحسن
6- حاجة أخيرةأي حاجة ما طبيعية لازم تلاحظوها و تتعاملوا معاها ما تهملوها مثلا بعد 17 يوم فجأة البيت كله ظهرت فيه أعراض نزلة بي عطسو مخاط و بلغم لمدة يومين و أختفت لكن بعدها التنفس بقى أحسن
بأسف انه طولت عليكم جدا اتمنى انه الثريد ده الناس تستفيد منه و من التجربة دي عسى و لعل انه تساعد في انقاذ حياة و ربنا يرفع عننا البلاء و يكشف عننا الضر عاجل غير آجل
لو في زول محتاج مساعدة حاضرين
ربنا ما يوريكم شر في أحبابكم
لو في زول محتاج مساعدة حاضرين
ربنا ما يوريكم شر في أحبابكم
جاري تحميل الاقتراحات...