اخفاء تاريخهم على اي اساس، النوبة اكثر منطقة مدروسة اركيولوجيا في العالم وده بيرجع لثلاث بعثات تنقيبية لنجدة أثار النوبة من تبعات بناء السد العالى و تم تمشيط المنطقة بدئا من أسوان إلىعبرى فى السودان و لم يترك أى موقع بدون تسجيل و لم توجد أى مقابر من عصور ما قبل المسيحية
لم يتم الكشف عنها اما بالنسبة للتراث فمصر من اكتر الدول التي تملك تراث في كل عصورها ده نبذة عن التراث اللي ورثناه عن المصريين القدماء 1-عادات الزواج حاليا هي نفسها عند قدماء المصريين من مهر وقايمة وكان المصريين القدماء بيعملوا مأكولات ومشروبات بتكفي لشهور و توضع داخل منزل
العريس والعروسة وهى طقوس مستمرة وقبل الجواز كان اهل العروسة بيقدموا ليها الهدايا و الزوج كان بيقدم هدية قبل الفرح وبتكون عبارة عن ومكياج وهي طقوس مازالت مستمرة 2- السبوع: كان المصريين القدماء بيعملوا احتفالية للمولود بعد مرور 7 أيام على ولادته وكانوا بيجهزوا قبل السبوع بيوم
اناء فيه سبع حبوب ويحطوا جنبه قله لو بنت وابريق لو ولد وده لسه مستمر الى الان وكان الاعتقاد عند المصريين القدماء أن حاسة السمع بتبدأ عند الطفل في اليوم السابع من ولادته وعشان كده كانوا بيدقوا الهون بجوار اذنيه وده اللي مازال بيحصل مع استبدال كلمات اسمع كلام اوزوريس بأسمع كلام
امك واسمع كلام ابوك وهكذا و يوضع الطفل في الغربال وتعبر أمه فوقه سبع مرات وكانوا بيرشوا السبع حبوب والملح في المكان الموجود في الطفل والمعازيم بيحطوا في الصينية عملات معدنية واشعال الشموع والبخور كل دي طقوس مازالت موجودة الى الان وكان بيتم تركيب حلق ذهب فى أذن الطفل لو كانت بنت
ومن هنا جات الأغنية اللي بنغنيها في السبوع حلقاتك برجالاتك حلقة دهب فى وداناتك 3- الاناشيد الجنائزية وزكرى الاربعين وزيارة القبور في الاعياد : كان السيدات في مصر القديمة بيرتلوا على المتوفى ترنيمة وهي عبارة عن اغنية بترتلها المرآة وفي الغالب بتكون زوجته واخته وبعض من سيدات
القرية ده في حالة انه متزوج اما لو مش متزوج فكان بيوصي قبل ما يموت نساء القرية واخواته ليقوموا بالترتيل والترنيمة دلوقتي هي العدودة الموجودة في الصعيد ، وكان المصريين القدماء بيزوروا القبور في الاعياد ودي عادة مازالت موجودة 4- تكسير القلل: كان المصريين القدماء بيكسروا القلل وراه
المتوفي لطرد الروح الشريرة والعادة دي موجوده لو حد مش مرغوب فيه بيكسروا وراه قله 5- ومن المواريث الموجودة في مصر القديمة وموجودة الان هي الات الموسيقية مثل آلة التيبونى (الهارب) وهي اله وترية عرفها المصرية القديمة منذ الدولة القديمة والكنر (السمسمية) ظهرت في عصر الدولة
الوسطى و الربابة والناي والمزمار والبوق والسسشت(السيسترام) ظهرت في عصر الدولة القديمة وكانت بتستخدم في الاحتفالات الدينية ومازالت بتسخدم في الكنيسة القبطية الى الان والطبلة والدف والصنوج والكاسات والمقارع والصاجات والارغول
6-الالعاب: التحطيب- لعبة السينيت(الشطرنج) و لعبة النحلة و الحُكشة وهي لعبة الهوكي اللي اخها الاحتلال البريطاني من مصر وطوروها لعبة دوخيني يا لمونة و شد الطوق-الكورة الشراب -شبر وشبرين7-المأكولات : الجبنة القريش-المش-السمك المجفف-البليلة-اللحوم المملحة (البسطرمة) كانوا بيملحوا
اللحمة ويجففوها-العيش الشمسي -الفطير المشلتت الطاجن- الكحك-الرحايا -شوربة العدس-عيش السميد- بامية ويكا- ملوخية- الطبلية- المشنة- شم النسيم - الملانة في شم النسيم -البتاو-مشروب الكركديه-العاشوراء - الفسيخ -الطعمية- الفول-الكانون -الفرن البلدي وعدم ترك الشبشب مقلوب فكانوا بيعتقدوا
ان الشبشب المقوب بيجيب الحظ السيئ -الجلبية البلدي -البوظة
و دي تماثيل عملوها طلبة مصريين
جاري تحميل الاقتراحات...