النهارده في #خلي_بالك_من_زيزي كان في واحد من أعظم مشاهد الدراما السنة دي. زيزي قالت ل مراد على السبب اللي خلاها مريضة نفسية، اللي خلاها تبقى غضبانة دايماً ومتعصبة بالشكل الأوڤر ده. قالت له إن اهلها دايماً كانوا بيحبسوها في الاوضه دي. ف مراد خلع الاوكرة بتاعت الاوضة وادهالها
كمان لمّا مراد. قال: عارف أنا كنت فاكر زيزي دي غبيه وغشيمه طلعت أنا الغشيم .. زيزي عامله زي الحجر النادر كده محدش شكلها، لسة جاية من الجبل طازة، بجمالها الغير متناسق دا مختلفة، مختلفة تمامًا الحقيقه .. ملهاش زي.
ودا طبعاً المعنى الحقيقي لحد يشوفك من جوه، حد قبل ما يشوف عقدك ويعايرك بيها أو يهرب منك بسببها، يشوف أسبابها ويفهمك ويحس بيك ويقدر معدنك النضيف ويبدأ يتقبلك زي ما إنت.
#الخلاصة : في مقولة بتقول (ربما لم يرغب المرء في شخص يُحبه بقدر رغبته في شخص يفهمه ويتقبله). والحقيقة مفيش أجمل من إنك تلاقي حد تحكيله عن خوفك من غير خوف، حد يفهم إن المعني مش الحبسه في المكان إنّما الحبسه في الأوامر، والحبسه في الافكار.
والحبسة ف قساوة أيّام الماضي واللي شوفناه فيها. قد ايه حلو أن حد يطمنك ويقولك انك مش هتتحبس تاني.
@rattibha ♥️
جاري تحميل الاقتراحات...