في مسلسل #لعبة_نيوتن حازم طلق هنا في رسالة على واتس آب، وهي اتجوزت مؤنس، ولما رجعت وبلغت حازم بجوازها قالها أنا كنت رديتك. مين فيهم صح؟ وإيه هي أحكام الطلاق بالظبط في القانون المصري؟
قانون الأحوال الشخصية في مصر أساسه أحكام الشريعة الإسلامية ومن ضمنها قواعد الطلاق، وعلشان في آراء فقهية كتير مختلفة في كل مسألة من مسائل الطلاق فالقانون دايماً بيتبنّى رأي معين (بيكون شايف إنه الأصلح للمجتمع).
بدون تفصيلات معقدة الطلاق عامة نوعين: رجعي، وبائن.
إيه هو الطلاق الرجعي؟
معناه إنه يجوز للرجل خلال ٣ شهور من وقت الطلاق إنه يرجع مراته وفي الحالة دي هيرجعها بدون عقد زواج جديد ولا مهر جديد. (والزوج ليه إنه يعمل كده مرتين بس حتى لو الزوجة مش موافقه ترجعله)
إيه هو الطلاق الرجعي؟
معناه إنه يجوز للرجل خلال ٣ شهور من وقت الطلاق إنه يرجع مراته وفي الحالة دي هيرجعها بدون عقد زواج جديد ولا مهر جديد. (والزوج ليه إنه يعمل كده مرتين بس حتى لو الزوجة مش موافقه ترجعله)
أما الطلاق البائن فهو الطلاق اللي ماينفعش للزوج إنه يرجع مراته فيه إلا بعقد جديد ومهر جديد (وهنا من حق الزوجة توافق أو ترفض). وهو نوعين (بائن بينونة صغرى، وبائن بينونة كبرى).
إيه الفرق بين البَينونة الصغرى والكبرى؟
إيه الفرق بين البَينونة الصغرى والكبرى؟
البينونة الصغرى معناها إن الزوج مارجعش مراته خلال مدة الـ ٣ شهور (العدة) (فاتحول الطلاق الـ كان رجعي بقى بائن بينونة صغرى) وفي الحالة دي لازم علشان يتجوزها تاني يعمل عقد جديد ومهر جديد. (وفي حالات تانية للبينونة الصغرى زي الطلاق بعد كتب الكتاب وقبل إقامة علاقة)
أما البينونة الكبرى فهي بعد الطلقة التالتة، وفي الحالة دي ماينفعش يتجوزها تاني إلا لو هي اتجوزت وجوزها الجديد طلقها (وبيسمّوه المحلل).
القاعدة العامة هي إن عدة المطلقة ٣ شهور، لكن الحامل عدتها لغاية الولادة. وبالتالي لو الزوج مارجعهاش قبل الولادة (زي حازم) يبقى الطلاق بائن وماينفعش يرجعها من غير عقد جديد ومهر جديد وبالتالي يحق ليها تتجوز بعد الولادة.
طلاق حازم لهنا عن طريق الواتس آب صح ولا غلط؟ هو صح لأن الطلاق ممكن يحصل شفوي أو بالكتابة أو بالإشارة.
طيب لو هي ماشافتش الرسالة؟
وفقاً للشريعة الطلاق بيحصل بمجرد صدوره ممن يملكه (الزوج)، وبالتالي هو حصل من وقت إرسال الرسالة.
لكن الحقيقة إن ده وضع بيترتب عليه مشاكل عملية كتيرة..
طيب لو هي ماشافتش الرسالة؟
وفقاً للشريعة الطلاق بيحصل بمجرد صدوره ممن يملكه (الزوج)، وبالتالي هو حصل من وقت إرسال الرسالة.
لكن الحقيقة إن ده وضع بيترتب عليه مشاكل عملية كتيرة..
علشان كده القانون المصري تدخل وعمل قواعد (رغم إن بعضها مالوش أساس في آراء الفقه) لكنها ضرورية علشان نتجنب مشاكل كتير بتحصل لما الراجل يطلق مراته من غير ما يعرفها.
سنة ١٩٨٥م حصل تعديل أوجب على الراجل إنه يوثق الطلاق (لو حصل بدون حضور الزوجة) قدام المأذون ويكون معاه شهود...
سنة ١٩٨٥م حصل تعديل أوجب على الراجل إنه يوثق الطلاق (لو حصل بدون حضور الزوجة) قدام المأذون ويكون معاه شهود...
وأوجب عليه إنه يبعت للزوجة على عنوانها يعرفها إنه طلقها، وفي حالة عدم الالتزام القانون بيعاقبه للأسف بعقوبة خفيفة جداً وهي الحبس مدة لاتزيد على ٦ شهور وغرامة ٢٠٠ج أو إحدى العقوبتين. (ورغم كده الطلاق بيفضل صحيح)
سنة ٢٠٠٠م صدر قانون نص على أن لو الزوج طلق مراته ورجعها (من غير ما يعرفها إنه رجعها) لا يحق ليه إنه يرفع قضية عليها لو اتجوزت غيره (بعد العدة) ويطلب إرجاعها إلا لو معاه إثبات (دليل) إنه رجعها.
وبالتالي رسالة حازم لهنا "محتاجين نتكلم" ونيّته وقتها بعد ما بعتلها فويس نوت الطلاق والـ كانت كلها في فترة عدتها (الحمل) هما الأساس إن دار الإفتاء أو القاضي يحددوا هو حازم كده رجعها ولا لأ. علماً بأن في آراء (وفتاوى من دار الإفتاء) بتقول يكفي في الرجعة نيته حتى لو ماقالش حاجة.
وبالتالي لو دار الإفتاء أو القاضي اقتنعوا بالرسالة إنه كانت نيته يرجعها فعلاً يبقى وقتها جوازها من مؤنس باطل لأنها تعتبر لسه على ذمة حازم.
الحقيقة إن وضع المرأة الحالي في قوانين الأحوال الشخصية محتاج إعادة نظر لأن المفروض يكون في توازن أكتر بين الحقوق الممنوحة للزوج والحقوق الممنوحة للزوجة علشان محدش من الطرفين يسيء استخدام حقوقه ويعرض الأسرة كلها للمشاكل اللي بنشوفها كل يوم في المحاكم.
جاري تحميل الاقتراحات...