قبل أي شيء، أكتر حاجة يستحق جوارديولا الثناء عليها هي الروح الإنتصارية اللي قدر يحطهم في لاعبيه بين الشوطين، العامل الذهني ده هو اللي بسببه كان السيتي هو الفريق اللي بيعاني دائمًا في الأدوار دي في الأبطال لما بيدخل فيهم جول،
ثريد تحليل مباراة مانشستر سيتي وباريس سان جيرمان..
ثريد تحليل مباراة مانشستر سيتي وباريس سان جيرمان..
بل وبسببه كانوا لما بيتم وضعهم في موضع هدف حاسم في الشوط الثاني، يسجلوه أو يخرجوا، كانوا بيضيعوا فرص مش هيضيعوها لو هم في وضعهم العادي، مش وضع مضغوطين فيه ذهنيًا، بيب كسر النمطية المزعجة دي، وتقريبًا للأبد، شوط ثاني عرف يرجّع فيه لاعبيه ذهنيًا، قبل أي شغل تكتيكي.
عايز أقول حاجة كمان قبل الدخول في التفاصيل وهي هتكون مخالفة لرأي أغلب الناس عن فريق السيتي، وهي إن لاعبي السيتي لا يملكوا الحلول الفردية زي ما الناس بتتصور، وده اللي عايزه جوارديولا أصلًا، لاعبين عبارة عن عرائس ماريونيت حرفيًا بيحركهم هو زي ما هو عايز حسب أفكاره،
مفيش لاعب في السيتي غير دي بروين ومحرز وبرنارو عندهم حلول فردية، وعلشان كده بيب لعب ببرناردو كمهاجم داخلي في الماتش ده، بيستلم وقت الإستحواذ بين فيراتي وجايا، علشان يقدر بتحركاته بالكورة يوفر المساحة لمحرز -اللي بيمتلك حلول فردية- اللي متمركز على أقصى اليمين، وهنا الفكرة الثانية،
بيب دخل بنفس النهج اللي بيلعبه مع السيتي طول الموسم، إتنين عاملين switching off متمركزين على أقصى طرفي الملعب، وكانوا محرز على اليمين وفودين على اليسار، مع تواجد دي بروين وجاندوجان وبرناردو كعنصار بين الخطوط تحت المنطقة أو فيها لإلتقاط الكرة الثانية من الإتنين المتطرفين.
الأسلوب ده فشل في الشوط الأول لأكتر من سبب؛ كانسيلو كان ظهير داخلي في الملعب، بيشارك في صناعة اللعب أو تجميع اللعب على اليسار وبالتبعية تجميع باقي لاعبي باريس في الجبهة اليمين لهم واليسار في السيتي، وبعد كده بيلعب القطرية الطويلة لمحرز في المساحة،
الكلام ده محصلش لأن باريديس وفيراتي وجايا عرفوا يغطوا على أي تمريرة بينية في العمق لجاندوجان أو دي بروين، خصوصًا إن دي بروين كان بيضطر يتحرك على اليسار علشان يلمس الكورة ويعمل overload على جبهة باريس اليمين،
مع عزل فودين عن خيارات التمرير وبالتالي كان بيرجع الكورة لكانسيلو، بالتالي لاعبي السيتي فشلوا في تحويل اللعب، حتى في اللقطات اللي كان مسموح لهم يحولوا اللعب، معملوش كده،
السبب التاني هو إن نيمار كان بيسقط مع رودري اللي كان بيعمل high block عالي علشان يخرج من الضغط ويقدر يحرر لاعبي باريس في المساحات الواسعة، مع خروج باريديس من الضغط وتحول فيراتي على اليسار،
ودي ماريا كان في ضهر رودري على اليمين وبيحاول يبعد بسرعة عن كانسيلو وعلشان كده إتحرر كتير، مع وجود مبابي دائمًا كلاعب خارجي عن الملعب، كخيار تمرير بعيد لكنه مضمون دائمًا في التحولات.
بالتالي الشوط الأول.. نيمار كان النجم مع دي ماريا، عزل محرز وفودين عن أي خيارات لعب، سلبية إستحواذ السيتي بالكامل وقلة حلوله، اللي كانت بتوصل من العجز لقطرية كانسيلو في منطقة نافاس اللي كانت بتروحله بسهولة.
في الشوط الثاني، بيب قدم شوط ثاني مش بس ممتاز ومثالي، لا هو مرجعية كاملة لأي فريق عايز يوقف تحولات باريس الهجومية وحلول لاعبيه الفردية؛
لو قارنت بين طريقة لعب بايرن وسيتي ضد باريس، هتلاقي إن إستحواذ بايرن كان مش ثابت، اللاعبين كلهم بيجروا بدون كورة علشان يكونوا حلول سريعة وخيارات تمرير لحامل الكورة بحيث سرعة رتم اللعب لا تقل، بالتالي باريس كان أول ما بيكسر خطوط ضغط بايرن كان في تمريرتين أو تلاتة بيوصل لمرمى نوير.
بالتالي بيب في الشوط الثاني أخّر جاندوجان 5 متر للخلف لسبب هنرجعله، مع فتح الملعب بكانسيلو على اليسار، ودخول فودين في العمق مع دي بروين اللي كان بين الخطوط،
رودري كان سيء في لعب دور الراجل الحر اللي بيلحق مبابي ودي ماريا في السرعات، والحقيقة كان خيار خاطيء من جوارديولا، لكن كان مفهوم إن إستخدامه من الأول كان بهدف خروجه من ضغط باريس اللي بيوصل أحيانًا للثلث الأول للسيتي،
هنا أصبح مفهوم سبب تأخير جاندوجان، إنه يقلل مساحات التغطية في التحولات على رودري، وبالتالي مبابي أصبح غير حر أو وحيد على الطرف الأيسر لوحده، مع رؤية دياز وستونز المميزة بإستمرار في المساحة وتوقع مسار التحول لباريس، ودي ماريا معاه زينتشينكو، ونيمار مش عارف يستلم، وتعالى أقولك ليه،
أي لاعب مهاري، لما بيستلم الكورة بضهره بيحط كوعه في صدر اللاعب المهاري اللي بيصغط عليه، علشان كده بيب لعب بدي بروين على نيمار، بيحط كوعه في صدره ويبعد الكورة ويلف جسمه ووشه يبقى لداخل الملعب باريس،
السبب التاني هو إن بيب إستمر بفرض ضغطه بعرض الملعب كالعادة، لكنه قدم مناطق الضغط لثلث دفاع باريس، وحول طريقة لعبه من الخارج للداخل؛ إنخراط فودين للداخل ودي بروين اللي أجبر فيراتي يكون لاعب وسط مش بيغطي مع بيكير على محرز، جعلوه أصبح بيتخطى بيكير ويدخل في مناطق اللعب الداخلية،
كل ده وضع السيتي في حالة خطر مع كيمبيمبي وماركينيوس، بالتالي أصبح قلبي دفاع باريس بيخرجوا من مراكزهم بسهولة، لنفس سبب دفع بيب دي بروين على نيمار، وعلشان كده برناردو أصبح بيستلم في أنصاف المساحات الحرة على اليمين، وعلشان كده كمان تجميع اللعب أصبح أسهل على اليمين،
محرز وبرنارو، إتنين عندهم حلول فردية، يقدروا يجمعوا اللعب ويحولوه للداخل، وقد كان!
ليه زينتشينكو مكان كانسيلو برده؟ وليه كان التبديل الوحيد؟
ليه زينتشينكو مكان كانسيلو برده؟ وليه كان التبديل الوحيد؟
فودين بيستلم بيمينه، لكنه بيستلم على اليسار، كانسيلو بيستلم بيمينه حتى لو لعب على الشمال، ده هيعيق أماكن تمركز فودين بشكل واضح لأن كانسيلو بيحب يتعمق دائمًا في أنصاف المساحة، هي دي طريقة لعبه على اليسار،
بالتالي زينتشينكو اللي بيستلم بيساره يقدر يعمل أريحية لفودين أكتر، اللي يستلم على الشمال ويدخل، فأصبح فيه زيادة عددية،
الحالة الدائمة ايه؟ 6 في العمق من السيتي على 4 من باريس، حتى لو نيمار أصبح ورقة دفاعية، مش هيفيد.
شوط ثاني مثالي ويُدرَّس من أستاذ الأساتذة، بيب جوسيب جوارديولا، الشخص اللي مستحيل تراهن على خسارته وتطلع كسبان دائمًا، لأنك لو كسبته مرة هيقتلك في الثانية!
جاري تحميل الاقتراحات...