تحليل تكتيكي مباراة مانشستر سيتي و باريس سان جيرمان في ذهاب نصف نهائي دوري ابطال اوروبا ، هل مفاتيح لعب "بيب" مع السيتي اصبحت معروفة ؟ هل حقاً قدم السيتي مباراة استثنائية كما يقول البعض! كيف استطاع السيتي ان يعود في المباراة ؟
بدأ السيتي المباراة ب 4-3-3 ، "ديبروين" مهاجم وهمي ،تتحول دفاعياً الي 4-4-2 او 4-3-3 في احيان اخري ، حاول السيتي ان ضغط عالياً في البداية ولكن لاعبي "باريس" استطاعوا الخروج بالكرة بامتياز وفك شفرة ضغط "السيتي" ، ولذلك لجأ الفريق الانجليزي الي ال Mid Block
الاول تعالوا نشوف ازاي كان بيكسر"باريس" ضغط "السيتي" العالي ،
1 - اثناء بناء لاعيبة "باريس" اللعب ب 3 لاعبين يضغط "السيتي"
ب 4-3-3 لخلق موقف 3 ضد 3 في المقدمة ، ينزل "نيمار" لوسط الملعب لخلق موقف 3 ضد 3 في وسط الملعب ، التزام "كانسيلو" مع "ديماريا" ، يمنح الفرصة لتقدم "فلورينزي"
1 - اثناء بناء لاعيبة "باريس" اللعب ب 3 لاعبين يضغط "السيتي"
ب 4-3-3 لخلق موقف 3 ضد 3 في المقدمة ، ينزل "نيمار" لوسط الملعب لخلق موقف 3 ضد 3 في وسط الملعب ، التزام "كانسيلو" مع "ديماريا" ، يمنح الفرصة لتقدم "فلورينزي"
2- تمركز لاعيبة "باريس" الممتاز جداً ، ولعب تمريرات سريعة جداً ، وتشكيل مثلثات في بين اللاعبين بكثرة
3- عدم جدية لاعيبة "السيتي" في احيان كثيرة اثناء الضغط ، وترك مساحات بين اللاعبين وبعضهم ، وكان بيتمركز في المساحات دي لاعيبة "باريس" عشان يستلموا الكورة ويكسروا الضغط .
"السيتي" كان بيعمل Overload دايماً في الجهة اليسري لتجميع اللعب وتغيير جهة اللعب تماماً الي الجهة اليمني من الملعب عند "محرز" لوضعه في موقف واحد ع واحد مع الظهير الايسر ل "باريس" "نسيت اسمه وانا بكتب التويتة 😂"
انتشار "السيتي" كان جيد جداً ع فكرة ، سواء توسيع الملعب او انتشار اللاعيبة في وسط الملعب ، و ده كان بيسمح للاعيبة انها تحتفظ بالكورة لاطول وقت ممكن
بدأ "باريس" المباراة ب 4-3-3 بردو ، بتتحول ل 4-4-2 دفاعياً خصوصاً في ال High Block ، و 4-5-1 بعودة "نيمار" لوسط الملعب في ال Low Block
سبب من اسباب ان "باريس" كان بينقل الكورة بسلاسة في الشوط الاول ، ال Numerical superiority او التفوق العددي خصوصاً في وسط الملعب ، بما ان "السيتي" كان يدافع احياناً ب 4-4-2 لذلك كان يمتلك "السيتي" تفوق عددي في وسط الملعب 3 ضد 2
ولما كان بيرجع "السيتي" يدافع ب 4-5-1 ، كان بينزل "نيمار" او "ديماريا" او الاتنين مع بعض لوسط الملعب ، لخلق زيادة عددية ل"باريس" برضو بموقف 4 ضد 3
"باريس" كان بيواجهة مشكلة اثناء الدفاع ب 4-4-2 ، "فيراتي" بيضطر يقوم بدوريين ، الدور الاول هو : دعم الظهير الايسر دفاعياً عشان ميكونش في موقف واحد علي واحد ضد "محرز" ، تاني دور : تغطية منطقة ال Half space اللي بيتحرك فيها "بيرنادرو" او "ديبروين" ، لذلك "ادريس" كان بيرجع يغطي خلفه
لكن تغطية "ادريسا" كان فيها مشكلة ، انها بتخلي نص الملعب مكشوف ، وساعتها يقدر "محرز" انه يلعب ل "رودري" او "جندوجان" في الزون 14 ، وهما بدورهم كانوا بيوزعوا اللعب من جديد ، عشان كده "السيتي" كان مسيطر دايماً
في البداية كنت عند مشاهدة المباراة للمرة الاولي كنت بفكر ازاي "بيب" مستغلش التفوق العددي لفريقه في وسط الملعب ، بس لما اتفرجت ع الماتش تاني ، لاحظت ان "باريس" اصلاً كان بيقفل خيارات التمرير علي لاعيبة "السيتي" في وسط الملعب ، واجبارهم للتمرير ع الاطراف ، وبعدها يتم خنقهم ع الطرف
انتهي الشوط الاول و"باريس" افضل ومتقدم في النتيجة ، "السيتي" مسيطر بدون هدف وبدون خطورة ودفاعه مخلخل ، ازاي بقي "بيب" حل المشكلة دي ؟ هو اكتشف انه معاه الكورة بس مش عارف يعمل بيها خطورة ، ف قرر يبقي خطير و الكورة مش معاه ، غير شكل الضغط الشوط التاني تماماً ، وخنق لاعيبة "باريس"
ضغط "السيتي" كان اكتر من ممتاز الشوط التاني بصراحة ، نلاحظ هنا ان تبادل اللاعبين الضغط علي "باريديس" عشان ميكونش خيار تمرير ، سوار اللعب من ناحية اليمين او الشمال
صورة اخري توضح ال High Block اللي كان بينفذه "السيتي" الشوط التاني
لاعيبة "باريس" اصبحت مجهدة بسبب مجهود الشوط الاول + الضغط العالي "للسيتي" الشوط التاني ، عشان كده وجدت المساحات بين خطوطهم + مع دخول "محرز" للعمق و توسيع "والكر" للملعب "السيتي" سيطر اكتر ع الكورة بصراحة
"السيتي" تحول ل 2-2-1-5 هجومياً، المردود البدني للاعيبة "باريس" انخفض سواء "نيمار" ، "ديماريا" او حتي لاعيبة الوسط ، عشان كده "السيتي" كان بيوصل اسرع واحسن ، تقريبا "السيتي"، نزل بنفس طريقة اللعب مع تغيير بسيط دخول الاجنحة للعمق وتوسيع الاظهرة للملعب خصوصاً بعد نزول "زيتشينكو"
الضغط اللي نفذه "السيتي" كان بيخلق مساحات كبيرة جداً في منتصف الملعب ، كان بينزل في المساحة دي كتير جداً "نيمار" او "ديماريا" ، بس للاسف لم يتم استغلالها بسبب قلة المردود البدني للاعيبة باريس
في النهاية حابب اقول حاجة من وجهة نظري المتواضعة انا شايف ان "بيب" مدرب عظيم ومحدش يقدر يختلف ع ده، بس "سيتي بيب" مش اكتر فريق ممتع في العالم ، لكن هو اكتر فريق مُجهِد في اوروبا ، بيقدر يستحوذ طول الوقت ويهلك الخصم واول م الفريق الخصم يغلط هيلاقي لاعيبة "السيتي" في ال 6 يارد عنده
مشكلة "بيب" ان الفرق اللي بتقدر تقفل عليه انصاف المساحات وتسيطر علي "ديبروين" بيبقي عندي احساس ان "السيتي" عاجز بصراحة ، ايوه معاهم الكورة وايوه مستحوذين لكن بدون خطورة ، شبه مباراة امبارح كده ، قفل "باريس" انصاف المساحات وسيطر علي "ديبروين" ولم يظهر فريق "بيب"
حتي مع تحسن "السيتي" في الشوط التاني الهدفين الاول و التاني ، واحد منهم من خطأ الحارس والتاني من ركلة حرة ، ومش شايف خالص انها من احسن ماتشات "بيب" ولا حاجة بصراحة ، وتظل مجرد وجهة نظر.
شكرا للقراءة حتي النهاية واتمني اكون قدرت افيدكم ع قد م اقدر ❤️🙏 ، واتمني بردو اعرف وجهة نظركوا في موضوع "بيب جوارديولا" في مباراة "باريس" ونتناقش سوا
سبقتك 😁😂
@tactext شوفتني وانا مشرفك ❤😂
جاري تحميل الاقتراحات...