حكومة الحرية والتغيير وحاضنتها الضعيفة بعد فقدت كل حقن التخدير الكانت بتبرر بيها فشلهم في إدارة البلد (تسجيلات العربية، مؤتمرات لجنة إزالة التمكين، التشدق بكفاءاة الوزراء والعاملين في الحكومة،مؤتمرات المانحين،،، إلخ)، ما لقت ليها برنامج جديد تشغل بيه الناس وتخدرهم عن فشلها>>>
المستمر دا في الفترة الفاتت دي. وفي قمة الفشل الحكومي دا لمن يبدوا معارضنك يتحركوا دا مشكلة سياسية ليك، تقوم تعمل شنو؟ تشتغل وتحاول تثبت كفاءتك؟ ولا تكسر الدش في يد الإسلاميين وتخليهم يعملوا افطارهم بكل حرية وتقبل؟ لا لا لا، لأنك ضعيف وخايب وما بتقدر تتجاوز خوفك من الكيزان
وما قادر تشتغل وتثبت كفاءتك، تقوم طوالي تطلع شائعات أنه الافطار دا فيه كودار عسكرية (من جهاز الأمن ولا من هيئة العمليات، إلخ) وتقوم تحرك الصحافة والنشطاء غير المحترمين عشان ينشروا ليك الشائعات دي.
(2)
والله أنا ما قادر أشوف في الحصل دا غير نظام سياسي جبان وخايف ومرتجف من أقل
(2)
والله أنا ما قادر أشوف في الحصل دا غير نظام سياسي جبان وخايف ومرتجف من أقل
حِراك اجتماعي/سياسي ممكن يشكل جبهة معارضة ليه. يا أخ دا جبن عجيب جداً أنك تخاف من مجرد خروج معارضنك للعلن مرة أخرى! مش أنت قلت الإسلاميين ديل والإسلام السياسي دا انتهي في البلد دي وشالته ثورة شعبية، خايف ليه من افطارات علنية للتيار دا؟ الحصل دا دليل أنه التيار الإسلامي في البلد
دي ما ضعيف ولا هزيل بل هو تيار حقيقي وقادر على التأثير، على الأقل في عقل السلطة السياسية الحاكمة التي ترتجف بمجرد اعلان افطارات للتيار دا!
(3)
في التوقيت الحالي دا، أي كلام عن أنه التيار الإسلامي دا ما عمل مراجعات وأن الكيزان ديل ناس العنف، وأنه الحركة الإسلامية هي حاضنة نظام
(3)
في التوقيت الحالي دا، أي كلام عن أنه التيار الإسلامي دا ما عمل مراجعات وأن الكيزان ديل ناس العنف، وأنه الحركة الإسلامية هي حاضنة نظام
الانقاذ وأنه شنو البخلي الشعبي والوطني يجتمعوا وما عارف... وإلخ، كل الكلام دا في السياق الحالي دا = ما عنده أي قيمة إلا تبرير العنف والقمع الحصل دا.
يا زول إسلامي شعبي ولا وطني ولا طائر في السماء ما داير يعمل مراجعات ولا داير يسمع كلامك وداير يطلع يعمل افطارات ويحشد كمان عشان
يا زول إسلامي شعبي ولا وطني ولا طائر في السماء ما داير يعمل مراجعات ولا داير يسمع كلامك وداير يطلع يعمل افطارات ويحشد كمان عشان
يشتغل شغل سياسي؟ مالك وماله: عندك دليل قانوني أنه الزول دا شارك في قتل المتظاهرين؟ عندك دليل أنه الزول دا برتب لعمل مسلح؟ عندك دليل أنه الناس ديل شغالين عمل ضد عسكري النظام الديمقراطي المدني؟ أوع تقول لي دايرين يسقطوا الحكومة الحالية دي، لانه دا مطلب سياسي عادي جداً!
أنا شخصياً عايز الحكومة دي تمشي وتقوم محلها انتخابات محلية وبعدها انتخابات عامة، عادي الزول يكون داعم للدمقراطية وعايز الحكومة الحالية تسقط وتمشي خصوصاً أنها غير منتخبة ولا شرعية كمان! ما عندك دليل على أنه الناس ديل عندهم جرائم قانونية او فساد أو عمل عسكري لتقويض النظام
الديمقراطي، وفعلاً داير تلتزم بشعارات الثورة حقو ترفض الحصل دا. أنت خايف من شنو؟ مش قلت أنت حكومة الثورة وأنه الناس معاك وأنه دا نظام سقط؟ خايف من شغل سياسي من التيار الساقط دا ليه! وأضعف الإيمان أنك تسكت بس وما تبرر ليه!
(4)
هامش الدفاع عن الحريات وحقوق الأفراد دي آخر خطوط الثورة، وللأسف كل يوم والثاني ماشي يضعف بقوانين الترزي عبد البارئ التي يطبل لها نشطاء قحت، وبإجراءات لجنة إزالة التمكين التي تعوس في القطاع العام والأرض فساداً وظلماً، وبتوسع المؤسسة العسكرية والميليشيات على القرار السياسي
هامش الدفاع عن الحريات وحقوق الأفراد دي آخر خطوط الثورة، وللأسف كل يوم والثاني ماشي يضعف بقوانين الترزي عبد البارئ التي يطبل لها نشطاء قحت، وبإجراءات لجنة إزالة التمكين التي تعوس في القطاع العام والأرض فساداً وظلماً، وبتوسع المؤسسة العسكرية والميليشيات على القرار السياسي
والقطاعات الاقتصادي، حقو الناس تمسك في الهامش دا كويس عشان بعدين ما يقولوا "أكلنا يوم أكل الثور الأبيض!"
والله أعلم وأحكم !
والله أعلم وأحكم !
جاري تحميل الاقتراحات...