بتكلم في هذا الثريد عن العملات الرقميه بس بطريقه مختلفه بقلكم مخاطر العملات الرقميه لانه اكيد سمعت الجانب المعسول منها ولازم اكملك الجانب المخفي الي يوضحلك بعد ما تدخل وتعلق فالسوق وتلاقي نفسك اشبه بحلقه مفرغه، 🪙#عملات_رقمية #عملات_رقمية_حلال_حرام #عملات #عملات_مشفره
اول شي راح تعلق فيه هو اختيار المنصه الي بتداول عليها في كثير منصات و طرق تداول كثيره منها الي تمسك العمله سنه سنتين ومنها اسبوعين او اقل ومنها بالساعات ، بس كل المنصات تشترك انه اذا انت فدوله عربيه حتواجه مشكله انو البنك يقبل اول لا مثال بنك الراجحي ما يقبل التعامل مع المنصات.
ثاني شي عالم العملات الرقميه مكان خصب لعميات غسيل الاموال مافي رقابه دول او شي من هذا القبيل ، طبعا غسيل اموال ترتبط بتجاره الاسلحه والممنوعات ، مو موضوعنا يعني الرقابه في هذا السوق معدومه من البنوك و المؤسسات ممكن تكون هذي ايجابيه وسلبيه بنفس الوقت حسب الجانب الي بتاخذها منه.
ثالث شي حتواجه مشكله كثره الناس الي بتتكلم فالموضوع السوق حينزل بيع اشتري و على الاغلب كشخص غير خبير حياثر عليك هذا الكلام ، طبعا يحولك الي بيدخل سوق العملات لازم يشيل العاطفه منها وهذا صعب مع الظغوطات الكبيره الي بتصير بس ينزل السوق
بعدين يجيك جماعات يسمون نفسهم ال pumb and dumb مبدئهم يدخلون كلهم فنفس العمله بمبالغ عاليه و يرفعون سعرها يكسبون ويبعون في خلال دقائق اذا مش اقل وطبعا لو كانت عملتك احد خياراتهم بتتدهور لانها بتنزل اكثر من قبل في الغالب
احد اهم المخاطر انه العملات الرقميه غير مدعومه بشي فعلي و اغلب دراسات السوق تكهنات حتى لو زبطت معهم ١٠ مرات على التوالي لا يغرك في مقومات للعملات اكيد بس في اشياء في علم الغيب والتحكم من رؤس الاموال الكبيره يعني سهل التلاعب فيها
اقلك ما فيها فلوس اكون اكذب عليك ممكن تسويك مليونير ولاكن ممكن ترجعك لتحت الصفر فنصيحتي لو بعد كل هذا مصر تدخل ادخل بمبلغ لو خسرته ما تزعل عليه لا تحط تعب عمرك فيهم و ابعد عن الفيوتشرز والاڤريح والمارجين لانه نسبه المخاطره فيهم جدا عاليه وانتو شو رائيكم بعد هذا الكلام في العملات؟
فالنهايه اي شي بتدخله بحياتك ادرسه كويس لا تدخل عن عباطه لانه دراسه السوق مو سهله خصوصا في العملات و لازم تمتلك مهارات قرائه الكاندلز وغيرها الكثير ، واهم شي اياك ثم اياك تعطي فلوسك لحد يستثمرلك فيهم لانه ٩٩.٩ راحو عليك بيكونو ، الي بيمسلكلك محفظتك لازم بس يحصل على صلاحيه محدده
جاري تحميل الاقتراحات...