مادري متى بيستوعبون أن اللي قاعد يسوونه مو مباراة UFC خاصة إذا حياة وأرواح وأرزاق ناس هي اللي راح تتأثر.
في ناس الحمدلله معاشاتهم ماشية وحياتهم طبيعية ماراح يحسون بالتعب والمذلة اللي عايشين فيها إحنا اللي صار لنا قريب السنة ماندري الشهر الياي بيكون عندي مدخول ولا لأ.

7 شهور بدون معاش قلنا ميخالف.
حظر كلي قلت اكل تبن يا صبي وسو لك مشروع.
نسوي مشروع يقولون لي لازم تسوي رخصة علشان لا يحسبونها غسيل أموال.
نرجع شوي نشتغل بعد الحظر ويمشون معاشي يطلعون لي سالفة انت ماخذ ١٥ ألف دينار بدون وجه حق اخرتها اسفين أخوي احنا غلطانين.

يرجع الحبيب يسوي حظر والأخوان يتهاوشون منو يقعد ورا ومنو يقعد جدام ويقولون لك علشان مصلحة البلد.
اي بلد ابي افهم اللي كرهتونا فيها. كل ما اقول ابي اسكت وانطم ومالي شغل بالسياسة لا بارك الله فيها ولا فيكم ترجعون غصب تدخلون بخشومنا وتوقفون حالنا.

بنات قاعد تموت
جرايم قاعد تصير
ناس قاعد تفلس
أسر قاعد تتفكك وتدمر وكل هذا الحبايب شايفينها collateral damage شنو يعني چم ألف يتمسخرون علشان الكظية.
أنا باكل تبن وأسكت لكن عندي كلمة حق كل اللي مو هامه ويشوف الوضع عادي وللحكومة والمجلس:
حسبي الله ونعم الوكيل فيكم. 🤐🤭