ليه في ناس في السوشل ميديا تكرهك ؟ وتحقد عليك ؟ ليه تلقى ناس تضرب من وراك تحت الحزام ؟ أو حتى مايتورع أنه ينتهك النظام ليرميك بأكبر الألفاظ ؟ تبغى تعرف ليش ؟ أنا عرفت تعاطفت معهم وعورني قلبي ، سواء لفظ سلبي ، أو تكذيب ، أو شخص أخذ خدمة عندك وماقصرت معه في شيء لكن في بطنه شيء ؟
بتكلم عن "ساكولوجية" ليه الناس الي "تكرهم" تتصرف كذا ، وليه تتصرف كذا ؟ عدة أسباب تخليهم يتصرفون كذا ؟ وكيف تتصرف معهم بحيث أنك ماعاد "تقلق بشأنهم " مرة ثانية .
بداية أقول مقولة لأحد مشاهير السلة في العالم :
🔴 الكارهين هم مشكلة جيد الحصول عليها ، لا أحد يكره الناس الجيدة !!
هم يكرهون فقط الناس "العظيمة" "كوبي براينت"
🔴 الكارهين هم مشكلة جيد الحصول عليها ، لا أحد يكره الناس الجيدة !!
هم يكرهون فقط الناس "العظيمة" "كوبي براينت"
نبتدي بسم الله ، كيف نتعامل مع "الكارهين" إذا كنت إنسان فعال في السوشل ميديا ، إذا كنت تبني بزنس أو إذا كنت عايش حياتي عادي ، راح تلقى "الكره" ، كثير ما تبدأ تستغرب هل كلامهم صحيح ، تبدأ تحكم على كلامهم ، راح أثبت اليوم ليه يسوون كذا ، وكيف ماعاد يضايقك الكلام أبدا
أنا يتم "كرهي بدون سبب" كل الي اسويه أجلس ببيتي وأشتغل على البزنس حقي ، إذا ماكنت في حياتي كصديق ، كشريك عمل ، إذا ماكنت من عائلتي أو علاقاتي ، قد اني حتى ما أعرفك أنا ما أشوفك ولا أفكر فيك ، ماسويتلك حتى فولو ، ما أشوف الستوري حقك لكن تجد أنك تحصل على "كره" من هذي الناس
يلا نبدأ نشوف الأسباب الستة ، تعرف نفسيتهم ، ليه "الكارهين يتصرفون كذا " والله تعاطفت معهم ودي أحضنهم وأقول عيب بابا "الأولاد بس" 😅 وربي حزنت عليهم ياعمري والله 💔
السبب الأول هذولا الناس يرفضون "عيوبهم"💔 ويرمونها عليك ، غالبا الناس تخاف تواجه عيوبها ويبدأون مهاجمة الآخرين ليرفضوا "عيوبهم" ، كلنا عندنا عيوب مافي أحد كامل ، البعض بدل ما يعرف عيوبه يبدأ يهاجم ويرمي عيوبه على الآخرين ، خوف من أنهم يواجهوها ، بعطيك مثل
تكلمت أنت مثلا عن ترتيب الوقت وتكلمت عن كيف صرت ناجح ، لو فيه أحد عنده مشاكل في تعامله مع الوقت ، راح يبدأ هذا الشخص ينقص منك ، لأن سبب نجاحك هو أحد العقد عنده،لو ما هاجمك راح يصير يشوف "عيوبه" ، راح يواجهها وقد إيش يكون يحس بالعار أنه فيه شخص مو قادر يتخلص من مشكلة "ترتيب الوقت"
هنا يبدأ يرمي إحساسه بعدم الأمن ويبعد عن مواجهة عيوبه ب "مهاجمتك" ، حتى "يحسوا بإحساس أفضل" 💔 ، لأنهم ببساطة في وضع "الإنكار" ، ياعمري والله 💔💔💔☹️
السبب الثاني ، الإحساس بعدم الأمان ، كثير من الناس يحس بعدم الأمان أنك تنجح وتربح! خل نقول أنك بدأت بزنس ، وبدأت تنجح ، و "الكارهين" بدأوا بزنس لكن مانجحوا ، هنا يبدأوا يحسوا بعدم الأمان ، بعطي مثل على "اللياقة"
خل نقول أنت بديت لياقة وصار عندك جسم "اسطوري" ، ثم يجي شخص دخل النادي كثير لكن ماقدر يلتزم سوى دايت لكن مو قادر يترك الوجبات السريعة ، يبدأ "الكاره" يحس بعدم الأمان لأنك نجحت في الشيء الي يتمنى "ينجح فيه" ولكن ماقدروا يوصلون له ، وبدلا من أنهم يقولوا ماشاء الله شغل عال العال
ويقولك والله حاولت ألتزم بس ماقدرت ، يبدأوا يستخدموا عدم الأمان في شكل "كره" حتى يشيلوا أنفسهم عن الإحساس بعدم الأمان 💔💔💔 يحسوا بأن هذا الشيء يساعدهم ، الحقيقة "مايساعدهم" 💔 ، وماراح يقدروا يهربوا من إحساسهم هذا 💔💔💔 إذا ماوجهوا أنفسهم ، هم مايهتمون فقط يحاولون مهاجمتك
كل رسالة "كره" تشكيك ! ظنون سيئة ، سلبية ، هي محاولة منهم للخروج من هذي الدائرة ، مثال آخر ، لو أحد بدأ بزنس قبل ٣ سنوات ، وصار قيمة بزنسه ١٠٠ مليون ، تخيل أنك ماتعرفه ماراح تحس بأي شيء ، لكن نقول صديقك بدأ قبل ٣ سنوات ، غالبا الناس يحسوا بعدم الأمان من وضعهم "الإقتصادي"
أغلب المجتمع يعيش يوم بيوم شهر بشهر ، لو كان وضعك كذا دائما تحس بعدم "الأمان" إقتصاديا فيبدأ يسأل نفسه "ليه مابدأت بزنس قبل ٣ سنوات " ليه للحين اشتغل الوظيفة الي أكرهها ، ما أقدر أحصل على كل شيء ، ليه ماعندي ١٠٠ مليون ، الناس عندها خيارات هنا
إما تشتغل حتى تشيل "عدم الأمان" وتصبح شخص أفضل ، أو تعيش مع عدم الأمان وفيه ناس كثير كذا ، أو الخيار الأخير يبدأ يكره "الآخرين" ، هنا قرروا مايشتغلوا على حياتهم ، يعرفون أنه ياخذ مجهود ، يعرفون أنه يتطلب "تغيير" كثير ناس ماتحب كذا ، وهنا يتسببوا بإحساس "عدم الأمان" لأنفسهم
بدل مايشتغلوا عليها لتطوير أنفسهم ، فقط يرمون "الكره" على الناس الأخرى ،
السبب الثالث : فقدان المعنى !! 💔 لو بديت بزنس ، لو سويت شيء خيري ، لو طورت حياتك ، أنت تسوي شيء مفيد لنفسك ، لمجتمعك ، أنت عندك معنى ، عندك هدف ، أنت تعرف "السبب" لوجودك لعملك وتعرف المعنى من الحياة ، لكن كثير من الناس "علقت" مايدرون وين الوجهة ؟ مايعرفون أهدافهم .
طبعا بدل البحث عن معنى وعن حياة ، هنا يحولون غضبهم من فقدان المعنى والهدف والحياة على شكل "كره" للناس الي يسوون الشيء الي يحبونه في أي وقت يحبونه 💔
السبب الرابع : الغيرة وعدم "تقدير الذات" ، دائما في الحياة يوجد أشخاص أكثر جاذبية ، أكثر نجاح ، يعيشون أسلوب الحياة الي يحبونه ، عندهم الأشياء الي يتمنونها ، عندهم السيارات البيوت ، السفر ، في ناس تتحمس وتقول يالله بخلي هذا دافع لي للتحسن ، "الكارهين" مايسوون كذا ، فقط تجيهم غيرة
يحاولون ينزلونك من المستوى الي وصلته ، بعطي مثل هنا ، في شخص مسوي تحدي ل اللياقة ٧٥ يوم ، في السوشل ميديا ، كل يوم يخلص اليوم يكتب خلصت اليوم كذا ، جته رسائل من "الكارهين" دخلوا في نيته ، وأنت تسوي كذا عشان مسوي فيها علينا ، ليه الكره هذا ، لأن الشخص حق الفتنس "نجح" ، اعتلى القمة
صعد للسلم ، في ناس تحس أنه "لسى عندها فرصة" تنزلك تحت!! لكن فقط إذا وصلت ، يلاحظوا أنه "ماعاد فيه فرصة" ينزلوك !! 💔💔💔 < متعاطف معهم والله ياعمري وش ذا
السبب الخامس : الإحساس بالنقص !! 💔 ، نعطي مثل ، لو عندك صديق ، يستغل في وظيفة من ٩-٥ وأنت بديت بزنس ونجحت ، ، صديقك عنده حلين ، إما يحس بالنقص ويبدأ يحاول يسقطك ، لأنه ليه مو هو مكانك ، ليه يشتغل في الشغل الي يكرهه ، ليه أنت تنجح وتعيش الحياة الي تتمناها 💔💔
أو قد يستخدم الموضوع مثل "محفز" ويبدأ يسوي شيء مشابه لك ، أغلب الأحيان الناس ماتسوي كذا ، غالبا يحسوا بالنقص ، لأنهم فاهمين أن الموضوع يتطلب وقت ، وتضحيات ، ف أسهل عليهم فقط أنهم يكرهون 💔
السبب السادس : إما أنهم يبون الشي الي عندك ، أو أنهم يبغون يصيرون "أنت" ، قد يكون الكارهين "أكبر المعجبين" !!
كيف نتعامل مع كل الأسباب ال ٦ هذي ؟ تخيل لو انتبهوا على حياتهم ، راح يلاحظوا أنهم "غير سعداء" ، لو عندهم الوقت 💔 والبال عشان يمسكون جوالهم ، ويرسلون رسالة عن شخص ماقابلوه ، حقيقة مايعرفونه ، رسالة كره أو سلبية ، هذا الإنعكاس الحقيقي لحياتهم 💔
مانوع سوء الحياة أنه يكون عندك الوقت وتسوي شيء زي كذا ، لأنه لابد تهتم بالناس الي تهتم فيك ، في أشخاص سلبية هذا شيء عليهم، لاتخلوا الشيء هذا يصل لقلوبكم هم فقط يعترضون على حياتهم بمهاجمتك
حقيقة أن هجوم الناس وتعليقاتهم السلبية ليست "حقائق" كل واحد منا يعرف الحقيقية ، الناس الي تعرفك صح ، تعرف حقيقتك ، الناس الي تعرفك تعرف الصدق ، وتعرف وش هذولا الكارهين يقولون ، وأنها شيء مافيه أي حقيقة .
شخصيا أحب أقدم الشيء الي أقدمه للناس ، أساعدهم في الحصول على المعلومة حتى لم ماطلبوها بعض الأحيان ، هنا أنا صرت "هدف" ، صرت "لي الحق" بأن يتم كرهي ، أنا صادف ، نزيه ، شفاف ، أصيل ، مبدع ، عبقري ، رهيب ، رائع ، ما أحب الشوو ، كل يوم مختلف ، تماما مافي مني اثنين 😅
في نهاية اليوم أعرف أن الشيء الي أسويه راضي عنه ، إذا أنت داخليا تعرف وش قاعد تسوي ، في حياتك في تجارتك ، رأي الآخرين لايعني "شيء"
من هذا الباب أعلن تعاطفي مع جميع الكارهين لي 💔💔💔 أعرف أن حياتكم سيئة ، لاتحسبون حياتي مثالية ، أنا الذي أكل الهوى ومازلت 😅 لكن الي مصبرني فهمي أنه كله خير ، زي ما أمر الله الخضر يخرب سفينة المساكين حتى يخافظ عليها ، كل شيء خربان في حياتك ، الله يبغى لك الخير وبيحافظ عليك💔
من هذا الباب كل تعليق سيء بعطيهم هذا الثريد ، وقد أتهور وأفك البلك عن ال "بلوكين" 😅😂 وربي حزنت وتعاطفت معهم 💔💔💔 الى كل كاره لاتكرهني أنا موب السبب في حياتك ، الي تمر فيه خير ، تحب أساعدك من عيوني والله💔💔💔 الدنيا فانية وماتسوى نكره بعض ونزعل من بعض ، لابو الدورات والفلوس💔
جاري تحميل الاقتراحات...