شوية ترندات تكنولوچية موجودة برة مصر والدول العربية ودة وقت حد يبدأ يشتغل عليها في المنطقة ويبقي the next Careem أو يعني لو أنا هستثمر دي الحاجات اللي هدور عليها. ثريد.
أولا أنا مقتنع بشدة إن المنطقة منطقة ما يسمي horizontal innovation بمعني اننا المنطقة اللي تشوف إيه شغال برة وتعمله للسوق بتاعها. دي مش حاجة وحشة أغلب اللي في ألمانيا كدة مع بعض الاستثناءات. كمان ميزة دة انه بيخلي أغلب الريسك عالتنفيذ لأن الفكرة شغالة بالفعل في أماكن أخري.
ثانيا لو هراهن بفلوسي هراهن عالسعودية ثم الإمارت ثم مصر. السعودية متعطشة لدخول السباق مع الإمارات وسوقهم كبير ومعندهمش مشاكل ال infrastructure اللي في مصر. بالإضافة إن سواء السعودية أو الإمارات هم احسن في وضوح القوانين وتسهيل البيروقراطية.
أول حاجة شراء العفش أونلاين. مفيش لسة حاجة شبيهة بWayfair أو Home24 في المنطقة. سوق عملاق وناس بتتجوز علي روحها وسوق عقاري ضخم. مشكلة البيزنس دة انه capital intensive جدا وعايز مستثمرين نفسهم طويل أوي وتيم مرعب في ال operations. بس مع الوقت هيحصل هيحصل وهيبقي في شركة بمليارات.
علي ذكر التجارة الإلكترونية في كمية شركات شحن عمالة تطلع ودة بيعمل مشكلة لأي موقع أنه محتاج يعمل integrations وعقود مع كل شركة من دول. في فرصة إن حد يعمل API تشبك معاه مرة وهو من تحت يبقي مربط مع كل شركات الشحن. GoHippo في امريكا بيعملوا دة وفي زيهم في أوروبا. لعبة سوفتوير وعقود.
التأمين الصحي أو ما يسمي InsurTech. شركات التأمين في مصر مازالت شغالة بأسلوب تسعيناتي. في فرصة لشركة تأمين digital native تخلي أصحاب الشركات والناس يشتركو بسهولة والدكاترة يديرو العملية بدون ورق. كمان فيها شوية bottom up growth tactics ممكن تتعمل صايعة. لو كبرت هتبقي بمليارات.
طبعا في كلام كتير في ال FinTech من بنوك الكترونيه ومحافظ وكل الكلام دة. الحقيقة أنا لو هستثمر في حاجة زي كدة هستثمر في السعودية عشان ابقي ربحت السوق الكبير ولم اخسر ال legal environment. مصر لسة قدامها كتير ورغم تغير القوانين الموضوع هيفضل elitist ومش accessible غير للحيتان.
هوقف هنا ومن وقت للتاني هضيف للثريد. لو حد عنده افكار او يعرف شركات أو founders انترستنج يقوللي أنا حابب اتعرف. الDMs مفتوحة.
مجال التسويق العقارى فيه فرص كبيرة جدا. المواقع الحالية اللى بتبيع عقارات فى مصر والشرق الأوسط متأخرة 7-8 سنين من اللى بيحصل برة ومش بتتعدى مرحلة الLead generation. فى فرص كتير فى السوق دة لتحسينه خصوصا من حيث جودة الListings والتسويق للى برة مصر.
قولتها فى تويتة تانية بس هضيفها للثريد عشان يبقى كله مجمع: في فرصة كبيرة في مصر لحد يعمل بيزنس gift cards ويهاندل كل السوفت وير اللي وراه ويسهل لأي بيزنس إن يبقي عنده gift cards program. في الأول الطلعة هتبقي صعبة اوي بس بعد كده ال network effects هتخليه يطير.
الPrice Comparison: فى انفجار فى مواقع الecommerce مقارنة باللى حاولو فى 2011 ، ومع الوقت المستخدم هيهمه فين أرخص سعر واللى هيقدر يجمع كل اللعيبة الكبار والindependent shops فى موقع واحد ويكسب ثقة اليوزر هيكسب. فكرة صعبة جدا technically وعايزة تيم ديفيلوبمنت فاجر.
شراء وإعادة بيع المستعمل: الفكرة دى قعدت أزن على واحد صاحبى يعملها بس خاف من الoperations والنهاردة شركة سعودية أعلنت استثمار 4 مليون دولار. فى فرصة كبيرة لشراء الأجهزة المستعملة وإعادة بيعها. فى شركة فى فنلندا raised 175 مليون دولار وشغالين فى الآيفون بس!
@_ZoMoS_ أولسو
بمد خط التجارة الإلكترونية ، مع كتر الناس اللي بتبيع عالنت ومستقلين عن الكبار بتظهر فرصة بيزنس موديل جديد في الإعلانات: الPack ads. دي خدمة بيسجل عليها التجار وبيحددو نوع البضاعة اللي بيبيعوها ومن الناحية التانية المعلنين بيدفعو فلوس عشان التاجر يحط الflier بتاعهم في البوكس.
دة مثلا طلب عملته علي موقع أدوات رياضية ، جالي ٣ إعلانات مع الأوردر لشركة فيتامينات وشركة زيوت ولا مؤاخذه قلادة طاقة. الإعلان دة مش بيتم بتعاقد مباشر بين المعلن والتاجر ولكن في خدمة بتسهل دة بال targeting وكل حاجة
جاري تحميل الاقتراحات...