ثريد قلوبيز💚: بحب أوي في القرآن وصف القلب عامةً. لو ربنا عايز يقول إن ناس آمنوا، أو كفروا، أو إتغيروا، أو نافقوا حد، بيوصف قلوبهم
أكتر وصف جابلي إنبهار لما موسى غاب عن قومه ٤٠ يوم، رجع لاقاهم حبايبي بيعبدوا عِجل (بتاع البورجر ايوا) فربنا وصفهم بإن قلوبهم تشَرَبِت حب/عبادة العِجل ونَغنَغِت كُفر كدة.
“وَأُشْرِبُوا۟ فِى قُلُوبِهِمُ ٱلْعِجْلَ بِكُفْرِهِمْ” - البقرة ٩٣
“وَأُشْرِبُوا۟ فِى قُلُوبِهِمُ ٱلْعِجْلَ بِكُفْرِهِمْ” - البقرة ٩٣
لما ربنا حَب يقول إن ناس كفرت، وصف القلب اللي هو عضلة لو تخيلت إنك ماسكها ب-إيديك حتبقى زي سفنجة كدة لو ضغطت عليها حتبُظ دم من كل حتة، بإنه بقى قاسي زي الطوب أو أقسى.
"ثُمَّ قَسَتْ قُلُوبُكُم مِّنۢ بَعْدِ ذَٰلِكَ فَهِىَ كَٱلْحِجَارَةِ أَوْ أَشَدُّ قَسْوَةً ۚ" البقرة 74
"ثُمَّ قَسَتْ قُلُوبُكُم مِّنۢ بَعْدِ ذَٰلِكَ فَهِىَ كَٱلْحِجَارَةِ أَوْ أَشَدُّ قَسْوَةً ۚ" البقرة 74
وصف آخر مُبهر: ناس إتبعتلهم رسول بيكذِبوه ف-بيقولوا لربنا "معلش مش مصدقين عشان قلوبنا متغلفة دلوقتي" اللي هو قلبهم في كيسة سمرا مش واصله الإيمان والروحانيات وكدة، من الآخر بيقولوله مش سامعك من الدي چي يعني😅
"وَقَالُوا۟ قُلُوبُنَا غُلْفٌۢ" البقرة 88
"وَقَالُوا۟ قُلُوبُنَا غُلْفٌۢ" البقرة 88
وصف للكُفر تاني بناس قلبها مريض. وصف جميل عشان مش مقصود بيه مرض عضوي طبعاً، مش حتكفر فتحتاج دُعامة يعني، بس مرض القلب اللي هو مش شغال من ناحية روحانية. وربنا بيلاقى قلهم مريض، بيعملهم +1 بقا. عايزين مرض، خدوا مرض 💀
"فِى قُلُوبِهِم مَّرَضٌ فَزَادَهُمُ ٱللَّهُ مَرَضًا" البقرة 10
"فِى قُلُوبِهِم مَّرَضٌ فَزَادَهُمُ ٱللَّهُ مَرَضًا" البقرة 10
الجاية دي من أحلى حكاوي الأنبياء بنسبالي وأقربهم لقلبي. سيدنا إبراهيم لما سأل ربنا وريني إزاي بتحيي الموتى، فربنا قاله "ايه دة إنت لسة مآمنتش؟"، قال له "لأ مؤمن بس نفسي قلبي يطمئن بس🥺".
طبعاً فكرة إنه نبي ومؤمن جيييدااان وبيجيله وحي أو براهين من ربنا كاااچ بس لسة قلبه طاير فكرة "إنسانية" لدرجة ال-وه بنسبالي. هو إنسان عادي بجد، فيحِس إن من حقي أنا ك-فرفر الغلبان أبقى إنسان برضو. عادي قلبي يلألأ ساعات ويشتهي الطمأنينة يعني.
😭
😭
"وَإِذْ قَالَ إِبْرَٰهِـۧمُ رَبِّ أَرِنِى كَيْفَ تُحْىِ ٱلْمَوْتَىٰ ۖ قَالَ أَوَلَمْ تُؤْمِن ۖ قَالَ بَلَىٰ وَلَـٰكِن لِّيَطْمَئِنَّ قَلْبِى ۖ " البقرة 260
جاري تحميل الاقتراحات...