بناء على طلب @gihadxx قررت اعمل سبيس نناقش فيها #مصير_المومياوات المصرية القديمة،
وحبتدي قبل السبيس بالثريد ده، وححط فيه آراء وأمثلة عن عرض مومياوات وكذلك دفنها في حتت كتير من العالم.
وأول حاجة فيه حتكون استبيان:
١. هل أنت مع أم ضد عرض رفات آدمية مهما كان عمرها للعرض المتحفي؟
وحبتدي قبل السبيس بالثريد ده، وححط فيه آراء وأمثلة عن عرض مومياوات وكذلك دفنها في حتت كتير من العالم.
وأول حاجة فيه حتكون استبيان:
١. هل أنت مع أم ضد عرض رفات آدمية مهما كان عمرها للعرض المتحفي؟
حبتدي الثريد ده بتاريخ استخدام المومياوات المصرية القديمة كقطع/بضاعة وبدايته واسبابه وليه حد زيي معارض اعتبار المومياوات قطع أثرية، وإني بعتبر المومياوات دول بشر، وبناء على معتقداتي الشخصية، إكرام الميت دفنه...
في العصور الوسطى، كان يوجد نوع من أنواع المركبات الطبيعية بيتم جلبه من غرب آسيا "إيران" لعلاج بعض الأمراض، المركب ده كان إسمه العربي "مومياء"...
والمركب الطبيعي ده نوع من أنواع الاسفلت أو القار وكان بيدخل في علاج حاجات كتير جداً في عصور الوسطى...
والمركب الطبيعي ده نوع من أنواع الاسفلت أو القار وكان بيدخل في علاج حاجات كتير جداً في عصور الوسطى...
بمرور القرون، تحورت كلمة المومياء ودخلت للغة اللاتينية وأصبحت الكلمة تحمل معنيين، معنى الموكب الطبي، وكذلك معنى البقايا البشرية التي تم تحنيطها...
وفي القرن ال١٥، زاد الطلب على منتج المومياء، لاستخراج مومياوات مصريه قديمة وبيعها في السوق الاوروبي لطحنها واستخراج مركب المومياء منها...
ودي أكتر صوره بتؤرقني لحد دلوقتي... تاجر مومياوات بيفاصل في السعر مع احد أغنياء روما "بيترو ديللا ڤاللي" واللي في ١٦١٥ زار سقارة ونقى موميتين
ودي أكتر صوره بتؤرقني لحد دلوقتي... تاجر مومياوات بيفاصل في السعر مع احد أغنياء روما "بيترو ديللا ڤاللي" واللي في ١٦١٥ زار سقارة ونقى موميتين
وكان موقع سقارة هو المصدر الرئيسي لسوق المومياء العالمي، واللي أدى بعد كده لتدمير آلاف المقابر المصرية القديمة وتقطيع وبيع رفات آلاف المصريين القدماء...
مع دخول نابليون مصر، الموضوع كبر حبتين، وبقى غير المومياوات نفسها، الأوروبيين اتهوسوا بكل حاجة مصرية قديمة، فيما عرف بال Egyptomenia وابتدى طلب الأوروبيين على المومياوات ياخد شكل تاني...
وظلت منطقة سقارة هي أكبر مصدر للمومياوات المصرية القديمة، وابتدى الطلب في الغرب على قطع من المومياوات زي الايدين والرؤوس علشان تتعرض في البيوت، وكمان ماننساش توماس بيتجرو اللي عمل أول فحص علني لمومياء في لندن، وتم عمل unwrapping لمومياء أمام الجمهور...
وبعدها بقت من عادات المجتمع الڤيكتوري التجمع لحضور فك تغليف المومياوات وتشريحها علناً للجمهور...
وطبعاً لتغطية الطلب، كان كل الناس بتحفر وتستخرج المومياوات لبيعها كسلع للغربيين...
كان هدف بعض العلماء من الغرب إنهم يثبتوا إن المصريين القدماء دول كانوا بيض، أو سلاله تانية غير المصريين الحاليين في عصرهم...
زي فليندرز بيتري، واللي كان بيقيس الجماجم المصرية في محاولة منه انه يثبت تفوق القدماء المصريين چينياً، وإن العرق الاوروبي النقي منحدر منهم!
زي فليندرز بيتري، واللي كان بيقيس الجماجم المصرية في محاولة منه انه يثبت تفوق القدماء المصريين چينياً، وإن العرق الاوروبي النقي منحدر منهم!
وبعدين مع بداية القرن العشرين، قلت هوجة وجنون المومياوات، وناس كتير عزفت عن إنها تحضر عروض المومياوات اللي بتتشرح في العلن، فالطلب قل...
بس ده حصل بعد ما عشرات أو مئات الآلاف من جثث المصريين القدماء تم نبشها من مرقدها...
بس ده حصل بعد ما عشرات أو مئات الآلاف من جثث المصريين القدماء تم نبشها من مرقدها...
بعد قرن من الزمان، وخصوصاً في بداية الألفينات، بدأ زوار المتاحف الغربية يشمئزوا من منظر عرض رفات البشر في المتاحف، ومن ساعتها وبدأ الجدال حول أخلاقيات عرض المومياوات المصرية القديمة في المتاحف... بعض المتاحف شالت المومياوات من العرض، والبعض الآخر لازال بيعرضها...
هل بقى إنتوا مع أم ضد عرض المومياوات؟!
ده حنناقشه سوا على سبيس #مصير_المومياوات قريباً!
ده حنناقشه سوا على سبيس #مصير_المومياوات قريباً!
انا حابب أشارك المناقشة دي مع @monznomad و @ZeinabHashesh و @DIbrahembadr و @AbdelrahmanOth و @sasosall و @GawadHeba
ولو أستاذتنا @assour تقبل إنها تستضيف السبيس دي حكون ممتن جداً
ولو أستاذتنا @assour تقبل إنها تستضيف السبيس دي حكون ممتن جداً
جاري تحميل الاقتراحات...