تصدقون ان اكثر شي اشيل همه لما حد يسالني وش تخصصك؟ ليش !! لان الاغلبية لم يعرف عن JTAC الا من مدة قريبة وهناك البعض يسمع عنهم بس مايعرف وش شغلتهم اصلاً وفيه ناس الى الان مايعرفون الشي ذا ولا مر عليهم من اساسه والادهى من هذا ان فيه اخوة عسكريين والى اليوم مايعرفون وش التخصص ذا !
تخصص المسيطر الجوي بدا عندنا من عام ١٤١٨هـ وكانت تعقد دورتين 2 وحدة للضباط (JFC) وهم المسيطرين فعلياً والثانية لصف الضباط TACSP) ومهمتهم تشغيل وصيانة وتجهيز الاتصالات وبرضه يتعلم كنترول بس ماهو مهمته الاساسية ، استمر الوضع كذا حتى عام ٢٠٠٩م وحرب الجنوب الاولى
طبعاً حرب ٢٠٠٩ هي كانت اول ظهور فعلي للمسيطرين والمشاركة في ميدان معركة حقيقي ، وللامانة ان التخصص قبل ٢٠٠٩ كان شي وبعده شي آخر ، لان المسؤولين في القوات الجوية لاحظوا اهمية التخصص لذلك مباشرة ومن ٢٠١٠ تم تغيير المناهج للتوافق مع الحروب الحديثة وكذلك دمجت للضباط والافراد دورةوحدة
كان فيه مشكلة تواجه القوات الجوية ان اللي يحصلون ع الدورة لهم تخصصات اساسية والسيطرة الجوية هي تخصص ثاني لذلك يتسرب الحاصلين ع الدورة واحياناً صعب استدعائهم للتمارين او الحرب لارتباطهم بتخصص اساسي ، ف تم انشاء مراكز مخصصة للحاصلين ع الدورة عشان يتم تدريبهم بعد التخرج ويبقو جاهزين
في ٢٠١٢ بدت المملكة في الدخول ضمن الدول الموقعة على مذكرة التفاهم الدولية لتخصص JTAC ، هنا كان نقطة التحول الثانية لتخصص السيطرة الجوية عندنا لان بدخولك ضمن الدول الموقعة على MOA هنا لازم يكون تدريبك بشروط وبقانون وفيه تدريب مستمر ومتطلبات سنوية يعني باختصار بتشتغل وتجهز سلم وحرب
طبعاً التغيير للتخصص الجديد JTAC لايعني تغير اسم على ورقة وخلاص ، فيه متطلبات كثيرة على سبيل المثال ( اجهزة تشبيهية ، مكان النوم اثناء الدورة ، صالات الطعام وقت الدورة ، اختبار اللغة الانجليزية لايقل عن 85% ، مقابلة شخصية ) هذي بعضها وهي اكثر من ٣٠ متطلب ، لذلك كانت المهمة صعبة
قلنا ان المهمة صعبة ولكنها ليست مستحيلة ابداً لذلك بدت القوات الجوية في التجهيز ومخاطبة الدول الشقيقة والصديقة عشان تبتعث مجموعات للدراسة والتدريب هناك ، وبفضل الله بوقت قياسي ارسلت ثلاث دفعات لبعض الدول للتدريب ليكونوا نواة هذا التخصص مستقبلاً وايضاً تضمن جاهزيتهم لاي حرب طارئه.
فيه ناس تسأل كيف احصل ع التخصص ؟ تخصص JTAC ماهو موجود في معهد الدراسات الفنية ولا كلية الملك فيصل لييش ؟؟ لان اي تخصص ممكن يصير JTAC بس قبلها لازم تاخذ اقل شي دورتين في مدرسة العمليات الجوية المشتركة بالقوات الجوية واذا نجحت تترشح للحصول على دورة JTAC ، ايضاً مو لازم تكون جوية
هذا مثال لغلاف قديم لمذكرة التفاهم الدولية MOA ويجي في الصفحة الاولى الدول الموقعة وحالياً تقريباً واصلين الى ١٩ دولة موقعة وتتحدث المتطلبات كل سنتين واخر تحديث كان الشهر الماضي 4 March 🙂
بكذا اتوقع اجبت على اغلب الاسئلة اللي كانت تدور بأذهان البعض ويارب اكون وفقت في شرح التخصص ، باذن الله قريباً راح انزل وش قاعدين نسوي في العمليات الحالية والمهام على الحد والداخل اليمني
جاري تحميل الاقتراحات...