انا امي كانت تطقطق علي تقولي بشتريلك وهي اصلا ماعندها نيّه وتمزح والله وابويا يشوفني صغيره ومايهتم لذي الامور الين جا يوم بت عند جدتي وطلعنا نتمشي مع خالي الملقوف وشافني وانتبه اني مو مغطيه وقال جود انتي ليه ماتتغطي قلت لاني ماكبرت قال عشان تهيئي نفسك وكذا قلت ...
قلت ماعليك اذا كبرت بهيئ نفسي قام يعطيني امثله زي الطفل يوم نعلمه عالصلاة وكذا قمت قلتله عطني دليل من القرآن ان الفضائين موجودين هههههههه امزح قلت عطني دليل من القرآ ان النقاب واجب قام طلع لي ايات انا اصلا ما افهمها لأني بزر طبعا اللي هي الآيه المكرره اللي الكل يسكتني فيها لاني
لأني بزر مافهم بس جا اليوم اللي اسكتكم فيه بس نهاية القصه رح افسرها الزبده قمت قلتله ماعليك اذا كبرت بتهيئ وجدتي تطالعني وتضحك فرحانه من قوة عيني لاني اقول الصدق وقام خالي يعطيني ايات وانا اصرفه ويعطيني واقوله يااا ابن الحلال توني بزر ماكبرت حتى ماجتني هذيك شسمها وهو يرد وانا ارد
قام اخر شي عجز مني قال بجيب السياره ويوم راح جدتي تضحك وتقولي عجبني كلامك وانا من قديييييي حدتي تقولي كذا 😭😭😭😭 جدتي :
ويوم جا رجعنا البيت ومر شهر والحمدلله الامور طيبه وانا احسب اني انتصرت على القبيله وبنهي الجهل اخر شي يدق على امي وانا نايمه يقولها انا لاحضت انو بنتك ماتختلط معانا ومع الناس و كل م اجي اشوفها على الجوال وغير كذا هيا صارت كبيره مفروض تغطي انا ابي مصلحتها ابي انمي مواهبها بس 🐍🐍
مارح اقول امي قالت له شدخلك واجيب الفيه بس الصدق انها سمعت كلامه وصارت تسحب الجوال مني مع انها ابدا ماتهتم لجوالي واشترت لي نقاب ولبستني هو غصبن علي واحنا ايحين عند جدتي النقاب صار كله مبلل من الدموع لاني صغيره حتى وابويا انبلف بكلام امي وقال كيف تطلعي بدون نقاب مع انه كان
عادي امس ومايبي يغطيني وبالعكس يقول صغيره بس بعدين قلت ابي اروح الملاهي غصب ووقفت بحلوقهم قلت مااقدر العب وانا لابسته لاااععععععع واصيح قالت امي خلاص شيليه بس البسي كمام طبعا مو عشان كرونا عشان وجه العنز تبي تغطيه واساسا هي ماهمها احد كثر خالي مستحيه منه لدرجة مره قالت لي
لو يشوفك خالك كذا ياويلك وطبعا انا يوم ورا يوم حبيبي ماجاني نوم امزحح ههه يوم ورا يوم صرت انسيهم النقاب ورميت نقابي عشان ينسوه وفعلا نسوه وصرت ما البسه لو واعقبو كلكم ماني لابسته محدش بالحياه يمشي كلمتو عليها Mee 😇😇
بس الكمام ذا حتى لو يروح كرونا وتروح الأمراض والغبار ويروح كل شي واروح الجنه مستحيل يخلوني افصخه يقالك عشان كرونا ههههه كلنا ندري انه عشان خالي يا امي الا انت ماتدري
" يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً "
هذي الآيه اللي تحاولو تسكتونا فيها يامنافقين يقالكم بتقنعونا يعني ايه من القرآن وانتم ماتفقهو شي بالدين غير ذي الآيه والتعدد والرجال قوامون على النساء وتفسرونها على كيفكم وعلى حسب مصالحكم
يفسرونها ان يدنين بجلابيبهن اللي هو زي الجلاب شي ساتر على ( و ذلك ادنى ان يعرفن ) كيف يفسرونها الجهلاء انه البنت اذا جا مثلا ابن عمها بالشارع بيعرفها من شعرها ولا وجهها اكيد وجهها يعني ادنى ان يعرفن ياالله من علمكم هذي المعلومات !!
تفسيرها انه ايام زمان كانت البنت المتحجبه حرّه ومحد يتعرض لها و البنت الغير متحجبه جاريه ف يأذوها ف آية ( ادنى ان يعرفن ) معناها تستترو وتتحجبو بأدنى شي تنعرفو فيه انكم احرار مب جاريات مو أبن عمها يعرفها بالشارع ترا ماله دخل 😹😹✋🏻
انا ماني غبيه وخارجه عن حدود الدين واقول لا تتحجبو لأن البنت اللي يشوف الاجنبي شعره منها ما تشم رائحة الجنه والنقاب مو واجب النقاب والخمار والعبايه فوق الراس مبالغه بالتستر تؤجر عليها البنت بس مارح تدخل جهنم اذا ماسوتها واذا بتكشخ تغطي وجهها
نسيت اكمل ، ولازم تعرفو ان الدين عالجنسين والغلط عالجنسين مو عالبنات بس ربو عيالكم عالدين علموهم غض البصر وعدم الجلوس في الطريق زي السربتان حتى الرسول قال مايجلسون لان فيها مضايقه واحراج للبنات وفيه اشياء كثير بالدين للأولاد بس ذكرت اللي تخص البنات ولا فيه مثلا انه ..
تطويل الثوب من الكبائر واشياء كثير ماركزتو عليها تحسبون الدين عالبنات بس ترا ربي يحسبكم عالسربتان الخمبقات اللي طلعتوهم طعوس كذا للمجتمع تراكم ماتعرفون الدين ولاكم ناحيته
علمو عيالكم الدين بطريقة وتثقيف مو بالإكراه تكرهونهم فيه وبعدين تقولو جيل اخر زمن وانتم اللي ربيتوهم عالخمبقه وبس والدين يسر مو عسر بالطريقه اللي تفرضوه فيها علينا وتكرهونا فيه واذا كذبتو علينا مارح تكذبو على نفسكم وعلى ربنا ترا كلنا ندري انه مقصدكم مو الدين الا انتم ما تدرو
@rattibha رتب
جاري تحميل الاقتراحات...