دايما يجوني امهات او زوجات يدعون على عيالهم او ازواجهم ويقولون الدعاء هذانا سنين ندعي ما يتغير شيء اقسم بمن احل القسم قعدت١٤ سنة ادعي لشخص غالي جداً على قلبي بالهداية والصلاح وكان وضعه جداً متدهور..لا صلاة،لاصيام،وعليها مخدرات وشراب ورفقاء سوء،والوضع كان يتدهور
كان يأذيني بسمعتي وشرفي،وكنت جداً اتضرر منه لكن محد وقف معه غيري الكل يدعي عليه،قلبي كان يتقطع و ١٤ رمضان بالضبط وانا ادعيله،حقيقي وضعه كان جداً سيء وما اذكر ذنوبه من باب الجهر لكن من باب اعطيكم يقين بالدعاء..
غير السرقات،غير ذنوب كبيرة ماقدر اذكرها لكن هي اللي في بالكم ومع الأسف معروف بهالشيء يعني مو انا بس اعرف الكل يعرف عنه،وكنت ادعي من قلب واحس بيجي يوم يتغير ومحد يصدقني والكل يحلم احلام انه في نار جهنم الله يجيرنا منها من كبر ذنوبه،قلبه كان ميت بمعنى الكلمة..كان يمشي بالهاوية..🙏🏻
اقدر اقول كل ذنوب الارض يسويها صغيرة وكبيرة،انسجن كثير وصارت سمعته بالارض زيادة هذا اختصار الحالة،لكن مافقدت الأمل كنت الح وابكي واقول يارب انت بيدك الهداية،اخر شيء صار موقف كبير ودخل فيه دوشة ومضاربات بغى يموت قدام عيني وقمت الليل وكنت اصلاً تعبانة ذاك اليوم وطحت من طولي ابكي
مع اني تعودت خلاص اصيح وادعيله واتصدق وادعيله واسوي كل شيء وادعيله بس ذيك الليلة قعدت ارتجف من قوة البكاء والغرفة احسها ترتعد اقسم بربي وانا صايمة ماجاء الصبح الا الشخص شوي شوي تغير بداية اللي صار قرر فجأة يصلي،، بعد ١٠ ايام صار يذكر الله ،، ورمضان هذا احسن مني ومن كثير 😭♥️♥️♥️
والله العظيم من كنت اولى متوسط وانا ادعيله واليوم انا نهاية العشرين،اللي يشوف حاله يقول فرعون بيسلم وهذا مارح يتوب من كثر الحال السيء اللي فيه وما خُفي كان اعظم! والله هذا اللي ذكرته ولا شيء،الهداية بيد رب العالمين تغير٣٦٠درجة حتى دخان ما يدخن،صلاة بالوقت،ذكر لربي كانه انسان جديد
ذكرت القصة لان قلبي يتقطع يوم اشوف ناس تدعي ع ناس بدال ما يدعون لهم ادري متعب الحال هذا ويقطع القلب لكن ادعوا لهم الهداية بيد الله سبحانه وبيجي يوم رح يهديهم لا تياسون فالله قادر بلحظة يغير الحال والقلوب بيديه سبحانه واستمروا ع الصدقة والحوقلة بنية ان الله يغيرهم واصبروا وصابروا
هذا ابتلاء والا ما يُرفع،وشوفوا الفرحة كيف تكون لما احلام الكل عن هالشخص اللي تدعون له تتبدل بدال تحذير تبشير وتصير كلها مبشرات بحب الله له وقبول توبته ولما يصير شخص ثاني بعد الله بسبب دعواتكم لا ترهقون انفسكم بالمحاولات بل ادعوا الله والله بيتغيرون وينهدون ربي قادر ومقتدر😭🥺♥️
ولما اقول رمضان دعواته جاية حتى لو تاخرت فصدقوا،كل الدعوات اللي تحسونها صعبة او مستحيلة الحوا فيها الان والله اكبر فرصة لو احكي تفاصيل التفاصيل تقولون كيف وبقولكم هذي قدرةالله،مهما كان الحال ربي ع صلاحهم لقادر ،الله يصلح حالنا وحال جميع المسلمين ويهدينا هداية لانرتد بعدها ابداً♥️
جاري تحميل الاقتراحات...