اليوم قررت أرد على أحد الأشخاص الي غلط علي شخصيا ، مع احتفاظي بحقي والموضوع تم رفعه للجهات المختصة ، لأن الموضوع تطور الى اتهام والقذف بكلمة "الاحتيال" وغيرها من الأشياء ، جهزوا قهوتكم ، وخل نشوف ، هل فعلا هذولا الناس الي تتهجم علي صح ، أم راكبهم الخطأ لراسهم فلنفتتح المحاكمة😅
كلمة احتيال وكذب ، ليست كلمة سهلة ، يظن البعض أنها شيء عادي عند القانون ، يظن البعض رميها يحق لأي شخص ، يظن البعض أنها تمر مرور الكرام ، نأخذها بالتجربة ، من شهر ١١ سنة ٢٠٢٠ ، ماقدمت معلومة خاطئة لأحد هنا ، وكل الي عرف عن حسابي إني رجل والرجال قليل !! ويدعي الناس لي وهذا خير
أما قانونا أحيلكم لورقة كتبها محامي عن الالفاظ الي تعد قذف وسب الكتروني ، وهنا العقوبة عليها bestlawfirmsa.com وعقوبتها
وتخيلوا عالم الكل يرمي الثاني بالكذب والاحتيال ، من هنا وجه الشرع بالضرب والدولة بيد من حديد ، حيث تحكم المحكمة وحدها على أحدهم ، بهذي الجرائم ، وبعضها مايعلوننه لأن التشهير عقوبة ثانية
خلصنا قانون يلا ندخل بزنس ونشوف هل هذا الشخص فيما رماني فيه أنا وتلاميذي على حق ، أم أنه شخص يحكم على الناس ، ويبدأ بالشر ؟ ويقول غير الحقيقة ؟
الاخ للأمانه يعني عنده طرف علم بدأ يحكي عن مصدر أرباحي ، ما أدري عنده الحسابات حقتي ، جدا والله صدمت بكلامه ، لكن نتكلم بزنس ، بدأ يتكلم عن شركات ال بيع النطاقات ، أنا ما أعرف وش مشكلته مع الشركات هذي ، شخصيا لسى ماخلصت الدورة ، هذي أول محاورها ، كيف قرر مصدر ارباحي
طبعا أعطى الحل من وجهة نظره "خشوا اليوتيوب " ، شخصيا الي أقدمه في الدورة واضح ، وهذي صور من الي أقدمه ، وأجلس مع كل تلميذ ، دعم وشغل وشهور تدريب خطوة بخطوة
ادعاء العطاء ، يبدوا أن العطاء من أهدافي ، وهذا شيء شخصي ، هل يعني العطاء أن لانكسب ريال ، هل أنا أقول لأي شخص أنا ما اكسب منك ، تماما لا ، والله مافهمت منه وش مشكلته مع العطاء ومع ٢٢٢ دولار ، من أرباحي ، أنا شخص مقدم دورة فيها العديد من المحاور وسعيد بالي أقدمه
تكلم عن التلميذ التجربة ، وأن أرباحه من الدومين واستند الى صورة فيها احد ارباحه ، طيب الصورة هذي ، هذي كلها من أرباح التلميذ التجربة ، وهو تلميذ جربت عليه كل الخطوات قبل أن أطبقها على عموم الجمهور ، أشوف كثير من الإتهامات "العجيبة" ،
شخصيا والله ما أعرف وش الي حرق رزه ، لا أفهم وش يبي يوصل له ، لكن أعرف أنه فعلا إنسان غريب ، ويحكم عليك قبل حتى تكمل شيء ، وياخذ الكلمة ويلفها ألف لفة ولفة ، شخصيا تركت تويتر ، وسويت تطبيق سوشل ميديا للبعد عن الأجواء هذي لأني ما أقدر أقدم الي عندي ، عليهم من الله مايستحقون ، أكمل
الله يعينكم على الحرقان والله ، حقيقة أنا ما أخلي أي تلميذ يشترك في كلك فنل وقيت ريسبونس لأن قيمة الإشتراكات ٧٠٠ ريال ، يالله لك الحمد صار الي قلبه على الناس "عيب" 😂 يالله لك الحمد والشكر ؟ وركزوا على اخر الدورة ، يا أخي تويتر حقي ودورتي أرتبها زي ما أبي 👀 لايكون أنت مسويها
أرجع أكرر سالفة الأرباح من كيسك ، ويبدوا أن كيسك عامر 😅😂 ، وأكرر الدورة دورتي أقرر فيها الي أشوفه الأصلح ، والي اقدمه أكبر من أي قيمة حمدلله ، ماتتخيل قد ايش سعيد بالي أقدمه ، ويبدوا أنه يؤلمك نجاحي وربحي ونجاح تلاميذي ، الحسد مشكلة ، والان نشوف التهجم العجيب على التلاميذ 👀
يبدوا بأن البعض يرى طلب الرزق مساعدة الناس ، أن تضع لنفسك أهداف سامية وكبيرة خطيئة ، يبدوا بأن البعض يرى كل "صيحة عليهم" ، راح أكمل والله المستعان بس ، الله المستعان وحده
والله مدري مشاركني في حلالي ، والله أتعجب ، يحتاج اسم الشركة وصورة العقد ، ومايثبت التواصل ، ودي أعرف وهو يكتب الطلبات وش مقيم نفسه ، يعني هو قافطني الحين ، ويجب أن أحضر المستندات ، ولا يبي يتواصل مع الشركة عشان يفتح بزنس ، أنا والله مافهمت ، ماسك علي شي لاقدر الله😅😂 وريني 😂
الله أكبر أكتشف الدورة من وين ، طبعا برضه مدري وين الغلط إني اجيب دورة وأعدل وأضيف واستفيد من الموجود ، ترى أنا مو ينزل علي الوحي ، طبعا بستفيد من الموجود والمميز وبجي أعرضه بطريقتي بلمساتي وإبداعي ، عندي قائمة من الدورات بالآلاف وتعلمتها سنين وأقدم من كل بحر قطره
ودي أضيف قائمة خبراتي والدورات الي تعلمت منها ، أول شيء تعلمت من هذا المراهق الكندي "البزنس الإلكتروني" youtu.be اسمه Gibrial وتعلمت منه كيف أقرأ الأرقام ، كيف أحط استراتيجية،كم الوقت أحتاجه حتى أربح من الإنترنت،والكثير من المهارات ونطبق الكثير من مهاراته في دورتي
تعلمت من عملاق التسويق بالعمولة وأخذت دورته المميزة وشهور طويلة من التدريب تحت يده ، تعلمت الكلك فنل والقيت ريسبونس فرانكلين البطل youtu.be والكثير من فهم التسويق بالإيميل منه
تعلمت من تلميذ فرانكلين الهندي ال SEO وتصدر محركات البحث وكيف أسوي دورة ، وكيف أربح بدون فلوس youtu.be
وتعلمت من اندي بعض حركات التسويق بالمحتوى والكثير youtu.be ،
ليش أجيب المصادر ، فقط مسألة أنك تقول سارق دورة ، رغم أن التسويق بالمحتوى ليس موجود عند brain ، تأسيس شركة تقنية ليست موجودة ، تأسيس أفيليت ليس موجود ، التسويق بالإيميل ليس موجود ، تأسيس شركة عالمية غير موجود ، قنوات الدفع ليست موجودة ، تأسيس تطبيق سوشل ميديا غير موجود.
فالقول أن الدورة من عنده مردود ، نعم استفيد منه ومن غيره وهذا ليس عيب ، ركز معي هذا لاهو عيب ولاحرام ولايدخل في شيء من الألفاظ السيئة بل هو عمل خير وحلال وشرعي وجميل ورائع وقل ماشئت من الألفاظ الجميلة الي ماسمعتك تقولها أبدا 👀
نعم معك حق دورته تسمى white label وهو حاطها أي أحد يقدر يستفيد منها ، واستفدت منها لكن ليست كل شيء من دورتي ، وليس فيها أساس شغلنا "شركة تقنية" وليس فيها قنوات الدفع ، ولامراقبة الأداء ، ولاتأسيس نظام أفيليت ، ولا تحقق ١٪ من الأرباح الي نعرضها ، فأنا متفوق عليه وعلى فرانك بعد😅😍
وين الي يفكرون فعلا ، هذا الي أقدمه ، وهو لايستحق أصلا قيمة ٢٢٢ دولار ، أبدا ، أنا وحش تسويق ، راح يكسب الناس من وراي "ملايين" بالحلال ، شغلنا واضح ، قانوني ، وكل تلميذ راح يكون مسجل يا شركة في السعودية يا في أمريكا وبريطانيا وحسابات بنكية ، وشغل على أعلى مستوى 👍🏻
شكرا على ملاحظاتك ، وياليت تكون كالنحلة اذكر الشيء الزين ، طبعا هذي أول دورة أقدمها لابد يكون فيها الشغل مو ١٠٠٪ ، في النهاية "قدمت شيء" ، مارحت صفحات الناس اتهمهم ، أجرحهم ، بالعكس أخذت بيد الناس ، قلتلهم أن العالم جميل ، وسعيد والله في وجودي بينهم 😍
طبعا هذي مكتبة جرير حطيتها حتى ابين ، كيف قد تكون البدايات بسيطة ، أبدا مو "عيب" 👍🏻 وياليتك شخص طبيعي يحب الخير للناس ، ياليت وياليت بس ، حمدلله رب العالمين
طبعا أي شخص يسأل بلطف بعطيه عيوني ، ماجيت إلا وصدري وسيع ، ورديت على الأخ بالي أعرفه ، طبعا مستحيل يصير ظنك حسن ، المبلغ هذا الي مزعجنا فيه لايساوي مبلغ الدومين الدفع هنا bit.ly ، جرب حط في بطاقتك٨٢٩ اذا سحب "بحق"😎
وش تبيني أرد على شخص سوى حسبه من كيسه مع غمزة؟ يلقم بلوكين مو بلك ، الي يجي يبي فايدة حياه ، غمز بطلوه حتى في الغزل !! حمدلله والشكر بس
وش تبيني أرد عليه ، واحد جاي يسب ويقذف ، أعطيه خدي الآخر !! ولا أرد علي بالسب واللعن والشتائم وقلة الأدب ، يبدوا أنكم ماعرفتوا الي تكلمونه فوق الكلام هذا وأكبر من أنه يرد بالشتائم ، هنا السب فيه دولة وقانون ، وغلط قانونيا وأدبيا وأخلاقيا وشرعيا أرد ، أجمع الأدلة وتطلع للشرع👍🏻
في كثير وصلتهم ايميلات ، يسأل عادي ، الشخص هذا سأل رديت عليه ، رجع يسأل ماجاز لي والحساب حسابي ، الي بيجيني باحترام بعطيه عيني ، الي بيجي مسوي تحقيق ، ماعندي وقت للكلام هذي
بتكلم عن تناقضه ، مو توك تقول تعلموا من اليوتيوب ، ولما أقول لتلاميذي خذوا من الناس الي سبقونا ولاتعيدوا اختراع العجلة صار غلط ، واضح أن مشكلتك معي شخصية ، لاتقول شي للناس أنا بقوله 😂😅 شكرا لك
بتكلم بزنس ، جدا هذي الطريقة صح ، راح تزيد محتوى الإنسان ، أصلا التسويق بالمحتوى والربح بدون دفع راس مال هو "الأساس " وهو الشيء الخطير ، والحمدلله جدا نجحوا فيه التلاميذ ، وبدأوا يسمعوا بزنس من المصادر الأجنبية ، الي تشوفه خطأ ، أشوفه بداية عظيمة 😎
مين قال أن التلميذ مايعرف الكلك فنل !؟ له شهر كامل يتدرب عليه ، وإلا من كيسك مرة ثانية ؟ التلميذ شهر كامل تعلم وش الكلك فنل ، واشترك "مجانا" ، وسوى اوبتن بيج ، وعرف كيف يسحب الإيميل مثل المحترفين بالكلك فنل ، وعرف يغير الروابط كلامك مردود ١٠٠٪ ، الحسد الحسد مشكلة😂
نفس الكلام التلميذ مايصل إلى التسويق بالمحتوى إلا وهو متمكن من الكلك فنل والقيت ريسبونس ويسوي وورك فلو ، ويغير روابط ، ولايعيبه بدايته ، البدايات البسيطة "موعيب" لاتصدق الي يقولون لازم تصير كامل ، كلنا نبدأ ببساطة وذوق ونكبر ، ويرزقنا الله 😍
تناقض آخر ، مو الحين المفروض أن التلميذ يتعلم ويعرف الكلك فنل الي راح يسوق له ؟ ولا على كيفك ؟ واضح أن عندك مشكلة فعلا شخصية معي ، وفي تصميمي للدورة ، وترتيبي لها ، دورتي وحسابي ، وتلاميذي ، حنا مبسوطين ، عدم ترتيبنا على دماغك لايعني أننا سيئين "والألفاظ السيئة" الي تقولها 😑
أعيد نفس الكلام ، صحيح أن الدورة تجريبية ، وأنها طبقت على شخص واحد ، تلميذ التجربة ، وصحيح إن بدايتي بسيطة "ولايعيب أبدا" ، صحيح أن عندي أولوياتي في ترتيب الدورة بالشكل الي أشوفه مناسب"دورتي" ، لكن كل ما أوردته لايعطيك الحق للقذف والسب ، ولسنا سيئين ، فقط مختلفين في الترتيب ، 😅
ليس هناك مماطلة ، هناك فهم للسوق بناء صحيح ، ورديت بكل لطف على الأخ، لكن يبدوا أن عندك فعلا مشكلة شخصية معي ، للآن لم أفهم وش مشكلتك لكن الله المستعان ، بناخذ حقنا قانونا وشرعيا من عيون كل شخص معتدي ومؤذي 😎
شكرا لك وش رايك يتابعونك وتسويلهم دورة ، مع أني للحين ماتكلمت عن سحب الإيميل ولو تكلمت عنه راح يقول "لاحد يحملها فيروس"😂 تبا وسحقا للظنون السيئة ، وقاتل الله الحسد 😅
شكرا أخونا ، عطبت الدنيا ، سبيت خلق الله ، ومن وجهة نظري راكبك الغلط ١٠٠٪ وتصلح سيارتي وسيارات التلاميذ ، ازعجتنا ، اشغلتنا ، هذا حنا قلنا لهم روحوا للمحتوى الأجنبي قلت يا "ركيكين" ويوم أنت تقولهم كأنك سيد الزمان والمكان 😅😂 ، موب أنا أقولهم معلومة على معلومة ، لا انت اصصصصص 😂
والله أقولك ختاما ، شكرا لك ، ردك ركيك ، كلامك غير صحيح ، ظنونك في غير محلها ، وتشوف جبل طويق ، أنت تناطح جبل ، 😂 روح شوفلك شغلة ، ابتعد عن طريقي ، والله لا أراك ، أنا شخص عندي رسالة ، وراح أصل ، كل يوم أقوم أقرأ أهدافي الي سخرت منها ، وإن تسخر منا فإنا منك نسخر والله
تلاميذي الي سخرت منهم ومن أحلامهم ، والله عندهم أحلام ، والله عندهم إلتزامات ، والله عندهم حياة ، لايصح إذا أختلفنا في ترتيب دورة أن نؤذيهم ، لايصح أن نقذفهم ، لايصح أن نقتل أحلامهم ، أما أنا كل يوم معهم يد بيد ، وقلب على قلب ، ماشفتهم لكنهم أخواني وأخواتي وتاج راسي والله 😍
هذي من أحلامهم ، أحلامهم مشروعة ، وطريقتهم في طلب الرزق صحيحة ، نعم نختلف في ترتيب دورة ، لكن لانقتل أحلام الناس ، لانصعب عليهم الحياة أكثر مما هي ، حنا موجودين لنجعل الحياة أجمل ، إذا ماساعدناهم ، ما نعطلهم ، الله يفتح لي وللجميع الخير ويكفينا شر كل ذي شر ، ويكفينا ما أهمنا ♥️
جاري تحميل الاقتراحات...