النظام الجديد حق الكورة تيبيكال النظام الشغال في الرياضات الكبرى في أمريكا، أندية مقسمة على قسمين زي ال Conferences الاتنين حقين ال NBA، والادارة ما عن طريق جهة منفصلة ومحايدة بل عن طريق اتحاد ملاك أندية زي ال NFL بالضبط، والأندية المعلنة حالياً كلها من منطقة جغرافية واحدة~
اللي هي غرب أوروبا، ومسافة ما بين الابعد مثلاً شمال وجنوب زي لندن ومدريد هي الف ميل، في حين انه المسافة بين نيويورك وكاليفورنيا هي ٢٧٠٠ ميل وبرضو فيهم اتيام بتتنافس في نفس الدوري المحلي فمسألة الجغرافيا وأثرها على دوري بلم فرق من دول اوروبية مختلفة تجاوزها ساهل.
بعدين تأثر بالنظام الأمريكي حتى في تقسيم كيفية التنافس دوري منتظم بيتلعب اسبوعياً زي اي دوري محلي بس نهايته ما بطولة بل تحديد لي Seedings بتأهلك لدور اقصائي Playoffs فيه مواجهات مباشرة لحدي مباراة البطولة، الفرق انه الأمريكي مقسم الدوري لي divisions زيادة داخل القسم الواحد~
وهي البتحدد عدد المباريات البتلعبها ضد كل فريق، وفي السلة مثلاً بتلعب ضد فرق من القسم التاني في حين دوري السوبر الأوروبي بتلتزم بي مجموعتك الوقعت فيها لحدي الدور الاقصائي وما هتلاقي التانين في الدوري المنتظم، وزايد على الامريكان بي انه في فرق جديدة بتتأهل سنوياً وفي فرق ثابتة~
على عكس أمريكا الفيها كل الفرق ثابتة وممكن الفريق يغير مدينته واسمه بس، او يضاف فريق جديد لزيادة عدد الفرق الفي الدوري.
الميزة الرئيسية البتبحث عنها الأندية المؤسسة هي تعظيم العائدات المالية، مستفيدين من نقطة انه مستعدين يوفروا نسبة مشاهدة عالية ومستقرة لكل المباريات تقريباً~
الميزة الرئيسية البتبحث عنها الأندية المؤسسة هي تعظيم العائدات المالية، مستفيدين من نقطة انه مستعدين يوفروا نسبة مشاهدة عالية ومستقرة لكل المباريات تقريباً~
ودا مهم للقنوات الناقلة والشركات الراعية، على عكس الدوريات المحلية البكون فيها تقلب في نسب المشاهدات على سبيل المثال الكلاسيكو ممكن يشوفوه مليار نفر لكن مباراة بين غرناطة وليفانتي ما يتمو اتنين مليون وانت كراعي او شركة بث بتشتري حقوق الدوري كلو بي التقلبات دي، يلا القروش الكتيرة~
دي هتتوزع على عدد اقل فعوائد الأندية الفيه هتتعاظم بصورة خرافية، وفي نفس الوقت الشركات حقت البث والرعاة هيضمنو مستوى مستقر من المشاهدات العالية، لكن أكبر الخاسرين هو الاتحادات المحلية اللي في الأغلب نسب مشاهداتها هتقل، والقروش الهتدفع ليها كذلك، ودا هينعكس على الفرق الما مشاركة~
في البطولة بصورة سلبية في صورة نقص كبير في العائدات، هي دي أكبر محاولة لخلق مجموعة أندية نخبة ما بتتغير على مدى الزمن زي أتيام ال NBA بالضبط، وباقي الفرق البتمارس نفس الرياضة في اي حتة في الدنيا هتكون بالنسبة ليها inferior زي الفرق بين أندية الدرجة الممتازة والدرجات الدنيا.
صراحة انا شخصياً في معضلة أخلاقية، الحاجة دي ماف زول بنكر انه كمشاهد هأستفيد تماماً من مشاهدة كرة قدم على أعلى مستوى بصورة دورية أسبوعية، وأندية بمستويات متقاربة بتتنافس طوالي ومباريات قمم بصورة أسبوعية للفريق البشجعه، لكن في نفس الوقت هي هتنهي روح كرة القدم~
وهي ختام لموجة تسليعها البدت من بداية التمانينات، وهتفقد ميزة انها برضو الى حد ما كان في استقلال ما بين الأندية والملاك في الكورة ما زي السلة الفيها مالك النادي ممكن ينقلو من مدينة لأخرى بدون مراعاة للمشجعين أو التاريخ، يعني اتخيل الخليفي يصحى من النوم يقرر ينقل باريس سان جيرمان~
لي لندن مثلاً، قاعدة تحصل في السلة كتير زي سياتل سوبرسونيكس الاتنقل لي مدينة تانية بي لعيبته والمدرب واي شي واتقلب لأوكلاهوما سيتي ثندر، لكن الكويس لسه الكورة برضو عندها خصوصيتها وارتباط التشجيع بالجغرافيا اكتر من نجاح التيم بالذات في أوروبا بمنعها من الانزلاق للمرحلة دي.
نقاط اضافية نسيت اضمنها فوق
جاري تحميل الاقتراحات...