الريد فلاقز و ما ملكت أيمانكم - A thread
اول شي اعرف نفسك و الريد فلاقز حقتك، التركيز الكتير مع الناس دا في حد ذاتو ريد فلاق ف ح ابدا بي حاجات تتفادها من عندَك اوّل لانو ماف علاقة جاطت بيشيل الغلط فيها زول واحد '
🚩 ما تقدس زول ياخ، تقدس زول ليه ؟ اي الفيلنقز ممكن تجيك على هيئة " يا الهي ما هذا الملاك انه واحد في المليار حتى عيوبه ما عادت عيو.." ، لا .. كل الناس عاديين و كل الناس عميقين اذا غُصت فيهم كفاية انت و زاويتك '
🚩 البِيقدسك برضو اتفاداه، يشبكك omg you're so perfect , ما حصل لاقيت زول زيك حتى تفاصيلك الصغرى تبهرني و انت تتنفخ و أول ما يظهر انك انسان بتغلط عادي في زول فيكم حينصدم غايتو هدا كلمتك '
🚩 ما تتكلم مع زول كل يوم لفترة طويلة ياخ، مافي شي بخليك تتكلم مع زول كل يوم لفترة طويلة الا لو داير تعرسو
🚩 الflirting الكتير من بدري و الtoo sexual too soon ديل اكبر ريد فلاقز اجري جري
🚩 العلاقة البتكون ماشة في تطور سريع شديد تندرج تحت كلام الخواجة البقول easy come easy go دا اذا ما كانت rebound و لا مع سيريال كيلر .. اهرب
🚩 ريليشنشيب ما قادر توصفها في كلمة واحدة دي اخير عدمها + خلي يكون عندك معاييرك الخاصة لانو في ناس مسكة اليد عندهم التزام زي الخطوبة واحد و في ناس ممكن يعيشو معاك في البيت عديل و تجيبو شفع يقولو ليك نحن friends واي ار يو بيينق سو ويرد برو و ما بتاكل معاهم عيش '
🚩 زول بحاول يفصلك من أصحابك أو يزعل اذا عندك ناس بتحكي ليهم أو أول ما خش حياتك اتوقعك تختو أول زول قدام امك زاتها الجابتك افصلو انت أول
🚩 البقطع معاك في أي زول و خصوصاً الناس القريبين ليه اذا اضطر يمرق نفسو بمرقها و يغلط اصحابو دا اتوقع انك انت ما الخلاص فزت بي ولائو و اخلاصو يعني مش كدا ؟
🚩 و الله صدق ما تصدق لكن الناس المهمين حولينك امك، ابوك، اصحابك و اخوانك شايفينو زول كعب و ما عاجبهم و ما مرتاحين ليه أو حسيت انك داير تدسو منهم انتَ الغلطان، و في هذا قال الحكيم جستن بيبر : " ما ماما دونت لايك يو اند شي لايكز ايفري ون "
🚩 القريب شديد من الناس كلهم و كل زول عندو معاه تفاصيل خاصة دا مهما يكون زول زابط ما تحاول تستفرد بيه لي نفسك خليه كدا بس
🚩 الكان ضحية في كل قصصو الفاتت، و اذا جا حكى ليك مشكلة مثلاً ما بقول ليك نهائي " انا غلطت في الحتة دي " دا انسان معصوم ترسلو لي متحف طوالي
🚩 اي شي ماشي في اتجاه واحد، بسمع و ما بحكي، بحكي و ما بسمع، حلال علي حرام عليك، انا اي و انت لا، دبل ستاندردس زي دي دونت ويست يور تايم
🚩 الببقى توكسيك في وقت الخلاف و بيقدر انو يسمعك كلام مؤذي او يقلل احترامك أو يغدر بيك أو يعاملك كانك ماف دا انساه ما فيه عَمار
🚩 البقدر يكون قاسي و وقح مع أبوه و أمو بغض النظر عن هم ربوه كيف إلا اللهم لو الموضوع فيه abuse واضح يعني دا ما يحتاج اقول ليك انا
🚩 في نوع عايز السُكّر و الحلوى و كل ما هو لذيذ في الريليشينشيب بدون الالتزام حقها و كوميتمنت ايه و بتاع دا اختاه برضو، في خط معين كدا ان وصلتو بعديها يا وجود يا عدم
🚩 في نوع كدا صعب، يلا دا ما دايرك ولا شي، عايز يتاكد انك انت ح تقع في حبو بس عشان الego حق جنابو هش، راجيك ترقد يعني بالواضح اول ما ترقد بيكبر يخليك، ديل عادة بكونو رهيبين في الغزل و في الصَد يعني برخو ليك لما تشد و بشدو لما ترخي و انت هنا بتكون سمكة التونا العنيدة، اقطع الخيط.
و اخيراً التنظير ساهل، و الجمرة بتحرق واطيها، الفيلينقز قادرة تعمي اي زول اي زول، ف ان بقى في شي مهم في كلامي دا خلي اصحابك القُدام قريبين و احكي و اقيف كل شوية كشف كدا و بتاع ما تدقس.
نختم بي صور حقت خواجات زابطة :
نختم بي صور حقت خواجات زابطة :
جاري تحميل الاقتراحات...