من 2018 وانا بدأت ألف في الدايرة دي وضغط عالي وepistaxis كل ما تحصل حاجة تضايقني او توترني والسنة دي بالذات كانت حافلة
لحد ما وصلت للذروة السنة الي فاتت زي دلوقتي كدا بدأت ابقي طول الوقت مش طايقه دماغي وحساها هتنفجر مش صداع لا كنت بحس الدم بيضرب في دماغي
وبحس بضغط جوا ودني

كانت شكوي غريبة واحساس وحش قادرة افتكره واحسه دلوقتي تاني وانا بحكي
ومع زيادة التوتر وشدة الاعصاب وصلت لوepistaxis يوميا وبكميات كبيرة فروحت لدكتور ENT عشان يشوفلي حل ان شالله مؤقت
مشيت تقريبا 8 اشهر علي ادوية ضغط و capillary fragility و مقويات دم

مش هنسي الايام دي انا كنت متقبلة عادي بس اوقات كان بيصعب عليا نفسي اني سيبتها توصل لكدا بسبب ضغوطات او مشاكل حواليا بكتم ردود افعالي عليها جوايا
لكن ماما الي مكنتش متقبله وكانت بتزعل كل ما تشوفني الصبح باخد الدوا

جربت ابطل بعد اسبوعين تلاتة لما لقيت في تحسن بس طلع اني التحسن بسبب الدوا ولما ببطله بتعب تاني
بس اتعلمت ابطل اضغط علي نفسي ، مسيبش القلق ياكل في دماغي مهو الي كاتبه ربنا هيكون كدا كدا ليس لي من الامر شيء
والحمد لله الحمد لله الحمد لله بعد تقريبا سنة انا تمام منغير اي ادوية 💖