البنت الي اتعودت تشيل المسؤولية تلاقي طلباتها قليلة جدًا لانها تعودت انها ما تطلب شي من احد، يبان انها قوية و صلبة بس من جوا باقي نونو، ما تنتظر احد يسويلها شي وصعب عليها تعتمد على احد يسوي عنها شي لانها متعوده تسوي كل شي بنفسها
لو احتجتوها بأي وقت ولأي سبب بتكون مستعده تساعدكم و توقف جنبكم، تستحمل كثير و صبورة لأبعد درجة بس في نقطة معينة تفصل و تنهار عصبيًا، وما تتحمل النقاش الكثير و الجدال الطويل ابدًا لان هي خلقه في نقاش أبدي بينها وبين نفسها، غالبًا تكون متوترة وقلقه ومصدعه
غالبًا بيكون عندها نقص فيتامينات بالذات لو كانت شخص مشغول طول الوقت هذا ان ما كان فقر دم، في اي علاقه تكون هي تلعب دور الام او عمومًا تكون الطرف الي يتصرف زي الامهات و يخاف على الطرف الثاني من نسمة الهوا، و اذا قررت تبعد عن احد فقرارها يكون حاسم لانها قلبتها براسها الين امين
الشي الوحيد الي تحتاجه من الناس الي حولها وهي فاقدته هو انهم يطمنوها دايمًا لانها تكون في حالة قلق و توتر مستمره و تفكر بكل شي بنفس الوقت و بالها دايمًا مشغول وتنسى كثير و تفهي كثير والشي الوحيد الي مو عندها لنفسها هو الطمأنينة رغم قدرتها العالية انها تطمن الي حولها
الا انها ما تقدر تطمن نفسها..
ما اقدر اطمن نفسي...
جاري تحميل الاقتراحات...