التسامح و رمضان ..
---
شوف الـ Thread
---
شوف الـ Thread
- رمضان هو فرصه ذهبيه انك تسامح و تعفو عن اللي غلط في حقك لو انت حابب ده ، خصوصاً ان التسامح من الافعال اللي ذنوبك تتغفر بسببها ، قال رسول الله صلى الله عليه وسلم [ ما مِن مسلمَين يَلتقيان فيتصافحان إلا غُفر لهما قبل أن يتفرَّقا ]
- كل لما تخلي الأمور و الموقف تتراكم عليك ، هيكون فرص إنك تسامح أصعب مع زيادة التراكمات ، لأن التراكمات بتكبّر اللي حصل موقف بعد موقف لحد ما يفيض بك ، الحقيقة إن اللي بتتعامل معاهم بشر لازم هيغلطوا في لحظة من اللحظات و أنت نفسك هتغلط ، و دي حاجة منقدرش نغيرها لأنها طبيعة بشرية
- قال ﷺ [ لا يحلُّ لمسلم أن يَهجر أخاه فوق ثلاث ليالٍ، يَلتقيان، فيُعرض هذا، ويُعرِض هذا، وخيرهما الذي يبدأ بالسلام ] متفق عليه ، و ده زي ما قولنا لأن كل ما زاد الهجر هتزيد التراكمات و بالتالي الموضوع هيكبر
- و ده ياخدنا لنقطة ان اللي نقدر نغيره هو طريقة تعاملنا ، عليك إنك تتعلم إزاي تسامح بعد كل موقف و كل غلطة ، متستناش إنك تسامح لما تتراكم عليك المواقف عشان مش هتقدر تسامح وقتها ، إتعلم تسامح اليوم بيومه ، بلاش تشيل للناس غلطهم في الماضي
- عشان كدا فكرة محاسبة الناس علي غلطاتهم القديمة و إنك مسامحتهمش في غلطاتهم دي مؤذية ، مؤذية لنفسك قبل ما تكون مؤذية لهم لأنك بتفتكر غلطتهم دي دايماً و ده شعور مؤذي ، و دي طبيعة البشر إنها طول الوقت بتغلط
- لو عايز تحاسب و تعاتب غيرك ، يبقي في وقتها عشان تقدر تسامحه ، لكن متستناش سنين و يمر مواقف كتير و بعدين لما يفيض بك تحاسبه عليها ، إنك تسامح مش معناه إنك تنسى الإساءة ، لكن التسامح معناه إنك تخرجه من فكرك و لا تنشغل بـإسائته لك
- لو قادر علي انك تعفو و تسامح الشخص اللي ظلمك سامحه .. [ وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ ] الفكرة إن الجزاء من جنس العمل أو [ كما تدين تدان ] .. طالما سامحت اللي ظلمك و أنت قادر .. أكيد أنت هتغلط في حق حد و تظلمه و هتكون مستني انه يسامحك
- فطالما سامحت غيرك .. فـ الشخص اللي ظلمته و مستنيه يسامحك هيسامحك .. عشان كدا ربنا بيقول [ أَلَا تُحِبُّونَ أَن يَغْفِرَ اللَّهُ لَكُمْ ] يعني انت هتحتاج حد يسامحك عشان ربنا يغفرلك .. فكما تغفر عن المذنب إليك نغفر لك ، وكما تصفح نصفح عنك
- التسامح هو إنك تحرر دماغك من الموقف و الشخص اللي أذاك بحيث إنه يكون بعيد عن تفكيرك ، فالأحمق لا يسامح ولا ينسى ، و الساذج يسامح و ينسى ، أما الحكيم فهو يسامح ولا ينسى ، و ده المقصود من التسامح مش المقصود منه المعنى الشائع عند الناس و ده اللي بيخلي الناس ترفض فكرة التسامح
- لكن في شرط في التسامح و هو [ وليعفوا وليصفحوا ] يعني إيه بقا ؟
—
- [ العفو ] هو إنك خلاص سامحت
- [ الصفح ] هو إنك بعد ما سامحت متفضلش تعايره و تمن عليه بـ عفوك
—
- [ العفو ] هو إنك خلاص سامحت
- [ الصفح ] هو إنك بعد ما سامحت متفضلش تعايره و تمن عليه بـ عفوك
- عموماً التسامح ده حاجة لنفسك ، لكن لو هتفضل شايل جواك و بتحقد علي اللي آذاك تاكل في نفسك ، فده كأنك بتاخد السم و مستنيه هو اللي يموت ، التسامح بيديك صفاء ذهن ، و إنك تنام قلبك صافي مفيش في قلبك ذرة كره أو حقد علي حد ، إنك تخاف من كونك مظلوم تكون ظالم
- جرب الا تشمت و لا تكره ولا تحقد ولا تحسد ولا تيأس ولا تتشاءم و سوف تلمس بنفسك النتيجة المذهلة ، سوف ترى أنك يمكن أن تشفى من أمراضك بالفعل ، إنها تجربة شاقة سوف تحتاج منك الى مجاهدات مستمرة و دائبة مع النفس ربما لمدى سنين و سنين
---
مصطفى محمود
---
مصطفى محمود
وبس
جاري تحميل الاقتراحات...