تنولد بين اب وام مهتمين جداً بكل شيء تسويه لدرجة لو بديت تحبي احتفلو ولو مشيت سوو حفله وبعدين تدخل المدرسه وتلقاهم معك ويشجعونك وتحس بالاهتمام الحقيقي وان كل حركه لك فيه ناس ينتبهون لها وتدخل المراهقه ثم تتخرج من الثانويه ف تصدم بالواقع الغريب بالنسبه لك .

الواقع اللي يقول ان لااحد يهتم بهذا العالم فيك انت مجرد شخص يمرون من جنبه بدون مايناظرون فيه ولو احد اهتم ف مقدار الاهتمام هو ٣ دقائق ويرجع كل شخص لحياته وتركز على سوداوية الموضوع وممكن تدخل بااكتئاب وعدمية ف ننسى الجانب المشرق بعدم الاهتمام هذا !

الجانب المشرق المهم جداً لجودة حياتك وهو انه لااحد يهتم ، البس بطريقتك وتكلم براحتك وسو اللي يعجبك لااحد يهتم واذا احد اهتم ف هي لخمس دقائق واجه مخاوفك واوثق بنفسك ولاتصير شكاك بشكلك او صوتك او طريقة مشيتك او على ايش تصرف فلوسك لان ايش؟ لان لااحد يهتم.

اهتم برضى ربك والباقي تذكر ان لااحد يهتم واللي يهتمون صدق هم ناس بيتقبلونك ويبون لك الخير والسعاده مثل اهلك وحبايبك واصدقاءك.