#سوريا
انا بالحقيقة مو ضد السوريين المراهنين على تركيا كخيار وحيد متاح بالحاضر و المستقبل المنظور ، لكن بيحترق قلبي وقت بشوف كل تركيزهم على عظمة و نزاهة العثمانيين و على اردوغان كبطل استعادة امجاد ووحدة الأمة الاسلامية و كلا الادعائين غير صحيح بل كاذب ، بدك تراهن على تركيا فهاد

حقك المشروع و يمكن الطريق الوحيد للبقاء لكن لازم تلعبها صح ، تراهن على الدولة التركية ومؤسساتها ، انت مو مرشح انتخابات نيابية تركية فتعظم العثمانيين و اردوغان فتربح المتدينين القوميين و تيار اردوغان ، انت شعب من ٤ ملايين و بقايا ارض ، اطلع مظاهرات طالب بتقرير المصير ، قرر انشاء

كيان مستقل تعترف فيه تركيا و تعمل معه معاهدة دفاع ، أي مسار يعمل واقع عالارض ، اما ترفعلي علم تركيا و صور اردوغان و تتغزل بالعثمانيين و تعملي مؤلفات عنهم ، فاخرتك بليلة مافيها ضو قمر تنزت للكلاب ينهشوك و انت متفاجىء و عمتسب المؤامرة عالاسلام ...

بدك تقاتل مع تركيا لكل الكوكب قاتل من خلال معاهدة دفاع مشترك ، بدك تستخدم الليرة التركية باقتصادك استخدمها من خلال اتفاقية اقتصادية ، بدك تعلم منهج تركي اعمل اتفاق تعليم ، الشرطة و الامن يتعاونوا مع تركيا و يخضعوا لتركيا اعمل اتفاقية امنية ، اما تقدم كل ما سبق و ما تاخد شي فغباء