رمضان و جهاد النفس
---
شوف الـ Thread
---
شوف الـ Thread
- كلها ساعات و يطل علينا شهر رمضان اللي بنستناه من السنه للسنه عشان نقرب أكتر من الله و نملأ الروح بالعبادات و الروحانيات الكتير في الشهر المبارك ، و اشهر ظاهرة لده انك تلاقي الناس اللي كانت بعيده عن ربنا طول السنة بشكل كبيره بتقرب فالناس اللي حواليه تبدأ تستغرب
- جهاد النفس ٤ مراتب ، حسب ما رتبهم ابن القيم
--
١- أن يجاهدها على تعلم الهدى ودين الحق الذي لا فلاح لها ولا سعادة في معاشها ومعادها إلا به ومتى فاتها عمله شقيت في الدارين
--
يعني يجاهد نفسه عشان يتعلم الدين و اوامره و نواهيه و فروضه و يقتنع بيهم
--
١- أن يجاهدها على تعلم الهدى ودين الحق الذي لا فلاح لها ولا سعادة في معاشها ومعادها إلا به ومتى فاتها عمله شقيت في الدارين
--
يعني يجاهد نفسه عشان يتعلم الدين و اوامره و نواهيه و فروضه و يقتنع بيهم
- النقطة دي معناها انه يتعلم الدين و يجاهد نفسه عشان يقتنع ببعض الفروض اللي ممكن ميكونش مقتنع بيها لانها بتكبح شهواته ، كل عبد ربنا خلقه في حاجة تقيله عليه في العبادات ، في اللي الصلاة تقيله عليه ، في اللي الصوم تقيل عليه ، في اللي الحجاب تقيل عليها و هكذا
- خلاص عرفت ان ده الصح و اقتنعت بيه ، تيجي المرحلة التانية و هي : أن يجاهدها على العمل به بعد علمه ، وإلا فمجرد العلم بلا عمل إن لم يضرها لم ينفعها
---
يعني بعد ما جاهد نفسه في معرفه الفروض و الاقتناع بها يجاهد نفسه بقا في العمل بها
---
يعني بعد ما جاهد نفسه في معرفه الفروض و الاقتناع بها يجاهد نفسه بقا في العمل بها
- مثلاً اللي الصوم تقيل عليه و عارف انه الصيام فرض ، الخطوة التانية انه يعمل باللي عرفه و يصوم ، اللي مش مقتنعه بالحجاب بعد ما تجاهد نفسها في معرفته و تقتنع بيه تعمل بيه و تتحجب ، اللي بيشرب خمرة و مخدرات و عارف انه حرام فيبدأ يجاهد نفسه و يعمل باللي عرفه و يبطل شرب و هكذا
- الطبيعي ان الانسان لو مقصر في فرض من الفروض مستحيل في يوم و ليلة هيلتزم بيه لنهاية لعمره لاننا بشر ، ربنا بيقول [ و خُلق الانسان ضعيفًا ] الانسان ضعيف قدام شهواته و نفسه و الشيطان اللي طول الوقت بيوسوس له
- خطوات الالتزام و جهاد النفس في اي فرض من الفروض عبارة عن سلم بتطلعه خطوة خطوة مفيش حد بيطلع السلم مرة واحدة ، خصوصاً ان العبادات عبارة عن عادات و مفيش حد في الدنيا مهما كان قدراته بيكتسب عادة في يوم و ليله مش زرار بندوس عليه
- مثلاً بنت طول السنة بشعرها و بتلبس لبس ضيق و جت في رمضان اتحجبت ، هي هنا بتاخد خطوة للقرب من الله ، او واحد مقضيها شتايم و تلاقيه عمال ينزل ايات قرأنيه و في الجامع طول الشهر ، كل دي خطوات لجهاد النفس و طلوع السلم
- الأسوء من ده كله ، هو مدعي التدين ، تلاقيه عايز الشخص يلتزم ١٠٠٪ و الا هيكون منافق فـ هيتقال علي البنت بتشوه الحجاب و تتهاجم و تتشتم و تكره الحجاب بل ممكن تكره الدين كله و قيس ده على اي حالة تانيه ، و ده ببساطة شخص متخلف بدل ما يساعد اللي قدامه بيهاجمه
- المشكلة اللي أغلب الناس بتقع فيها ، هو انهم بيطلبوا أعلى شئ في العمل ، لازم تكون عبادتك و علاقتك مع ربنا ١٠٠٪ و الا هتتشتم و تتهاجم و يتقال عليك بتاخد اللي على مزاجك ، طب يا سيدي ميمشيش معاك انه بيجاهد نفسه ؟ فالصح ان الناس تخاطب باللي بتعرف تعمله
- فالطبيعي حتى لو انت مسلم بقالك ٦٠ سنة عايش في معاصي ، عشان تبطل الذنوب اول حاجة تقتنع ان دي ذنوب و حرام ، تاني خطوة انك تجاهد نفسك انك متعملهاش ، الطبيعي ان تقعد فتره مش عارف تتخلص من ذنوب معينة و تجاهد نفسك فيها لانها مش زرار هتدوس عليه و تنتهي
- شخص يفعل ذنب ما ، فـ يتدافع القوم للنيل منه.. هذا يشتم ، و هذا يسخر ، يصبون حمم أحقادهم عليه ، تشعر في لغتهم فرحة بزلته، وكأنهم كانوا يتحينون الفرصة للانقضاض عليه.. لا يعينون أخيهم على الشيطان ليعود إلى طريق الصواب.. بل يعينون الشيطان عليه ليوغل في الخطأ
- كونوا لطيفين مع الناس و ادعوهم بأسلوب كويس يحببهم في الدين و يساعدهم علي جهاد نفسهم و شيطانهم ، لكن بلاش تساعدوا شيطانهم عليهم بأسلوب غبي ، و بعدين ترجع تسأل نفسك هو ليه الناس بعيدة عن الدين ؟ مهو بسببك و بسبب اسلوبك الغبي و الهجوم علي الناس
- تالت خطوة : أن يجاهدها على الدعوة إليه وتعليمه من لا يعلمه وإلا كان من الذين يكتمون ما أنزل الله من الهدى والبينات ولا ينفعه علمه ولا ينجيه من عذاب الله .
--
رابع خطوة : أن يجاهدها على الصبر على مشاق الدعوة إلى الله وأذى الخلق ويتحمل ذلك كله لله
--
رابع خطوة : أن يجاهدها على الصبر على مشاق الدعوة إلى الله وأذى الخلق ويتحمل ذلك كله لله
- رب رمضان هو رب باقي السنة ، لكن اعتبر اللي بيتعمل في رمضان خطوة للقرب من الله فساعد الناس انهم يطلعوا السلم واحدة واحدة و شجعهم ، بلاش تهاجم و تستغرب و تنتقد اللي بيقرب في رمضان و ساعده و شجعه
و كل سنة و انتم طيبين
جاري تحميل الاقتراحات...