رتبها

مساء الفل
زي ما وعدتكو خصوصا أصحابي بره مصر و هنا و مش قادرين يروحو عشان تجهيزات رمضان
هعملكو ثريد عن زيارتي #المتحف_القومى_للحضارة_المصرية
ااهدف تشويقكو
لان مهما شفت صور،عرفت معلومات غير الواقع خالص
تجربة ممتعة
لازم تروح انت و عيلتك و ولادك
اقرا الثريد للاخر و افتح الصور

مبدئيا المتحف ف الفسطاط سهل وروحه بالعربية او لو مواصلات اسهل طريق المترو تنزل محطة الملك الصالح و تتمشي لأول الشارع تركب ميكروباص ب 3 جنيه بينادي متحف
بيحمل بسرعة لأن الإقبال كتير جدا ع الزيارة و مبياخدش 5 دقائق و تبقي قصاد #المتحف_القومى_للحضارة_المصرية و تبتدي الرحلة

التذكرة ب 10 جنيه معرفش ليه هل النهاردة بس ولا ايه
المهم انا دخلت بكارنيه النقابة
جيش ابيض بقي و كده 💪
ممكن تاخد لفة ع البحيرة ف الاول و تتصور الفئة هناك روعة من الزبالة و المدابغ و الريحة للجمال و النضافة و المنظر الرائع
نحب نشكر مهندسين مصر أحفاد ايمحوتب ع مجهودهم بصراحة

هتبتدي م اليمين عصر ما قبل الأسرات
هتلاقي رسوم صخرية من هضبة الجلف الكبير منذ عصور ما قبل التاريخ
وهتلاقي اقدم جدارية مصرية لغاية دلوءتي حوالي 3500 قبل الميلاد
حضارة نقادة التانية
افتح الصور و اتفرج ع ابداع جدودنا الاوائل

ده نموذج منزل من حضارة مرمدة بني سلامة(في الوجه البحري)
عصور ما قبل الأسرات

هتلاقي لوحة مكتوبة بتأرخ للعصر الحجري و استخدام الحجر ملايين السنين قبل الميلاد
بس مصورتهاش لاني انشغلت في نقاش مع سلفيين حوالين عمر الأرض و ٱدم ال كانو مصرين أن الدنيا كلها 6000سنة😂
و لكن الاركيولوجي إقنعهم طبعا ميقدروش يكدبوا التاريخ 👊

ده مطحن للحبوب م الفيوم حوالي 5000 سنة قبل الميلاد م العصر الحجري الحديث
و ده تعريف عن الأدوات الحجرية و تاريخها

ده هيكل عظمي لأحد جدودنا حوالي 35الف سنة و ال شرحه الوزير خالد العناني ف الافتتاح لسيادة الرئيس #السيسى لما شفناه كلنا ف الحفل

دي مجموعة من الأدوات الحجرية من العصر الحجري
رؤوس سهام و بلط و سكاكين
لاحظ الدقة ف الابداع و التصنيع رغم أن هما مكنش عندهم ادوات يشتغلو بيها غير حجارة تانية يكسرو و يهذبو بيها
بالمناسبة اختراع وصنع الادوات ثورة في اي كتاب عن التطور التاريخي و العاقل للبشرية باعتباره نقطة تحول

ده تمثال المساح او القياس بلغة دلوءتي بن حري و ماسك حبل الي بيقيس بيه
و دي ادوات القياس و التسجيل
عهد الدولة الحديثة

فئوس و مناجل خشبية من أقدم الأدوات الخشبية
الأسرة الاولي
مقبرة حما كا
سقارة

صومعة و نظام متكامل لحفظ الحبوب لأول مرة في التاريخ
عارفين طبعا أن إنتاج الطعام و تخزينه هو أ ب تقدم المجتمعات
عكس ناس تانية كانو عايشين ع الصيد و الجمع و الالتقاط يمكن لغاية دلوءتي 😂

خرطوش ملكي
باللقب الحوري
لوحة جدنا قا عا
أحد ملوك الأسرة الأولي
ابيدوس-سوهاج حاليا

نماذج للخبز و صحن القمح
رائعة جدا جدا
مصنوعة م الخشب
و هتلاقي بذور محفوظة و عيش زي بتاعنا بالظبط البلدي و الشمسي
سقارة - الدولة القديمة

استمرار لنماذج المخابز و الخبز و العجن و الفرد بالنشابة
نماذج رائعة جدا

نماذج للمباني و مبني متعدد الطوابق لأول مرة في التاريخ
عمارة تظهر بالشكل ده
ماكت رائع جدا جدا

جدنا المهندس المعماري سننموت
الي بني معبد حتشبسوت
الاقصر
الدولة الحديثة
الأسرة ال18

ادوات القياس و الزوايا و الموازين
و بتبين الدقة في البناء و المعمار

تمثال علي هيئة ابو الهول لجدتنا الملكة حتب حرس 2 بنت الملك خوفو ال سماها ع اسم أمه
و ده دليل أنها حكمت فترة
المرأة كانت مقدرة جدا في مصر القديمة
قبل عصور الظلام و الاضطهاد الطبقي و الاجتماعي

تمثال رائع لجدتنا ايست أو ايزيس بترضع حور أو حورس
و دي اول آلهة عابرة للحدود و اتعلمت ف العالم القديم كله و أشهرهم أوروبا و فينيقيا
*لاحظ التشابه بين قصة ايست و حور و ما تلاها من مقدسات ف الأديان الإبراهيمية

نماذج من حضارة نقادة
بفخارها المميز لفتراتها التلاتة
و نماءج منحوتة من الحجر ع هيئة حيوانات

تمثال ل سيدة تحتضن أطفالها
لاحظ الدقة في التفاصيل
العيدين و القعدة و الاطفال
*الاطفال كانو مميزين بالضفيرة ال ع الجنب بتتحلق بعد البلوغ

باب ما ام حسن
من أقدم الأبواب الخشبية
الدولة القديمة
سقارة
الأسرة الخامسة
أهداه لمقبرة ابوه المعماري الملكي تي كا
و خلد اسم صانعه و يدعو ايثو
فخر و دقة الصناعة حاجة جميلة جدا جدا تقف تتفرج سنين ع التفاصيل بتاعة الباب ده

هنكمل كمان شوية استمتعو بدول و اتمني أكون قدرت ابرز جزء صغير من حضارتنا العظيمة
اشعرو بالفخر باسلافنا و جدودنا العظام
صناع الحضارة و التاريخ

كا ام حست
بس يهده القاموس بقي 😂😂

الغزل و النسيج
بذور الكتان و الخيوط الملونة الرائعة و الصبغات و صوف الماعز(عشان الفتي بتاع بيلبسو صيفي بس و الهبل ده)
و دي حتة قماش بألوانها تحفة بجد
و هتلاقي الادوات بتاعة الغزل جمبها
حاجة عظمة جدا
في عز ما كان الباقي عايش في كهوف كنا بنصبغ و نطقم و نبدع في اللبس و الموضة

تمثال رائع من الجرانيت لجدنا مرر نسو الدولة القديمة الأسرة الرابعة
و كان مشرف علي ورش النسيج الملكي و خصوصا الكتان
التمثال ده رائع جدا جدا و تحس ملامحه رئيس عمال ف المحلة أو كفر الدوار دلوءتي

منظر رائع لحاملات القرابين
و منظر اروع لورشة النسيج
افتح الصورة و كبرها و بص ع التفاصيل
ادوات الغزل و النول و البكر
و كإنك بتشوف ورشة ف الحرانية أو المنوفية أو سوهاج
جدودنا مسابوش حاجة للصدفة
افتخر بجدودك الي ورثت عنهم كل حاجة حرفيا
كل حاجة بالكربونة يا دونيين يا جهلة

التمثال ده
روعة بجد
جدنا ني عنخ ببي كم
مشرف الصعيد و رئيس الخزانة
و المستشار الأوحد للملك
الدولة القديمة- اسيوط
كبر الصورة و شوف التفاصيل
حزام النقية و الالوان و الزخرفة
وزير مالية يا جدع 👌

تمثال دجحوتي متر الحكمة و العلم و الثقافة
و ال انتشرت عبادته ف المنيا عندنا و تمثال الكاتب المصري و ادوات الكتابة
وقت العالم ما كان في ظلام دامس
كان عندنا حضارة جدودنا بيبدعو و يتفننو و يكتبو و يسجلو لينا كل لحظه علشان نفتخر و ناخد الدروس ونوصل لمجدهم

مجموعة من ادوات الكتابة و الاحبار الملونة و الأختام الملكية
مش محتاج اقولك ده إنجاز حضاري أد ايه يعني
ارفع راسك فوق يا بن كيميت العظيمة

بردية بالديموطيقي مفيش معلومات عنها للاسف
و دي لوحة بالديموطيقي لقصة سنوحي المشهورة
و الي بتبين ارتباط المصريين بارضهم
و بأنهم يتدفنو في ترابها المقدس

كرسي ستنا الملكة حتب حرس
حاجة روعة بجد
خشب متصنفر
و المقاييس و التركيب بتاعها الي بتشوفها ع الشاشة في الفيديو التوضيحي حاجة فوق الخيال
في فرق 1سم
علشان و انت قاعد متتزحلقش لقدام لان الكرسي عميق لجوه فهتضطر تقعد ع الطرف شوية
جدودنا مسابوش حاجة للصدفة يا جماعة

دي بقي تحفة فنية اول مرة اشوفها
مقصورة دفن ملكية
القماش عليها و الالوان و التفاصيل افتح الصورة و ملي عينيك و افتخر
القماش ده ملزوق أو ماخيط ع المقصورة و في تابوت و اثاث جنائزي جواها
للاسف مفيش شرح عنها
حاجة روعة روعة روعة بجد يمكن احسن من الدهب في منظرها و شياكتها

لعبة السبت و اثاث للحياة ف العالم الٱخر كما عاشوا
قعدنا ع الكراسي قبل ما حد يعرف يعني ايه كراسي اصلا
و الي لسه بيقعدو ع الأرض لحد دلوءتي بيتكلمو عن حضارتنا !!

تابوت سن نجم من الخشب و بداخله مومياؤه
دير المدينة
الاقصر
الدولة الحديثة الأسرة 19
في مظهر رائع ليه يتلقي الطعام من ربة الشجرة
روح شوفه ع التابوت علشان محرقلكش الحاجات كلها

تمثال رائع
بس للاسف مفيش كارت تعريف ليه برضو
حاولت اعرف لكن مش عاوز أهبد
ياريت الأثريين يقدرو يقرو الخرطوش و يقولنا ده ايه
(انا خمنت ايزيس و الملكة تي بتاج الجنوب) بس ممكن اكون غلطان طبعا
و عاوزين نعرفه ياريت أصدقائنا الأثريين يفيدونا لغاية ما نتمكن ف المصري بالخط الهيروغليفي

تمثال رائع من البازلت مفيش كارت تعريفي ليه
هنلاحظ علامة السما تأوي ع جنب التمثال
شبه تماثيل الدولة الحديثة
و هتلاقي بعيد العاق اخناتون (مرضتش اصوره بس طلع برضو😂)
و طبعا مفهوم الكوارث الي عملها ف التاريخ

القبة و العرض ع الشاشات الي بتفصل القاعة المركزية عن قاعة المومياوات
حاجة روعة بجد
شكرا للمهندسين المصريين الي صممت و نفذو
ولا تقولي لوفر ولا غيره

تمثال من الجرانيت لجدنا الملك امنمحات
الدولة الوسطي الأسرة ال12
كان قدام معبده في هوارة
و يعتبر تمثال الملك ع هيئة ابو الهول
رمز النتر شو الءييسيطر علي حدود الكون

أقنعة رائعة من الكارتوناج لاحظ التفاصيل الحلق مثلا♥️
و أواني رائعة من الفخار
تحف فنية تمثل صانع ماهر للحضارة المصرية
القلل القناوي يا ولاد
افتخر بجدودكو الي ورثوكو كل حاجة ♥️♥️

شوية و نكمل باقي الجولة
استنوني 🙏

تفاصيل من مقصورة خشبية رائعة
(مفيش كارت تعريف برضو ليها )
ركزو ع المناظر و التفاصيل و الالوان و الروعة و تفاصيل جحوتي و انبو أو اتوبيس و اوزير باللون الاخضر و اللحية المميزة

لاحظ تفاصيل الربان الحمايات ايست(ايزيس) و نفتيس و مشهد كتاب الخروج حور و عمهم و جحوتي و القرابين و الحساب
نتمني حد يترجملنا بشكل دقيق اكتر

الكاهن سن نجم
افتح الصور و بص ع التفاصيل ♥️♥️

بعض الاثاث الجنائزية لمقبرة سن نجم شوف الروعة و الدقة و الذوق و الفن و الصورة التانية ل خبري أو الجعران المقدس
تقف قدام الحتة الصغيرة دي تتوه ف صناعتها و دقتها

تمثال رائع من السشت لمسئول الخزانة في الاسرة 26
عصر النهضة كما يطلق عليه
في حماية النتر حتحور رمز الخير و النماء و الجمال تعلو قرنيها قرص الشمس نسبة ل رع و وادجيت الحية الحامية نتر رمز حماية الشمال

نقش بائع لجدنا العظيم ♥️ رمسيس التالت (رع مسو المولود من رع)
اخر الملوك العظام المحاربين
الي حمي مصر و هزم شعوب البحر 3 مرات في البر و البحر
و اكبر و أول معركة بحرية ف التاريخ انتصر فيها في حين قضت شعوب البحر ع اغلب الحضارات ف العالم القديم ال عدو عليها

عجلة حربية رائعة لجدنا تحوت موس (مولود تحوت) الرابع (من خبرو رع)
كبر الصورة،شوف منظر جدنا تحتمس وهو لابس تاج الخبرش الرائع وبيحارب أعداؤه وشوف تفاصيل أعداؤه الاسيويه بدقونهم الطويلة ودي تماثيل ليهم مقيدين
المهم لازم تتفرج ع فيديو ف شاشة العرض للعربية دي و تطويرها و ٱلية تركيبها

مناظر و صور تانية للعجلة الحربية
لاحظ التفاصيل و الخرطوش و علامة السما تاوي اتحاد الوجهين

منظر مقرب للأسري و الاعداء الاسيويين و دقونهم و شعرهم باين اهو
عشان محدش يشكك في تاريخك يا مصري يابن كيميت

قلادة ستنا الأميرة نفرو بتاح بنت جدنا الملك امنمحات التالت
الفيوم- هوارة
ذهب عقيق فيانس
الدولة الوسطي
الأسرة 12
من اندر و اجمل مجموعات الحلي
اكتشفت 1956

نماذج المراكب الخشبية
افتح الصور و اتفرج ع الدقة و الابداع و الفن

نماذج رائعة من الحلي في مصر القديمة
افتح و اتفرج و متع عينيك بالجمال و العظمة

اناء من الفضة و ايدهع شكل غزال مدهب (الفضة كانت أغلي وقتها)
و مجموعة من التمائم صغيرة جدا تتعلق بالعقد في الرقبة علي هيئة النترو
حور و انوب و ايست و جحوتي و سخمت و غيرهم
في مجموعتين
الدقة و المهارة و الروعة
افتح و اتفرج و متع عينيك بحضارة أجدادك

تمثال الكاهن بسماتيك سنب
حامل الناووس للنتر ٱمون رع
العصر المتاخر
حجر جيري

تماثيل للنترو
شاهد دقة و روعة التصميم

تمثالين لكهنة حامل ناووس للنتر خنوم رب الخلق
(مفيش بطاقة تعريفية)

عمود رائع النقوش و التفاصيل و التاج
الصورة و الإضاءة ظالمة الحتة دي جدا و لازم تشوفها ع الطبيعة
حاجة روعة

أدوات التجميل و المرايات و بقايا الدهانات و المراهم و المكياج و الادوات موجودة في الصندوق و معروضة قدامكم
الست المصرية و جمال اهتمامها و موضتها

نماذج الٱلات الموسيقية
الهارب و الناي و الصاجات
افتح الصور و اتمتع بعظمة جدودك

نموذج الأوركسترا و الفرقة الموسيقية
الدولة الحديثة
عرفتو ليه #ترنيمة_إيزيس هزتنا من جوه ؟!
جيناتنا يا جماعة ♥️
أمة الفن و الحضارة
كيميت حيث بدأ كل شئ

تمثالين رائعين من البازلت
للنتر خنوم يحمل صولجان الواس و النتر حور أو حورس

مجموعة رائعة من السلال ابتكر المصري القديم استخدام الخوص و الجريد و الألياف كمادة رخيصة متوفرة في الحفظ و كذلك لحل مشكلة نقص الاخشاب في البيئة
مفيش حاجة تغلبنا 💪💪

ولادة ايست (ايزيس)
نقش وجد بالقرب من معبد دندرة يمثل النتر نوت (السما) و هي تلد النتر ايست و تجلس ع كرسي الولادة
(جدير بالذكر أن د.عادل فاروق قالنا ف الكلية أن ده وضع مثالي للولادة 👌)
العلم و التقدم و الرقي
بدأ من كيميت و تشرف ع الولادة الربات النترو الحاميات

مجموعة من الأدوات الجراحية (زيها لسه بيستخدم) و يظهر تمثال لجدنا ايمحتب اول طبيب في التاريخ
كيميت كانت متقدمة جدا في الطب من عصور سحيقة قبل سكان البوادي و الكهوف ما ييجو ف التاريخ و يظهرو اصلا
افتح و اتفرج

اول طرف صناعي في التاريخ
من الخشب و الجلد
*لازم تتفرج ع كيفية استخدامه ف الفيديو التوضيحي ع الشاشة جمب القطعة الفريدة العظيمة دي
حضارة الاهتمام بالإنسان و راحته
في حين كان أقصي ما توصل ليه البعض هو الكي!!
افتح الصورة و اتفرج ع الحضارة المصرية القديمة و انسانيتها

الموازين في مصر القديمة
مركزية الدولة حتما وجود نظام واحد صارم دقيق لحساب الضرائب و تقدير المحصول و الكميات
أمة الماعت الي عرفت وزن قلب المتوفي
اكيد عرفت ايفاء الموازين و العدل و عدم الغش و الانضباط
افتح الصور و اتفرج ع الموازين و السنج بتاعة زمان

مجموعة رايحين السوق أو في رحلة لتقديم القرابين
لان في نفس الفترينة مع الموازين

المسطرة دي بقي حكاية و رواية لوحدها
و النقوش ال عليها و المقاييس
حاجة روعة
لازم تروح تشوف الفيديو التوضيحي بتاعها هتنبهر جدا جدا جدا جدا جدا

الساعة الشمسية
كانت بتتقاس 6ساعات الغروب و الشروق و النص منتصف النهار
و حسب ما بيجي الظل ع انهي درجة تعرف الساعة
حاجة عظمة اوي
لازم تشوف الفيديو التوضيحي بتاعها برضو ♥️

الزوجة الإلهية للنتر ٱمون
و كان مقتصر ع البيت الملكي
و كانت تلبس التيجان وتكتب اسمها بالخراطيش
و هنا تحمل صولجان النخخ و تعلو جبهتها وادجيت و نخبت رمز الوجهين البحري و القبلي
عصر الانتقال التالت
الكرنك
تمثال من الجرانيت

تمثال رائع للنتر خونسو
رمز خصوبة و شباب الملك
يحمل ضفيرة الصبا و القمر فوق رأسه و يمسك عمود الجد و الحقا و النخخ
الأسرة 18
دولة حديثة
معبد خونسو
الكرنك
جرانيت

خش بقي ع مسك الختام
تابوت ذهبي الكاهن نجم عنخ
المسترد من امريكا حديثا
تحفة تحفة تحفة
كبر الصورة و اتفرج ع التفاصيل و الدقة و العظمة ♥️♥️♥️

كان يوم رائع الحقيقة جدا
المتحف في قبطي و روماني و يوناني و مسيحي واسلامي وعصر حديث
لكن أنا مش مهتم بيهم
الي عاوز يروح يشوف كسوة الكعبة و نسخ الانجيل و القرٱن وحافظة التوراة وعملات يونانية وتماثيل بطلمية كل ده موجود
اتمني أكون فدتكو بالثريد ده
لازم تزورو المتحف انتو وأطفالكو

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة