رتبها

السلام عليكم ورحمة الله وبركاته،
اليوم اعزائي جبت لكم طريقة سهلة من طرق تحقيق الربح من الانترنت ولا تحتاج راس مال ولا شي كل اللي يحتاج منك فقط انترنت وجوال وتركييز
يالله قوم سويلك كوب شاي او قهوه☕️ وروق وتعال نتعلم سوا كيف الطريقة🤝
#تجاره_الكترونية #تسويق #ربح_اونلاين

حلو وسوينا لنا كوب شاي بالنعناع وروقنا بسم الله نبدأ
اول شي ياغالي الطريقة هي البيع على موقع اسمه Redbubble تعال معي نشوف هالموقع كيف شي كبير ومعروف في العالم!

روح قوقل واكتب في البحث Similarweb يطلع لك هالموقع روح البحث زي كذا واكتب Redbubble وشوف الاحصائيات الي تطلع لك زي ماهو في الصورة الزيارات لهالموقع توصل لأكثر من 28 مليون زائر شهرياً ع مستوى العالم🤩

طيب بتقولي وش ابيع؟اقولك راح نبيع تيشيرتات ومن هالقبيل،طيب كيف؟واكيد يحتاج متجر إلكتروني ويحتاج شحن وتوصيل وووو ومن هالأمور لا تخاف ولا تشيل هم اي شي كل اللي عليك تصمم وتركز فقط وباقي الأمور الموقع يسويها لك، شفت كيف😍وبالنسبة للمتجر راح نفتحه مع بعض بكم ضغطة زر ويكون جاهز ومجاني

طيب يلا نبدأ بالخطوات العملية ونفتح المتجر اول شي ادخل موقع ريد ببل واختار sign up من فوق زي ماهو واضح بعدها راح يفتح لك صفحة التسجيل تحتاراول مربع التسجيل كفنان وتحط ايميلك واسم المتجر والباسورد وبعدها اختار sign up تحت
يتبع..

هنا خلاص سجلت حسابك وفتحت متجرك وفتح لك هذي الصفحة اللي هي الداشبورد حقك وراح اشرح كل شي في الصورة وش معناه
الجزء الأول تعديل متجرك اول خيار تقدر تحط افتار وثاني خيار صورة الكوڤر ثالث خيار تحط رابط حسابك ف السوشل ميديا بعدها البايو
الجزء الثاني تفاصيل الدفع وكيف تبغى تحصل فلوسك👇🏻

نكمل الجزء الثاني جزء الدفع اول خيار تأكد ايميلك وثاني خيار تضيف اسمك والعنوان حقك واخر شي تضيف تفاصيل الدفع زي ماهو واضح في الصورة الثانية تختار اخر خيار الدفع عن طريق البايبال وبعدها تحت تحدد اول خيار زي ماهو واضح ف الصورة رقم٣ وتأكد ايميلك ف البايبال (ضرووري هالحركة)

ما تعرف وش البايبال وكيف تسجل فيه؟ ادخل هنا وسوي زيه 👇🏻
youtu.be

تمام خلصنا فتحنا حساب اللي هو متجر في ريد ببل وضبطناه وضبطنا الدفع وأكدنا الايميل حق البايبال زي كذا👇🏻 كل شي ماشي تمام
يتبع..

كل شي تمام؟ حلو هنا نبدأ نشتغل ونصمم وننزل في المتجر. طيب بتقول انا مو مصمم ولا اعرف ووو ماعليك ما يحتاج منك تكون مصمم محترف ولا شي تعال معي نلقي نظره ع بعض التصاميم اللي تنباع في موقع ريد ببل ونحاول نسوي زيها عن طريق اداة التصميم الرهيبة Canva👇🏻
canva.com

www.canva.com

نرجع ع موقع ريد ببل ونكتب في البحث T-shirt ونشوف بعض التصاميم اللي تنباع في الموقع بعضها احترافيه وبعضها بسيطه خلونا الآن نطبق ونحاول نصمم اول عمل لنا في الموقع من خلال أداة كانڤا اللي ذكرتها في البوست السابق

بعدها نرجع لكانفا ونروح البحث ونختار t-shirt بعدها نختار صفحة فارغة عشان نصمم على راحتنا ونختار التصميم اللي يعجبنا انا عن نفسي بروح للعناصر ونكمل في التغريدة الجاية

بعد ما رحنا العناصر كتبت ف البحث Cat طبعاً الهدف تصميم بسيط وطلعت لي خيارات كثيرة اخترت واحد منها وكبرته طبعاً تقدر اذا تحب تضيف كتابة بس انا حطيت الصورة زي ماهي وسويت تنزيل للتصميم وهنا خلصنا شغلة التصميم باقي ننزلها في المتجر ونكمل ف التغريدة الجاية👇🏻

بعد ما سوينا التصميم حقنا نروح على ريد ببل ونختار ابلود من المكتبة ونختار التصميم اللي سويناه وننتظر حتى يتحمل وهنا صار تصميمنا جاهز ع تيشيرتات واكواب وكمامات وغيرها طبعاً ممكن الصورة تكون كبيرة ع الكمام مثلاً وهنا نقدر نعدل حجمها وبعدها نضع عنوان للصورة وتاقات وهذي كثير مهمة

فيه شغله مهمة نسيت اذكرها وهي التسعير انت تقدر تحط النسبة اللي تبيها تروح بالخطوات زي ماهو موضح بالصور راح تحصل النسبة الافتراضية 20٪ انا هنا غيرتها ل15٪ طبعاً افضل في البداية انك تحط تسعير بسيط 10٪ او 15٪ واذا انشهر متجرك وصار عليه اقبال حط التسعير اللي تبغاه

وبكذا وصلنا لنهاية مشروعنا الصغير لهذا اليوم
طبعاً انا ما اضمن لك ولا راح اكذب عليك واقولك راح تحقق الاف الدولارات ومن هذا القبيل مافي اي شي مضمون كله يعتمد على الله ثم ع جهدك وتركيزك واستمرارك وبالتوفيق الله يوفقكم ويرزقكم من واسع فضله♥️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد