رتبها

ثريد موظف ستاربكس من بداية ماصرت احسه معجب فيني لحد ماخطبني

من 2019 وانا اروح لنفس الفرع وكنت اطلب مشروبي كالعادة وبيوم من الايام واحد من الموظفين سواه لي واحس ضبطه مرة بس ماركزت من سواه لي بالضبط وانا خارجه من الفرع جلست اشرب من الكوب وعلى طول رجعت عشان اشوف من سواه طلع واحد اسمه يبدأ بحرف ال "أ"

وصرت كل ما اروح واطلب مشروبي اقول ابي الموظف "أ" يسويه لي وهذا من ابسط حقوقي كوني زبونه وصار يسويه لي وصرت كل ما اروح واطلب على طول الموظف نفسه ياخذ الكوب وهو يسويلي بدون مااقول اني ابيه يسويه

كنت اقول وع هذي شيبي مسوي فيها ، يمكن مابيه يسويه لي وجا يوم قلت مابي الموظف "أ" يسويه لي لان الشغله على كيفي مو على كيفه ومسوي فيها قدامي ، حركات السربتان ماتعجبني

وغيرت رأيي قلت ابي الموظف "أ" يسويه لي وصار يسوي نفسه مايسمعني وماعاد يسويلي المشروب وصرت اروح فرع ثاني والله مدري ليه بس قلت ماني مي ته على فرعهم وانقطعت 6 شهور تقريبًا وصرت اروح لفرعي الدائم اللي فيه الموظف "أ"

اول ماطلبت ابتسم والحقيقه انا كنت ادوره اول مادخلت وسبحان الله كان بعيد هذا كيف اذنه جات عندي وعند الكاشير وصار ملتزم حده لما اقول ابي الموظف "أ" يسويه لي ياخذ الكوب ويسوي غير كذا مايسوي

فيني شخه ، حشرانه اوافيكم بعد دقيقه

جيت ، هيا نكمل الثريد

وصار من بعدها يسوي حركات سربتان ، رجعت حليمة لعادتها القديمة ويجلس يبتسم ويعنني يسوي انه ينادي احد عشان التفت واطالع فيه ، الحمدلله اني ثقيله من البداية ، وصار يقول لي اكتب لك على الكوب اقول لا ، يروح يكتب sweet بالانقليزي ويعطيني مدري وش قصده ذا

وصرت انزعج مرة انزعج وتجرأت وكلمته قلت لو سمحت انا زبونه وانت موظف وصرت تزعجني بحركاتك لا عاد تسويها ولا والله اشتكي عليك لمدير الفرع وصار يعاند!!!!!
بالطبع ماراح اشتكي واقطع رزقه وينفصل من عمله ولكن قلك بخوفه لكن صار يبتسم كل ما ادخل!!!!

صرت اتجاهله قلت هذا طفل مايفهم ، وصارت كل ماعيني تنرفع واشوفه يروح يسوي حركات بوجهه ويستهبل ويحول عيونه مثل حركات وجيهنا لما نسويها قدام الاطفال لما نضحكهم!!
خير وش تبي انت مو لان طولي 149 وانت بطول العامود تحسبني طفله!!!

وصرت اخلي وحده من اخواتي تروح تطلب لي وانا استناها بالسيارة مابي ادخل لان فعلاً صرت انزعج واعصب من حركاته وجا كور. ونا وانقطعت عنه انقطاع كُلي كم شهر ما ادري عنه ولا هو يدري عني والحقيقه وقتها وحشتني ابتسامته
-وانا اكلم نفسي واقول ابتسامته دائمًا كانت قدامك ياز.. ق وكنتي تطنشيها

انتهى الحجر ورحت ستاربكس بعد اول شهر من فكهم له وطلبت وصار يقول المشروب على حساب المحل قلت لو شمجت بحاسب بفلوسي والحقيقه وقتها قلت بنفسي ياعم هي الشغله عشان وحشتني مو عشان مشروب وسوا نفسه مايعرف المشروب وكل شوي يقول وش المشروب وكان وضعه كذا 👇🏻

وجا يوم من الايام ابتسمت له وليتني ما ابتسمت ، صار طول مبتسم طول ما اكون موجودة عندهم بالفرع ، اول كان لما بجي اطلب او لما يعطيني المشروب!!!!
اعترف اني كنت اسوي نفسي معصبة ولكن داخلي كله فراشات والابتسامه تنرسم على وجهي اول ما اعطيه ظهري وافك باب الخروج 🤚🏻

وبيوم رحنا انا واختي وكان الكاشير فيه الموظف "ر" واختي قالت اكتب لي كيت وكيت وكيت على الكوب وقال لي تبي اكتب لك شيء على الكوب ؟ جا الموظف "أ" وقال له شوف الكاشير الثاني عليه ضغط وخلي هالكاشير لي ، هذا لايكوووووووون يغار😑

رحت مرة وكنت زعلانه جدًا زعلانه جدًا جدًا جدًا زعلانه و واضح بوجهي من عقدة الحواجب ، واخذ الطلب وكتب لي على الكوب ومن هنا بدأت سلسلة الكتابات الحقيقيه مو sweet وكتب لي وقتها 😢

والاكواب اللي كتب لي فيها لاتُعد ولا تُحصى وكلها محتفظه فيها لسبب لا اعلمه ولا احد يعلمه
المرة الاخيرة اللي كتب لي فيها كانت هذي هي الكتابه "انتِ الورد لكل مساء" واعطاني الكوب وهو مبتسم كعادته والكلام هذا كان الساعه 9 بالليل تقريبًا ، رحنا انا واختي فقط

بنفس اليوم بالصبح قلت لاخوي وديني ستاربكس ورحنا انا وهو فعلاً وحصلته وقمطت ماحسبت يداوم بالشفت الصباحي وطلع صاحب اخوي وصاروا يتكلموا قدامي المهم قال لاخوي انه بيطلع من الدوام ويبي اخوي يروح معه مدري فين راح قال اخوي اودي اختي ونتقابل

بالليل كلم اخوي وقال انه يبي يخطب ولكن ماقدر يحدد لان صعبه يحددني عند اخوي لكن اخوي جا كلمني انا الحمدلله وقلت بستخير وافكر ثاني يوم قلت موافقه وش هالتفكير اللي مدته يوم وحاليًا اخوي الكبير اكبر واحد جالس يسأل عنه وبعدها بنسوي تحاليل الزواج ونملك على خير ، شفتوا ايش يسوي الثقل؟