ليه تطوير قناة السويس بقا ضروري ؟
---
شوف الـ Thread
---
شوف الـ Thread
- طبعاً مش محتاج اتكلم عن اهمية قناة السويس بالنسبه لمصر و انها اهم مصدر من مصادر الدخل القومي و اهم مجري ملاحي في العالم بيربط بين قارات العالم و بيمر منها حوالي ١٠٪ من تجارة العالم و كله شاف لما وقفت ٦ ايام حصل ايه
- روسيا هي اكتر بلد استغلت اللي حصل في قناة السويس ، و سوقت لطريق بحر الشمال اللي هيكون اشرس منافس لقناة السويس مستقبلياً لانه اقصر طريق بيربط بين اوروبا و اسيا خصوصا شرق اسيا [ الصين - اليابان - كوريا ] و اوروبا لحد ما تتساوي المسافه عند تايلاند مع طريق قناة السويس
- طريق بحر الشمال حالياً بيشتغل فصل الصيف فقط بسبب قلة سمك الجليد في الصيف فممكن استخدام كاسحات الجليد في كسح الجليد ، و بيكون وراها اسطول السفن ده فيديو للكاسحات النوويه الروسيه
- حمولة الطريق حالياً ٤٠ مليون طن سنوياً بيسعى الروس لزيادته لـ ٨٠ مليون طن خلال السنوات القادمة ، في حين قدرة قناة السويس حالياً مليار و ١٠٠ مليون طن ، مفيش اي مقارنة تذكر ، و اغلب التجارة اللي بتتم عن بحر الشمال حالياً هو تصدير الغاز الروسي
- التوقعات الحالية ان طريق بحر الشمال هيكون جاهز للاستخدام طول السنه كبدايه في ٢٠٥٠ بسبب التغيرات المناخية و دوبان الجليد في القطب الشمالي ده هيخلي سمك الجليد اقل في باقي الفصول و مع ذلك هيكون سهل للكاسحات كسح الجليد
٢- طريق الهند ايران روسيا : روسيا برضو بتحاول تنشيط طريق جديد بيمر عبر ايران لحد بحر قزوين بالقطارات ، و منه الى كازسختان لحد ما يوصل لروسيا اللي منها هيكون في طريقين لاوروبا و هو عن طريق القطارات او طريق بحر الشمال
- الطريق ده ايران بتفكر فيه من زمان ، لكن حالياً الطريق نظرياً موجود لكن عمليا صعب تنفيذه ، لأن ايران دوله بنيتها التحتة ضعيفه و الموضوع محتاج تكاليف عالية جداً ، ده غير العقوبات الاقتصاديه على ايران
- طموحات ايران ان بدايه المشروع ده تكون بحمولة نقل ٣٠ مليون طن سنوياً ، و مع التطوير الحمولة تزيد لان طبيعي حمولة القطارات اقل بكتير من السفن ، النقل البحري هو شريان التجارة في العالم ، و ده لا يقارن بقناة السويس اللي بيمر منها مليار و ١٠٠ مليون طن سنويا
٣- اسرائيل العدو الابرز لقناة السويس
----
هل تعلم ان اسرائيل في ١٩٥٦ كانت بتفكر و درست جدياً حفر قناة موازية لقناة السويس بتمر من خليج العقبه على البحر الاحمر للبحر المتوسط ؟
----
هل تعلم ان اسرائيل في ١٩٥٦ كانت بتفكر و درست جدياً حفر قناة موازية لقناة السويس بتمر من خليج العقبه على البحر الاحمر للبحر المتوسط ؟
- ده خبر من النيويورك تايمز راجع لـ ١١ اغسطس ١٩٥٦ ، بنية حفر قناة موازية لقناة السويس
- و في وثيقه سريه افرج عنها الامريكان ، بدراسه حفر قناة موازية لقناة السويس تمر عبر صحراء النقب من البحر الاحمر للمتوسط ، باستخدام ٥٢٠ قنبله نوويه بسبب استحالة الحفر بالمعدات لان التكلفة هتكون عاليه جدا جدا جدا
٢- قطار من ميناء ايلات على البحر الاحمر لميناء اشدود على البحر المتوسط
----
اسرائيل بعد ما فشل فكرة الحفر فكروا في قطار بضائع يربط بين البحر الاحمر و المتوسط ، و ده المتاح تنفيذه حالياً
----
اسرائيل بعد ما فشل فكرة الحفر فكروا في قطار بضائع يربط بين البحر الاحمر و المتوسط ، و ده المتاح تنفيذه حالياً
- مشكلة المشروع انه تكاليفه عاليه و طاقته محدودة زي المشروع الايراني بالمقارنة بقناة السويس ، ده اللي خلى هيئة قناة السويس بعد الضغوطات ترد بإن المشروع الاسرائيلي طاقته محدودة لكنه هياخد جزء من اللي هتاخده القناة و مع امكانيه تطويره ممكن طاقته تزيد لكنه لا يقارن مع القناة
٣- اسرائيل تسكت ؟ لا ، تعيد استخدام خط انابيب ايلات عسقلان لنقل البترول ، و كان الخط ده مشروع ايراني اسرائيلي بنسبة ٥٠٪ لكل طرف قبل الثورة الايرانيه لنقل النفط الايراني للبحر المتوسط و تصديره لاوروبا
- بعدها الخط توقف لفترة طويله لحد ما اسرائيل قررت تستولي عليه تماماً و تستحوذ على النسبة الايرانيه و اعترضت ايران و فرضت عقوبات على اسرائيل
- و مع اتفاق السلام بين الامارات و الكيان الصهيوني ، اتفقت الامارات سرياً مع الصهاينة على تقل البترول الاماراتي عبر خط ايلات عسقلان للبحر المتوسط
- ده خلى هيئة قناة السويس ترد و تقول ان البترول الاماراتي بيكمل تقريباً 0.5% من اجمالي حجم التجارة في القناة ، لان البترول الاماراتي اغلبه بيتصدر لاسيا مش لاوروبا ، ده غير ان قناة السويس اغلب التجارة اللي بتمر منها هي تجارة الحاويات اللي بتمثل نسبه كبيرة من تجارة القناة
- الغريب في الموضوع ان الامارات بتشارك بنسبة ١٥٪ في خط انابيب سوميد اللي بيمر داخل مصر من ميناء العين السخنة على البحر الاحمر لسيدي كرير على البحر المتوسط و اللي بيمتلكه ٥ دول ، مصر ٥٠٪ السعودية ١٥٪ الكويت ١٥٪ الامارات ١٥٪ قطر ٥٪
- الاغرب في الموضوع ان الامارات هتكون احد المستثمرين في مشروع تطوير محور قناة السويس ، عشان تتحول الى مركز تجارة عالمي و ده اهم خطوة لازم تتنفذ قريب لتطوير القناة و تجذب الانظار عن اي طريق
- عشان كدا تطوير القناة سريعاً هو خطوة مهمة لازم تتاخد ، لان الشركات بتدور على ارخص و اقصر طريق لتقليل التكاليف ، و تطوير القناة هتجذب الانظار لها و هتكون افضل طريق بغض النظر عن اي طريق لان كل اللي جاي طرق جديدة لسه في بدايتها
وبسسس
اعملوا لايك لبيدج الفيسبوك
facebook.com
facebook.com
جاري تحميل الاقتراحات...