رتبها

ازاي عرفنا صوت اللغة المصرية القديمة علشان نعرف نغني الأناشيد أو الترانيم زي إللي اتغنت في حفل #موكب_المومياوات_الملكية دي؟
أولاً محتاجين نعرف مختصر عن تاريخ اللغة المصرية،
عام 1822 نجح العالم الفرنسى الشاب "جان-فرانسوا شامبليون" فى حل رموز اللغة المصرية القديمة 👇

2-قبل ذلك التاريخ كانت اللغة المصرية صعبة الفهم وكذلك حضارةالمصريين القدماء وبفضله وبفضل عدد كبير من العلماء أصبحت اللغة المصرية القديمة مفهومة.
بتنتمي اللغة المصرية القديمة إلى عائلة اللغات الإفرو-آسيوية(مجموعة اللغات السامية-الحامية)يعني الأفريقية (الحامية)والآسيوية(السامية)

3-العائلة دي بتنتمي لها لغات كتير ومتقسمة تلات مجموعات كبيرة باختصار (علشان الموضوع ميبقاش صعب) هم:
• اللغات السامية الشمالية زي الأكادية أو الآشورية اللغات الكنغانية -العبرية والفينيقية والآرامية
• اللغات السامية الجنوبية وتشمل العربية واللغات الحبشية السامية.👇

4-اللغات الحامية ومنها المصرية القديمة، اللغات الليبية أوالبربرية والشاوية والتماشكية واللغات الكوشية.
نركز بقي شوية 😀👇اللغة المصرية القديمة مرت بالعديد من التغييرات والتطور كأي لغة علشان كده بتتقسم لـ خمس مراحل كبيرة:👇

5-
1)اللغة المصرية في العصر القديم: ودي أقدم مرحلة في تاريخ اللغة مع بداية عصر الدولة القديمة واستمرت من عام(2600- 2100)ق.م. زي اللي مكتوب بها متون الأهرام الشهيرة.
2)اللغة المصرية في العصر الوسيط:أو المصرى الكلاسيكى وبدأت هذه المرحلة في الظهور حوالى 2100 إلى 1600ق.م 👇

6-غير أنه استمر كلغة طوال التاريخ المصرى القديم لمدة 500عام.
3)اللغة المصرية في العصر المتأخر: بدأت هذه المرحلة تحل محل مرحلة اللغة في العصر الوسيط كلغة للتحدث والكتابة بعد 1600ق.م. وظلت مستخدمة حتى عام 600ق.م. وجود الكثير من المفردات الدخيلة على اللغة المصرية. 👇

4)المرحلة الديموطيقية :تطور من المصري المتأخر وقد بدأت حوالي القرن الثامن قبل الميلاد لـ القرن الخامس الميلادي.
5)مرحلة الكتابة القبطية :وهي المرحلة الأخيرة وظهر فى نهاية القرن الأول الميلادى وفضلت ألف عام ويرجع أقدم النصوص القبطية المكتوبة بواسطة المصريين إلى الألف 11 الميلادى👇

8-يعني اخترع المصريون القدماء اللغة المصرية القديمة قبل حوالى 3000 قبل ميلاد السيد المسيح واستمرت مستخدمة إلى حوالى القرن 11م ولعل هذا يجعلها أقدم لغة عاشت فى العالم فقد بلغ عمرها أكثر من أربعة آلاف سنة.
الجميل في اللغة المصرية القديمة أنها كانت لغة ذات لهجات متعددة 👇

9-يعني لهجات محلية فى النطق والكتابة ففى المرحلة القبطية عرفت عدة لهجات مثل الصعيدى والبحيرى والفيومى والأخميمى.
ثانيا محتاجين نعرف الفرق بين اللغة والكتابة اللغة زي العربي مثلا اللي بنتكلمه ممكن نكتبه بحروف عربية عادي وممكن نكتبه بحروف لاتينية(فرانكو)زي مابنكتب في السوشيال ميديا

10-وكمان اللغة العربية برضه بتتكتب بعدة خطوط(نسخ، رقعة، ديواني، كوفي..)ومش بنقول لغة الرقعة.
المهم كُتبت اللغة المصرية القديمة بأربعة خطوط هي:الهيروغليفية والهيراطيقية والديموطيقية والقبطية.
-"الخط الهيروغليفى"هو أقدم وابرز خطوط اللغة المصرية القديمة 👇

11-والكتابة به تتكون من حوالي 500 علامة معروفة ويجيء مصطلح "هيروغليفى"من كلمتين يونانيتين بمعنى "النقوش المقدسة"والتى كانت بدورها ترجمة لنظام الكتابة المصرية القديمة أو الخط المقدس لكتابة النصوص الدينية "الكلام المقدس"وسمى هذا النظام الكتابى كله وكل علامة فيه بإسم "الهيروغليفية"

12-وكتب أغلب ما جاء من حضارة مصر من نقوش وكتابات بالخط الهيروغليفى الذى يشبه إلى حد ما الخط النسخ فى لغتنا العربية المعاصرة وتمثل كل علامة هيروغليفية صورة لشىء حقيقى عرفة المصريون القدماء مثلا صورة بيت تعبر عن "منزل"وعلامة قدمين متحركين بمعني "يجىء"وهكذا 👇

13-يسمى هذا النظام فى الكتابة بـ"إيدوجرام" أى "كتابة الفكرة"زي ما بنكتب "أنا"♥"أمى" فنفهم معني "أنا أحب أمى".
بس خلي بالك الكتابة المصرية ليست علامات تصويرية فقط لكن فيها "العلامات الصوتية" أى التى تعطى أصواتا مثل الحروف الألفبائية فى لغتنا الحالية 👇

14-وفى هذه الحالة فإن العلامة التى تستخدم بهذه الطريقة تعرف "فونوجرام"أى"كتابة صوتية"يبقي الكلمات المكتوبة وفيها علامات صوتية في آخرها إسمها" المخصص"والذى يعني يجب أن تقرأ كـ"كتابات صوتية"وليس كـ"كتابات تصويرية"
-الخط الهيراطيقي هو الخط الكهنوتي بيستخدمه الكهنة 👇

15-لتدوين النصوص الدينية أوراق البردي ويعد تبسيطاً للخط الهيروغليفي.
-الخط الديموطيقي هو"الشعبي"مبسط من الهيراطيقي وبدأ استخدامه في القرن الثامن قبل الميلاد لتسجيل المعاملات المدنية والعقود التجارية والمراسيم الحكومية.
👇

16-الخط القبطي هو "المصري" فقد كُتبت فيه اللغة المصرية بالأحرف اليونانية مضافًا إليها سبع علامات من الكتابة المصرية القديمة في شكلها الديموطيقي والتي لم يتوفر نطقها في الحروف اليونانية.
هنلاقي الفاظ الديموطيقي والقبطي موجودين مرتين مرة كمرحلة ومرة كأسم للخط المصاحب للمرحلة دي👇

17-وفي بداية العصر البطلمي مثلا كانوا كلهم موجودين مع بعض فنلاقي علي الحجر نص مكتوب بالهيروغليفي في فيلة مثلا وعلي بردية مكتوب بالهيراطيقي ومعاملة تجارية بالديموطيقي بعد كده بالذات في الشمال كل الأوراق الرسمية حتبقي باليوناني وجواب مكتوب بالقبطي. 😀👇

18-ثالثا بقي عرفنا برضه ازاي الحروف والكلمات دي بتتنطق ازاي؟ علشان نعرف نقولها؟ استند علماء اللغة علي حاجتين أساسيتين أولا وأهمهم هو نطق الكتابة القبطية اللي لسة عايشة في الكنيسة المصرية ومش لغة ميتة.
طيب هو بالظبط كان كده؟ لأ طبعا أي لغة في العالم بتتطور في الصرف والنحو والصوت👇

19-وبيطلع منها لهجات مختلفة والقبطي له خمس لهجات أساسية وبعض اللهجات الأقل تداول، اعتمد علماء اللغة علي اللهجتين البحري(في الكتب الإنجليزي كمان بيقولوا عليا ميميفيت نسبة لممفيس) واللهجة الصعيدي (في الكتب الإنجليزي بيقولوا عليها ثيبيت نسبة لسيبيس أو طيبة أوالأقصر). 👇

20-وزي ما قلنا ان أكبر مشكلة كانت بتواجه علماء اللغة هي ان المصريين القدماء في كل الخطوط دي ما كانوش بيكتبوا حروف الحركة(a,e,i,o,u)فلجاوا للحروف الصوتية أخيرا هل ده بيحصل من زمان؟ في مجتمع المتخصصين والباحثين والاكاديمين طبعا بيحصل وفي استعمال شائع بين دارسي المصريات 👇

21-وهو التعبير بالحروف اللاتينية عن أصوات الكلمات للخط الهيروغليفي او القيمة الصوتية أو الترجمة الصوتية أو الدلالة الصوتية.
في الحياة العادية محبي الحضارة المصرية أو كمان المهتمين بالديانة المصرية القديمة استخدموا العلم ده وفي قواميس مشهورة وكتير لأعادة نطق الترانيم والاناشيد 👇

22-وفي بعض الأحيان كمان تسجيلها، يعني ممكن تجيب نشيد معين من كتاب الموتي .
المتخصصين في اللغة المصرية عندهم إجابات أكثر دقة وأكثر تفاصيل.👇
بعض المراجع:
Gardiner, Alan H., “Egyptian Grammar, Being an Introduction to the Study of Hieroglyphs”, 1927 👇

23-Antonio Loprieno, “Ancient Egyptian: A Linguistic Introduction”, 1995
Carsten Peust, “Egyptian Phonology”, 1999
Bentley Layton, “A Coptic Grammar”, 2000 Antonio Loprieno, “Ancient Egyptian and Coptic”, 2004 James P. Allen, “The Ancient Egyptian Language”, 2013

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد