في كل فترة لم موضوع التحرش ده يتفتح بكون نفسي امووت بس والحاجات الحصلت لي بحس بيها كأنها امبارح ما ليها سنين ف هسي حاتشجع واحكي لأنه أسوأ شي في الوجود تحرش الاقارب ، قبل ٩ سنين لمن كنت ممتحنه ثامنه عمري كان 14 ف عمي كان ساكن معانا اتحرش بي وانا نايمه اول م صحيت لقيتو من فوق لي
وانا مستحيل اوصف موقفي باي كلمه لانه م بتوصف نهائي بس انا اشجع انسانه في الوجود واشجع طفله والله العظيم طوالي كوركت فيو ودقيتو وده كان اسوء يوم ليو في حياته مشيت ضربت لماما تلفون وكلمتها وقالت لي صحي اخوك سريع كلميو وهو كان بترجاني م اكلم زول الحمدلله انه اخواتي كانو جمبي
قبل م نصحي اخوي مسحنا بيو الارض وهو الكلب الوسخ الحقير يترجى ويكذب وبينكر كان بيكذب بيقول لي عاوز اشيل حاجه من السرير وهو كذاب شنو اصلا عندك في غرفتنا ي حقير الله يخسف بيك الارض محل م قاعد هسي ، انا والله قويت قلبي وصحيت اخوي م عارفه كيف لكن ده كان اشجع شي عملتو في حياتي
لمن صحيت اخوي هو كان جرا واختفى والله بس ربنا كان معاي اخوي فتش عليو ف الحله م لقاو ف النهايه لقاو ف السطوح والله العظيم اخوي دقاو دق في الدنيا دي ياخواني والله العظيم انا ربنا نصرني وقتي والله العظيم انصفني في اقل من نص يوم ده كله عشان م سكت
لمن بابا رجع من الشغل طوالي ماما كلمته صلاة الصبح بابا جا صحاني قال لي بس كلمتين ( عمل ليك شنو ) وريتو انه صحيت لقيتو من فوق لي ، هو الوسخ كان متخيل انه حيطلعوني كذابه وم حيصدقوني عشان كده بيت ف السطوح متخيل اخوهو حيقول ليو انت اخوي م بتعمل كده ، لكن قد حصل عكس م هو متوقع
بابا مشى دقاو وطردو من البيت وقال ليو تاني م تعتب باب بيتي ، ممكن ناس م يصدقو لكن الحمدلله انه اهلي كانو معاي دائما وابداً ، طبعا الموضوع عمل مشكله ف العيلة واعمامي وعماتي طلعوني كذابه وجو جوه بيتنا شاكلوني وقالو لي انتي كذابه بس انا والله وقوف بابا جمبي اداني قوه اني ارد واردح
الله ينتقم من اعمامي وعماتي واهل ابوي وين ما كانو الله يخسف بيهم الارض كلهم قالو لي انتي كذابه حتى عماتي كذبوني تقول م عندهم بنات ، قلت ليهم كذبوني لحدي م تلقوهو بغتصب في بناتكم ، والله بابا ربنا شافه واداه عمر جاتو كومة سكري من المشاكل والجوطة الفعليه كانت حاصلة
ده كله بسبب انه مشى الجامع وحلف بالمصحف كذذذذذذذذذب قدام الناس حلف كذذذذذذذب انا اصلا ما عافيه ليو حقي لا دنيا لا اخره نهائي ويوم القيامه نتقابل قدام ربنا ، جدي الله يرحمه كان بنبذني وبتف لي في وشي وبابا كان بيدافع عني بكل القوه الفي الدنيا دي انا فخوره اني بنته والله بدونه
كنت حاضيع وبالجد ربنا يعوضه اهل غير اهله ديل ف الجنه ، بدعي ربنا انه يخلي لينا ويديو الصحه والعافية ، المهم الما بتسمى ده طردوهو بره الولايه كلو كلو ومن المشكله ديك لا هو لا اهلي لا عماتي لا غيرهم بقدرو يفتحو خشمو ويقلو ادبهم علينا لانه طوالي بطرشهم حتى حبوبتي كنت مستعده اطردها
لمن ولدها يجيها عندنا ، لانها كانت بتدافع ليو دفاع مستميت ، انا فخوره من نفسي وانا شجاعه شديد انا قدرت اني افضحه في العيله كلها المريض الوسخ الله يلعنه ويغطس حجره للابد لحدي اللحظه دي بعد كل السنين دي انا برجف وببكي لمن اتذكر الحاجه دي وحسبي الله في كل متحرش ومغتصب
وبالجد بالجد الحمدلله انه بابا كان جمبي وناس بيتنا جمبي بغض النظر عن الاقارب الما بتسمو ، طول السنين الفاتت دي مصرحه ليهم بكرهييي الشديد ليهم وانا متاكده انه بيأذو فيني بطرق مختلفه ، لكن انا معاي بابا واخواني واهل امي ❤️
م تخافو يا بنات ما تخافو ما تخافو ما تخافو
م تخافو يا بنات ما تخافو ما تخافو ما تخافو
قد يحصل انه تصارعو حاجات كتيره لكن ربنا معانا والله وم بيظلمنا لشويه عرر وبطاله ربنا حيفضحهم حيفضحهم ومستحيل يموتو وهم م مفضوحين
بس انتو البديتوهو تموهو وم تخااااااافووووووو م تخافو والله هم اجبن مخلوقات الله ومريضين نفسياً بينكرو وبيكذبو وبصدقو كذبتهم وبعيشو عليها
بس انتو البديتوهو تموهو وم تخااااااافووووووو م تخافو والله هم اجبن مخلوقات الله ومريضين نفسياً بينكرو وبيكذبو وبصدقو كذبتهم وبعيشو عليها
بس حسبي الله ونعم الوكيل في اي مغتصب ومتحرش حسبي الله ونعم الوكيل
@rattibha please
جاري تحميل الاقتراحات...