نظرية دكتور محمد شحرور بانو القران يقصد باستخدام لفظ "البشر" السلالات السابقة من الانسان زي Neanderthals و Homo erectus الانقرضت .. و لفظ "الانسان" عشان يشير لي الانسان الحديث Homo sapien دي مخيفة عديل.
و انو سيدنا ادم كان مرحلة وسطية بين البشر و الانسان حصلت فيها عملية تكوين الوعي/الضمير الانساني عبر اختلاط السلالات دي لحدي وصلنا الانسان الحالي.
ملخص تفسيرو حسب فهمي هو
١- البشر كانو حيوانات عايشين في الارض لقرون و في سلالات منهم بتتحور بطرق مختلفة و متفرعة و احيانا متتابعة. ( مثلا الhomo habilis و ال homo erectus).
٢- نفخ الروح في احد البشر هو الحدث البدأ النقلة للانسان.. و البشري النفخة فيهو الروح هو المقصود به ادم.
١- البشر كانو حيوانات عايشين في الارض لقرون و في سلالات منهم بتتحور بطرق مختلفة و متفرعة و احيانا متتابعة. ( مثلا الhomo habilis و ال homo erectus).
٢- نفخ الروح في احد البشر هو الحدث البدأ النقلة للانسان.. و البشري النفخة فيهو الروح هو المقصود به ادم.
٣- اول مميزات ادم كانت الكلام و هنا المقصود بوادر تكوين لغة مش قدرتو على اصدار اصوات. و دليل شحرور من القران هو معرفة ادم لاسماء الاشياء و ذهول الملائكة من الحاجة دي.
٤- المقصود بالجنة الكان عايش فيها ادم هو غياب الوعي و ادراك الذات مش انو كان في جنة الخلد البعد الحياة...
٤- المقصود بالجنة الكان عايش فيها ادم هو غياب الوعي و ادراك الذات مش انو كان في جنة الخلد البعد الحياة...
يعني النزول المذكور في القران من الجنة للارض مقصود به الانتقال من الحيوانيه/العيش الغريزي لي ادراك الذات و تكوين الضمير.
دليل شحرور انو "الجنة" العايش فيها ادم كانت مكان في الارض فيهو الاشجار فقط وليست جنة الخلد .. هو قصة اغواء الشيطان بالشجرة في الاية (فوسوس إليه الشيطان قال يا آدم هل أدلك على شجرة الخلد وملك لا يبلى) .. الشيطان و عد ادم بالخلد و الملك وديل شيئين موجودين اصلا في جنة الخلد.
رغبة ادم بالخلد معناها بيعرف الموت، يعني شاف بشر ثانين ماتو قبلو. و الملك كلمة كبيرة لكن بتحتمل تملك المصادر الاكل/القوة او المكانة الاجتماعية وكلها حاجات موجودة في السلوك الحيواني.
٥- قصة الشجرة و الشيطان كانت درس لي ادم عن التحكم بالذات و النهي. اول الدروس البيتعملها اي طفل..
٥- قصة الشجرة و الشيطان كانت درس لي ادم عن التحكم بالذات و النهي. اول الدروس البيتعملها اي طفل..
٦- الدليل العلمي البيدعم شحرور انو ادم كان سابق للانسان الحديث و ليس منه.. اكتشاف طلع سنة ٢٠٢٠ انو سلالة الNeanderthal من البشر كانو بيدفنو موتاهم .. ودي من اوائل الطقوس الروحية الاتعلمتها سلالة ادم و ذكرت اول ممارسة ليها في القران بقصة ابني ادم و الغراب
sciencedaily.com
sciencedaily.com
ده ما بيعني انو ادم ولا ابنائو بالضرورة كانو Neanderthals لانو احتمال في سلالة قبله اتعملت دفن الموتى لكن بيثبت انو ادم سبقهم او منهم بس.
و بالمناسبة انسان الـNeanderthals انقرض في الارض و لكن لفترة زمنية قصيرة عاش بنفس الوقت مع الانسان الحديث homosapien و اتزاوج معاهو كمان!..
و بالمناسبة انسان الـNeanderthals انقرض في الارض و لكن لفترة زمنية قصيرة عاش بنفس الوقت مع الانسان الحديث homosapien و اتزاوج معاهو كمان!..
نحنا البشر الحاليين في الارض (انا و انته) ٢٪ من الحمض النووي بتاعنا بيتشارك مع انسان الـNeanderthals مع انو كان من سلالة اخرى من البشر.
٧- اخر نقطة حاذكرها في النظرية انو خلافة ادم في الأرض بدأت من نفخ الروح فيهو .. و قلنا انو ادم كان واحد من البشر فبالتالي كان حي اصلا..
٧- اخر نقطة حاذكرها في النظرية انو خلافة ادم في الأرض بدأت من نفخ الروح فيهو .. و قلنا انو ادم كان واحد من البشر فبالتالي كان حي اصلا..
..ده يعني انو الروح لا تعني الحياة. الروح حسب شحرور هي التدخل الالهي و تشمل التعليم و التنزيل حسب ذكرها في القران لكنها ما بتعني الحياة، و غياب الروح لا يعني الموت. الشيء البيؤدي غيابو للموت هو النفس و وجودها للحياة.
ادم لم يكن اول بشري حي و لكن كان بداية الانسانية.
النهاية
ادم لم يكن اول بشري حي و لكن كان بداية الانسانية.
النهاية
المصدر هو كتاب د. محمد شحرور
"القصص القراني : مدخل إلى القصص و قصة ادم".
هنا ممكن تلقو مقاطع منو كمقالات 👇🏾
"القصص القراني : مدخل إلى القصص و قصة ادم".
هنا ممكن تلقو مقاطع منو كمقالات 👇🏾
جاري تحميل الاقتراحات...