رتبها

هاي سهرانة وما حيجيني النوم فحاكتب عن الترددات وتأثيرها على الطاقة بطريقة علمية يب علمية انتظروا شوي وبتفهموا قصدي 😎

بالبداية كلنا نعرف انه الطاقة مصدرها الروح ومترجمها العقل ليش؟ لانه الطاقة تترجم على افكار وافعال وهذي الافكار والافعال تنتج عن نشاط خلايا الدماغ العصبية. فلما نبغى نشمي تتفعل منطقة معينة من الدماغ يصير فيها نشاط خلايا عصبية تفرز هرمونات معينة وانزيمات تتفاعل مع الاعصاب فنمشي

فزي ما قلت فوق كل قسم من الدماغ له وظيفة معينة يعمل كردة فعل على محيطك مثلاً قرصتك نحلة سيعمل جزء الألم ونتيجة نشاط الخلايا العصبية هناك ستشعر بالألم وهكذا. وهذا الشي مرة مهم لانه حسب المنطقة اللي تتفعل بتتكون افكارنا وافعالنا.

طيب عاي اساس تتفاعل خلايا المخ؟ عاساس احداث الطفولة، كمثال شخص كانت امه تطرق خشب الطاولة قبل عقابه باي وقت يسمع طرق الخشب وهو بالغ سيرتبك، من كانت بيئة طفولته مليئة بالصراخ والجدال سيرتاح لموسيقى الروك لانها تمثل منطقة راحته الصوت العالي بدون خوف لانه مافيه احد يتضارب مجرد ضوضاء.

ملاحظة بسيطة جدا مش كل اللي يحبوا الروك كانوا عايشين ببيئات سيئة ممكن كانوا عايشين حوالين ناس يحبوا الروك🌝 المهم نتيجة لهذه التفاعلات حتنتج عندنا انزيمات تنتج عنها المشاعر. هنا عرفنا انه مشاعرنا هي نتيجة تفاعلات مهما مع محيطه حسب برمجة عقلنا الناتجة عن الطفولة.

طيب نجي للجزء الثاني وهو تأثير الموجات الصوتية حولنا. الموسيقى اكبر دليل حقيقي ملموس على تأثير الموجات الصوتية على الدماغ فمقطوعة معينة تخلينا نبكي حزنًا واخرى نرقص فرحًا بدون اي كلمات. لان الدماغ يتفاعل مع هذه الموجات حسب ترددها وبناءً على هذه التفاعلات تنتج الانزيمات والمشاعر.

الموسيقى هي موجات صوتية بترددات مسموعة الانسان البالغ يسمع 15-17 هرتز الترددات العالية او المنخفضة جدًا قد تقتل الانسان وفيه دراسات كثير عن هذا الموضوع لانه خطير جدًا. إذًا الموجات الصوتية سواءً كانت بترددات مسموعة او غير مسموعة تأثر علينا.

لكن ما تأثير الترددات الغير مسموعة بالحد المعقول تقريبًا 0.5-50 هرتز؟ هذه الترددات اثبت علميًا انها تساعد على نوم الانسان وتركيزه واسترخاءه والصدمة ثقته بنفسه. فالدراسات اثبتت ان ترددات بيتا تساعد الانسان على الاسترخاء وترددات الفا تزيد قلقه.

الدراسات فقط ركزت على تأثير الترددات الصوتية على مستوى القلق بهدف علاج متلازمة القلق المرضي anxiety لكن خلونا نستنج من هذه الدراسات تأثيرها على ثقتنا وكمان أفكارنا. مجالنا الطاقي طبيعي يتأثر لانه هو مجال كهرومغناطيسي فطبيعي تأثر عليه الترددات بجميع انواعها لكن عقلنا وافكاره؟

وبكذا نستنج اننا لما نسمع الترددات بنقدر ناثر على مستوى تفاعلات مخنا اللي بينتج عنه انزيمات تاثر على مشاعرنا اللي بدورها تأثر على أفكارنا ومع تغير افكارنا بشكل كافي بتتغير أفعالنا وبتغير افعالنا حتتغير حياتنا عشان كذا دائما نقول لكم انه الترددات مش سحر لازم تركزوا على افكاركم.