ربنا يرحمه المخرج حاتم علي .. مخرج مسلسل عمر .. اشتغلت معاه على مسلسل تاريخي قبل وفاته بساعات.. كنا بنحضر الاسلحة بتاعت المسلسل في ٤ شهور لوحدها عشان نوصل لأصح شكل
وكانوا بيحضروا قبل ما انضم ليهم بسنة كاملة
وفي مرة كنا بنتفرج على عربات جر وعربات نقل خشبية .. (يتبع)
وكانوا بيحضروا قبل ما انضم ليهم بسنة كاملة
وفي مرة كنا بنتفرج على عربات جر وعربات نقل خشبية .. (يتبع)
..كان بيقولي بص على الخشب ده كده وفتح صورة وقالي زمن المسلسل ده المسامير فيه كانت دَق مش لَف مكانش فيه مسامير بتتلف.. واتصلت بالمراجعين التاريخين واتاكدت .. بصيتله وعرفت انه عايز يعمل شغل متقن مش فارقه يلحق رمضان ده ولا رمضان اللي بعده .. ( يتبع٢)
للاسف احنا كل سنة بنتفاجئ ان رمضان فاضل عليه ٤ شهور ويلا نصور مع ان رمضان معاده معروف .. والعمل القوي مش مستني رمضان .. انا كنت شغال في عمل وكان المؤلفين قاعدين في اللوكيشن بيكتبوا العمل واحنا بنصور .. المشاهد بتتكتب على الهوا .. انت متخيل كَم الكروَتة والتعبئة !!! (يتبع٣)
كنت قولت في تويتة قبل كده إن دي اسوأ 10 سنين فنية بتعدي على مصر .. عاجبنا افلام بره بس مش هنعرف نعملها .. عاجبنا نتفلكس بس مش هنعمل زيه .. مع اننا ممكن نعمل زيه عادي .. شوية اتقان وفن وفلوس وكفاءات .. مش عايزين نتقن والاختيار بالارخص والانجز والمعارف والشللية والصحاب والعيلة ..
الممثلين اللي بجد مبيشتغلوش والمواهب في البيت والمُدعين شغالين (بدون تعميم)
ومفيش تنوع في الانتاج .. معقول بلد بحجم مصر شركة انتاج واحدة هي اللي بتنتج كل حاجة تقريبا !!! الفترة دي كمان 20 سنة هتبقى حاجة بنتكسف منها زي افلام المقاولات كده.. حتى السيناريوهات في قمة ضعفها (يتبع)
ومفيش تنوع في الانتاج .. معقول بلد بحجم مصر شركة انتاج واحدة هي اللي بتنتج كل حاجة تقريبا !!! الفترة دي كمان 20 سنة هتبقى حاجة بنتكسف منها زي افلام المقاولات كده.. حتى السيناريوهات في قمة ضعفها (يتبع)
لو في حاجة محتاجة تتطور في مصر بلد الفن فعلا .. هي الفن السينما والتلفزيون والاذاعة واللي فيهم .. المشاهدين بقوا واعيين اكتر والعالم اتفتح اكتر .. واحنا لسه بنعمل مسلسلات لاتنين قاعدين بيكلموا بعض شوت واسع وشوتين كلوز وخش على المشهد اللي بعده وياريت الورق قوي .. الاغلب مهلهل....
وللناس اللي مش فاهمه الموضوع اوي .. بلاش تتخدعوا بالبروموهات مع العلم ان البروموهات كلها شبه بعض صوت وصورة ونفس الفكرة ونفس ميكس الصوت ونفس الايفيكتس حتى .. راجعوا كده بروموهات ال١٠ سنين اللي فاتوا !! (يتبع)
الثريد ده مش تقليل من حد ولكن اغلب اللي شغال في الميديا شغال عشان ميقعدش في البيت .. واحنا عندنا طاقات جبارة وممثلين ومخرجين ومواهب عظماء بس المشكلة في النظام اللي احنا بقينا شغالين بيه .. واكبر مثال على كلامي رمضان الجاي مثلا ٢٠٢١ .( يتبع)
هتلاقي مسلسلين بالكتير هما اللي طلعت بيهم.. مثلا مسلسل لعبة نيوتن بيتعمل من ٣ سنين باتقان ومخرجه (تامر محسن) فاهم مش مجرد بيصور ٢ بيكلموا بعض .. تركيز في التفاصيل .. ورق ممسوك .. قصة وايقاع مشدودين (انا مش شغال فيه عشان متقولوش بيطبل) .. يتبع
للاسف محدش هيفتكر غير مسلسلين وفيلم وكام اغنيه كل سنة.. من ضمن كل الانتاجات الكتير والفلوس الكتير اللي بتتصرف دي .. يارب نصلح من نفسنا ونعترف باننا بناكل عيش مبنعملش فن بجد ينافس زي زمان والناس تتعلم منه ويأرخ اللحظة والزمن والمكان .. متنسوش احنا من الاوائل في السينما في العالم
اتفضلوا
كمان 😏
جاري تحميل الاقتراحات...