الخرفان هيموتوا من الغيظ وعندهم حالة حرقان وشياط في اللية من ساعة ما شافوا العالم كله بيهني مصر بنجاحها في انهاء أزمة السفينة «إيفرجيفن» اللي كانت جانحة في القناة في أيام معدودة ، وهو وقت قياسي بالنظر لحقيقة ان مراكز الخبرة وشركات الانقاذ الدولية المتخصصة قدرت ان الأزمة دي 👇
محتاجة عدة أسابيع لانهائها وليس عدة أيام واللي غاظهم أكتر وخلّى الحقد والغل يشتعلوا وياكلوا قلوبهم المليئة بالكره والسواد ان الانجاز التاريخي ده تم بأيادي وخبرات ومجهودات مصرية دون الاستعانة بأساطيل دول أجنبية عظمى كالولايات المتحدة اللي بالفعل عرضت المساعدة بأسطولها ومعداتها 👇
انهاء تلك الأزمة ، فراحوا ينبشون في تفاصيل المشهد ويبحثوا عن أي حاجة تشفي غليلهم ، ووجدوا ما أعتقدوا أنها ضالتهم المنشودة في خبر استعانة الشركة المالكة للسفينة بكراكة هولندية مملوكة لشركة «بوسكاليس» لأعمال البنية التحتية والانقاذ البحري ، في اليوم الأخير للأزمة ، فقالك مصر فشلت👇
في حل الأزمة وماعملتش حاجة ، دي #الشركة_الهولندية هي اللي نجحت وأنجزت المهمة ، لكن المصريين بيحبوا ياخدوا اللقطة وينسبوا الانجاز لنفسهم وللنظام .. بدليل ان شركة «بوسكاليس» نزلت بيان على موقعها بيحتفل بنجاحها في تعويم السفينة وانهاء الأزمة 👇
ورغم ان الكلام ده ما يستاهلش عناء الرد عليه ، لكن عشان بعض الناس اللي المفروض انهم مننا بس دايما بنلاقيهم مهزوزين ومذبذبين وكلمة توديهم وكلمة تجيبهم ، فهنرد على الهراء ده في عدة نقاط 👇
كلنا شوفنا عشرات العمال والمعدات على مدرا عدة أيام في موقع الأزمة طوال فترة حدوثها ، وشوفنا وشوش المهندسين والفنيين والعمال وفرحتهم بانتهاءها ، وسبحان الله مكانش فيهم ولا واحد شكله هولندي ولا بيتكلم هولندي، ولا حتى متصور جنب علبة سمنة هولندي،، بل كانوا كلهم مصريين من ولادنا 👇
السُمر الشداد ، فيا ترى أين كان الخبراء والفنيين الهولنديين طوال تلك الفترة، ولماذا لم يظهر مخلوق هولندي أو حتى علبة سمنة هولندي في أي صورة من المشهد ؟ 👇
هي الكراكة «مشهور» اللي اسمها على اسم رئيس هيئة قناة السويس الأسبق المهندس الراحل «مشهور أحمد مشهور» واللي قامت بكل أعمال التكريكك (الحفر وتفتيت التربة وإزالة وشفط الرمال من تحت الماء) طوال فترة الأزمة ، الكراكة دي كراكة مصرية واللا هولندية ؟👇
طاب والقاطرات «بركة -1» و«عبد الحميد عزت» و10 قاطرات تانية كلها بأسامي مصرية ومملوكة لهيئة القناة ،، يا ترى دي كلها معدات مصرية واللا هولندية ؟؟ 👇
البطل الحقيقي والسبب الأساسي في إنجاز تلك المهمة كانت الكراكة المصرية «مشهور» اللي قامت بتكريك وسحب أكتر من 30 ألف متر مكعب من الرمال والأحجار من تحت جسم السفينة ، وأعمال التكريك دي كانت العامل الأساسي في حلحلة السفينة، ثم جاءت الـ 14 قاطرة مصرية وأكملت المهمة بدفعها وتعويمها 👇
وللانصاف فان الشركة الهولندية ساعدت فعلا ، ولكن مساعدتها جاءت متأخرة جدا ، بعد احنا ما كنا خلصنا حفر وخلخلة للتربة تحت السفينة ، وطبعا كل المحاولات اللي قمنا بيها قبل كده كانت في انتظار وصول حالة المد البحري لأقصاها باكتمال القمر بدرا ليلة أمس لإنجاحها 👇
فخلاصة الكلام يعني حتي لو القاطرة الهولندية ماجتش كانت السفينة هتتسحب بقاطراتنا المصرية 👇
الشركة الهولندية نزلت فعلا بيان على موقعها بتحتفل فيه بنجاحها في تعويم السفينة ، ودا أسلوب معروف بين الشركات لما تحب تعمل دعاية لنفسها في السوق ، ودا مش عيب على فكرة ولا حد يقدر يلومها ..إذا كانت شركات مثل شركة «مرسيدس» صاحبة اللودر الصغير اللي الناس كلها اتريقت على منظره 👇
وهو بيحفر على الشاطئ لقيتها فرصة للدعاية لنفسها ولمعداتها ، وإذا كان حتى مطعم «برجر كينج» الأمريكي استغل الحادثة في الدعاية للساندوتشات بتاعته ، يبقى مش عايزين الشركة الهولندية اللي استدعتها الشركة مالكة السفينة تستغل الحادثة التاريخية دي وتعمل دعاية لنفسها ؟!! 👇
● وعلى فكرة، «الشركة الهولندية» دي اللي الخرفان بيقولوا انها صاحبة الانجاز ، هي نفسها اللي صرحت قبل نجاح عملية التعويم بأن العملية ستستغرق عدة أسابيع ، يعني لو كان ليهم دور حقيقي وكنا مشينا على حساباتهم كان زماننا لسه قاعدين بنتفرج على السفينة وهي غارسه في الرمل 👇
بالمناسبة ، هو «الاتحاد الأوروبي» اللي الشركة الهولندية دي احدى شركاته ودولتها «هولندا» تبقى احدى دوله ، يا ترى ليه شكر «مـصــر» لوحدها، بل ووصف الانجاز المصري ده بأنه عمل مثير للإعجاب ؟ مش كان الأولى يشكر ويفتخر بـ «هولندا» اللي هي احدى دوله ويهنيها بالانجاز ده بدلا من مصر 👇
بالمناسبة برضه ، يا تري السفارة الأمريكية بالقاهرة هنأت مصر ليه هي كمان ولم توجه التهنئة دي لهولندا ولا لشركة «بوساكليس» ؟
ولأن الشئ بالشئ يُذكر يا ترى الشركة مالكة السفينة اللي تسببت في الأزمة دي كلها ، الشركة دي هي كمان ليه وجهت الشكر لإدارة القناة في خطاب رسمي فور انتهائها ؟👇
ولأن الشئ بالشئ يُذكر يا ترى الشركة مالكة السفينة اللي تسببت في الأزمة دي كلها ، الشركة دي هي كمان ليه وجهت الشكر لإدارة القناة في خطاب رسمي فور انتهائها ؟👇
الخلاصه، ماتخلوش حد يسرق فرحتكوا .. مرضى الدونية و اللجان الإلكترونية اللي انتوا عارفينهم هو ده دورهم ، وهي دي منطقتهم اللي بيحاولوا يسحبوكم ليها كل مرة ،، وانا متأكد أنه لو القناة فضلت متعطلة شهرين واللا حتى سنتين وفي وجود عشرين قاطرة هولندية مش قاطرة واحدة ، كانوا برضه 👇
هيولولوا ويقولوا ان ده فشل لمصر في تعويم السفينة (مش فشل هولندا ) ..👇
العملية تمت بشكل كامل بمعدات و أيادي و عقول مصرية ... القاطرة الهولندية كانت قاطرة واحدة من إجمالي 14 قاطرة ساعدوا في تعويم السفينة ، والسبب الرئيسي لإعادة تعويم السفينة هو عمليات الحفر اللي تمت عند المقدمة بواسطة الكراكة المصرية «مشهور» وأخواتها بعد دراسة محترفة و معقدة 👇
بتكريك أكتر من 30 ألف متر مكعب رمال و على عمق 18 متر ، وكل ده تم بتخطيط وتنفيذ العقول و السواعد المصرية .
نقطة ومن أول السطر .
*** منقول عن الدكتور محمد حافظ FB ***
نقطة ومن أول السطر .
*** منقول عن الدكتور محمد حافظ FB ***
جاري تحميل الاقتراحات...