انا هكتب شوية تويتات على كم الهجوم المرعب على ازاي احنا في مصر لازم نكون مصريين وبس: ١. مصر بسبب موقعها الجغرافي منذ نشأة العالم كانت مكان عدا عليه الهجرات الكتير من شرق افريقيا حيث ان علماء الأثار اكتشفوا لوسي اللي بيتقال انهاردة انها غالباً اقدم انسان عثر عليه في الحفريات - ١
قبل قيام الدولة المصرية غالباً في ٣٢٠٠ ق.م. الل بنؤرخها حسب لوحة نارمر كان بيعيش في مصر بعد الثقافات او القبائل زي البداري، ونقادة، ومريمدة بني سلامة، والفيوم، والمعادي، وبنعرفهم من اشكال الفخار والدفنات المختلفة -٢
لما قامت الدولة المصرية، انصهرت القبائل/الثقافات المختلفة ديه ولكن كان في اختلافات كتيرة مثلاً في اللغة المصرية القديمة زي مالنهاردة عندنا اللهجة الصعيدي واللهجة البحري وكدا، وكمان في افكار الديانة الرسمية كان عندنا هليوبوليس ومنف وهرموبوليس وطيبة وكذلك الفنون -٣
تواكب على مصر ثقافات كتير من خلال التجارة واحنا كنا كمان بنسافر برة مصر عشان التجارة زي يام في وسط وشرق افريقيا وسيناء عشان النحاس والفيروز وبيبلوس في لبنان عشان الخشب وافغانستان عشان اللابيس لازولي وبلاد بنت (اليمن او اثيوبيا واريتريا) - ٤
بعض*
غير كمان انه كان بيعيش في مصر قبائل مختلفة عن سكان وادي النيل زي البدو واللي المصريين كانوا بيسموهم شاسو وكمان ناحية شرق الدلتا بسبب التجارة مع اسيا الصغرى كان في قبائل منهم عايشين في المنقطة، وجنوباً كانت النوبة تحت الحكم المصري ويمثلوا جزء مهم من الجيش لأنهم كانوا رماة سهام - 5
ده اكبر دليل ان النوبيين كانوا مصريين لأنهم كانوا جنود في الجيش المصري من وده موثق على جدران المعابد وحتى من الدولة الوسطى بنلاقي ادلة ليهم في مقبرة ترجع للأسرة ال١١ في أسيوط، والنوبة كان اسمها بالمصري القديم تا ستي يعني ارض القوس عشان شطارتهم في رمي السهم في الحرب - ٦
وحتى اسم نوب يعني دهب بسبب مناجم الذهب اللي موجودة في المنطقة اللي المصريين القدماء اكتشفوها فيها واحنا عايشين في خيرها لحد انهاردة، ولو تشوفوا لوجو البنك الاهلي مكتوب بيت الدهب بر نوب - ٧
بيجي في اواخر الدولة الوسطى بنشوف على قبائل بتدخل مصر هيئتها ولبسها مختلف مرسومين على مقابر في بني حسن في المنيا زيهم زي شعوب كنعان وناس كتير بتحاول تدلل انهم كانوا شعب بني اسرائيل وقت سيدنا يوسف وان كنت انا بختلف مع الرواية ديه لأن مفيش دليل اثري قوي - ٨
بيدخل مصر بقى الهكسوس في اخر الدولة الوسطى اللي اخر الحفائر في عاصمتهم اواريس في ال الضبعة في الشرقية ناس بتقول انهم دول همة شعب بني اسرائيل وناس تانية بتقول لأ دول جم من منطقة اناتوليا (تركيا) وكان اسمهم بالمصري القديم هكا خاسوت يعني اللي جايين من اماكن التلال - ٩
لحد انهاردة البحث الأثري مش قادر يجزم بالهوية الاثنية للهكسوس ولكن هويتهم الثقافية كانت غالباً من المنطقة التي يطلق عليها تاريخياً Levant وده بات في الاثار اللي خلفوها وراهم من فخار وعمارة وطرق دفن واكل واسلحة ولكن اثبتت الحفاير انهم ابتدوا يتمصروا في اخر حكمهم - ١٠
وده لان من خلال بعض العادات اللي تمصرت واتساب اثرها في بيوت ومقابر تل الضبعة واللي اثبتت ان كمان انهم اتجوزوا من مصريين وحتى في نظرية بتقول انه مكانش احتلال مرة واحدة في حرب ولكن القبائل اللي كانت عايشة في المنطقة وشغالة في التجارة مع اسيا الصغرى في وقت ضعف المملكة المصرية - ١١
الملوك المصريين الصعايدة من طيبة ابتدوا يحاربوا ملوك الهكسوس لحد ما انتصروا ورجعت تاني مصر اتوحدت تحت حكم ملك واحد، والمعارك معاهم كانت متتالية وفيها الملكة إياح حتب اخدت دبانات الشجاعة لأنها غالباً شاركت بنفسها في الهجمات - ١٢
اغلب حكام الهكسوس يا اتقتلوا يا هربوا لكن العائلات اللي كانت موجودة ومتجوزين من مصريين كملوا واندثرت ثقافتهم الي من اسيا الصغرى وتمصروا بشكل كامل خصوصاً في النهضة الكبيرة اللي قامت بيها مصر القديمة في الدولة الحديثة - ١٣
تادوخيبا على بال ماوصلت مصر كان امنحتب التالت كبر ومات اتجوزت اخناتون وفي كلام انها كانت الملكة كيا وظن بعض العلماء في اول القرن انها والدة توت عنخ امون ولكن تحليل الDNA توت عنخ امون نفى الموضوع ده واختفت مع موت اخناتون - ١٥
بعد الأسرة ١٩ وعصر الرعامسة بتنتهي الدولة الحديثة القوية لمصر وبندخل في العصر الانتقالي الثالث (الأسرات ٢١ لحد ٢٥) ودول اللي السجال وخناقة الأفروسنريكس لا زال داير عليهم وبيستعملوا في خناقة ان لليبيين حكموا مصر او الاثيوبيين حكموا مصر ونفضل نتخانق، والموضوع عايز شوية فهم - ١٦
في اول الأسرة ٢١، مصر بتتفكك سياسياً، وبيقوم بانحسي نائب الملك الكوشي بالهجوم على مصر من الجنوب ولكن بيصده بيانخي قائد الجيوش المصرية ولكن بنفقد سيطرتنا على بعض الأماكن زي جنوب مصر ومناجم الذهب - ١٧
بيبتدي يسيطر على الحكم بعد رمسيس الحادي عشر، سمندس (١٠٦٩-١٠٤٣ ق.م.) بيحكم مصر من الدلتا وبنى المقر في مدينة تانيس (صان الحجر) في الشرقية وبعد العلماء بيقولوا انه اتجوز تنامون من اسرة الرعامسة عشان يايد حكمة - ١٨
بيظل عبادة الإله أمون في الفترة ديه مستمرة وبيتبني معبد مهم للإله أمون في تانيس من بعض الأحجار اللي اتاخرت من برعمسيس اللي كانت اتبنت في ايام الرعامسة في الدلتا - ١٩
بيبتدي يسيطر على الحكم بعد رمسيس ١١، سمندس (١٠٦٩-١٠٤٣ ق.م.) بيحكم مصر من الدلتا وبنى المقر في مدينة تانيس (صان الحجر) في الشرقية وبعد العلماء بيقولوا انه اتجوز تنامون من اسرة الرعامسة عشان يايد حكمة - ١٨
بيظل عبادة الإله أمون في الفترة ديه مستمرة وبيتبني معبد مهم للإله أمون في تانيس من بعض الأحجار اللي اتاخرت من برعمسيس اللي كانت ابتنت في ايام الرعامسة في الدلتا - ١٩
ظل الملوك في الفترة ديه بيحكموا من منف، و عندنا في الوقت ده في اميرة مصرية اتجوزت امير في منطقة كنعان عكس اللي حصل وقت الملك أمنحتب الثالث اللي رفض يبعت اميرة مكان تادوخيبا - ٢٠
ابتدا في الصعيد يكون في حكام مهمين زي هريهور وبيانخ ووادي الملوك بطلوا يدفنوا فيه الملوك والعمال سابوا دير المدينة، المدينة العمالية الأشهر في مصر القديمة - ٢١
بعد وفاة سمندس والملك اللي ده بعده أمنمنميسو الكرسي لمصر الشمالي انضم للملك بسوسنس الأول ابن القائد بنتدجم الأول من طيبة، وبكدا خط طيبة رجع يحكم كل مصر، ولكن فضلت مصر تحت قلائل سياسية - ٢٢
في تقريباً ٩٨٤ ق.م. في اسرة جديدة استقلت بحكم مصر الشمالية أوسركون ابن قائد المشوش وشنق اللي من أصل ليبي (شمال افريقي)، وفضل خط الحكم في طيبة انه يتنازل لخط الحكم في الدلتا والكاهن الأكبر بسوسنس بعد كدا بقى بسوسنس التاني اخر حاكم للأسرة ٢١، - ٢٣
ازاي تحكم مصر اسرة من أصل ليبي (المشوش The Meshwesh) بالرغم من ان مرنبتاح ورمسيس التاني حاربوهم وكسبوا الحرب؟ ده كان بسبب انهم كانوا بيجيوا مصر ويستقروا في منطقة الدلتا من الغرب و تمصروا بشكل كبير حتى لو ان اصولهم كانت من شمال افريقيا - ٢٤
في حكم شوشنق ١ (٩٤٥-٩٢٤ ق.م.) الليبي الأصل، حاول انه يعيد الموقف السياسي لحكام الدولة الحديثة وانه يوحد مصر وعشان كدا حاول يعظم عبادة الاله أمون وخلى ابنه الكبير كاهم لأمون الأمير ايوبت والحكام اللي بعديه مشيوا على نفس المنوال - ٢٥
الملك شوشنق الاول الليبي الأصل حارب اعداء مصر في منطقة الLevant عشان يحاول يرجع هيبة الدولة اللي اتبعترت في اوائل الأسرة ٢١، وعندنا كتابة مهمة في معبد الكرنك عام ٩٢٥ ق.م. وتوثق الحدث ده - ٢٦
في الكتابة اللي على معبد الكرنك بتقول ان جيش الملك شوشنق الأول اللي هزم القبائل في كنعان كان مكون من ليبيين ومصريين ونوبيين، من أحل استعادة هيبة الدولة المصرية في المنطقة - ٢٧
في عصر الملك شوشنق الثالث ابتدا الحكم المصري يفك من قبضة الحاكم القوي وحكام للدلتا ابتدوا ينصبوا نفسهم ملوك لمناطقهم زي الملك بيدوباستس الأول (اول من قال مفيش حكومة انا الحكومة) - ٢٨
ومصر متفككة كدا، راح الحاكم النوبي بيي ابن كاشطا (٧٤٧ - ٧١٦ ٌق.م.) اخد زمام الأمور ووقف تفناخت حاكم سايس في الدلتا وطيبة موجهتش اي معارضة لأنهم غالباً كانوا زهقوا من الحكام الشماليين وكانوا عايزين حاكم من الجنوب - ٢٩
منف بقى هي اللي قفشت وقامت معركة كبيرة وكسبها بيي ورجع النوبا ومغيرش الوضع السياسي في مصر بشكل كبير، بعديه بعشر سنين جه واحد اسمه تفناخت حكم مصر وابتدا الاسرة ٢٤ من سايس في الدلتا، - ٣٠
جه في الوقت ده ابن الملك بيي اسمه شباكو (٧١٦-٧٠٢) جه برضه وخلى مصر تحت الحكم الكوشي وبكدا بدأ حكم الأسرة ٢٥ اللي عليها خناقة الافروسنتركس معانا كمصريين - ٣١
الممكلة الكوشية سابت مصر للحكم الذاتي، وعشان يرضوا المصريين ويتوحدوا معاهم ترسموا على المعابد اللي بنوها والتماثيل زي الملوك المصريين القدماء بالظبط وكان ليهم اماكن مميزة في مصر زي منف وطيبة - ٣٢
الكاهن الأكبر لأمون اللي كان موجود وكان الليبين بيؤدوا ولادهم يمسكوا عشان يكملوا احترامهم للديانة المصرية القديمة كمل والملوك الكوشيين كانوا بيبعتوا أميرات بينذروا نفسهم (مابيتجوزوش) للإله أمون - ٣٣
طبعاً كانوا بيعملوا كدا عشان مفيش اسرة من طيبة تلم الشمل ويكون في ايدها معبد امون وتعمل انقلاب عليهم، اشهر كاهنات واللي موجودين في معبد مدينة حابو همة شبنونبت وأمنرديس - ٣٤
في سنة ٦٦١ ق.م. تحت حكم الملك طهارقا الكوشي بيخسر الحرب ضد الملك اشوربانيبال اللي من منطقة أشور، اللي بيمشي الملك الكوشي ويرجع الحاكم الليبي في سايس في الدلتا كمسئول عن الحكم في مصر - ٣٥
في الفترة ديه الليبين (سكان شمال افريقيا: المشوش - الليبو) كانوا اكثر توغلاً جوا المجتمع المصري وحتى من انه من وقت الدولة الحديثة كان بيستعان بيهم في الجيش وفي البيروقراطية المصرية وعشان كدا كان فيهم جزء كبير محاربين جوا الجيش المصري - ٣٦
حتى تحت حكم الكوشيين كان الليبيين ليهم سلطة قوية داخل مصر وتزاوجوا ودخلوا كل المجتمع المصري في مدة حوالي ٤٠٠ سنة، يمكن عشان كدا انا كنت متعاطفة جداً مع هند صبري لأن ديه مش اول مرة يكون في علاقة قوية بين المصريين وبين سكان شمال افريقيا - ٣٧
الحكم الكوشي لمصر حتى واحنا كنا تحت الحكم الذاتي ولكن كنا نعتبر حامية كوشية كان تقريباً فترة وجيزة من ٧٥٠ - ٦٦٠ ق.م. وتداخلهم جوا المجتمع المصري كان اقل بكتير من الأسرة الليبية اللي حكمت مصر - ٣٨
حتى الكوشيين في مصر حاولوا يعملوا تماثيلهم زي ملوك الدولة القديمة عشان يحاولوا انهم يتمصروا بشكل كافي للمصريين، لأنهم كانوا عارفين ان مصر بتصهر الثقافات اللي حواليهم - ٣٩
ينتهي العصر الانتقالي الثالث بأن يبتدي العصر الصاوي او الأسرة ٢٦ على ايد الملك المصري أبسماتيك الأول ( ٦٦٤- ٦١٠ ق.م) اللي والده نيقاو الأول (٦٧٢-٦٦٤) كان حاكم سايس في الدلتا ويوحد مصر لحد الغزو الفارسي سنة ٥٢٥ - ٥٢٢ على ايد الملك قمبيز - ٤٠
بعديه العصر الصاوي بيكمل لحد الاسكندر الأكبر اللي بيجي من مقدونيا سنة ٣٣٢ ويبتدي العصر البطلمي وبعدين العصر الروماني ودول ان شاء الله نعمل ثريد مخصوص ليهم… - تمت
بعديهم ابتدت الدولة الحديثة اقوى دولة في التاريخ المصري القديم واللي ابتدت تنفتح من خلالها على العالم اللي حواليها بشكل اكبر من الدول السابقة - ١٤
الثريد ٤٠ تويتة للأخر
جاري تحميل الاقتراحات...