#ثريد_يزيد
بقولكم نصائح مهمه في اختيار المورد
-قد ماتقدر اختار مورد نفس ولاية شركة الشحن حقتك او قريب منها،عشان الشحن الداخلي يكون ارخصلك
-مورد يرد بسرعة،لان الرد المتأخر راح يتعبك كثير خصوصا لو دفعتله فلوس
-مورد تقدر تبني معاه علاقة طويلة ويقبل التفاوض، لان فيه بعضهم نفسيات😂

- قد مايقدر يحاول يحل مشكلتك واهميتك عنده تكون من اولوياته، لان فيه بعضهم من تدفعله خلاص يبدا يماطل ومايتجاوب معاك
- اذا قال خلنا نحكي واتساب عشان اسرع ، هنا ابعد عنه لان شات الموقع هو اللي يضمن حقك
- مورد يرد عليك برا وقت الدوام لان وقتنا غير عن وقتهم ، فهذا الشي بيريحك كثير

-مورد مختص فالشي اللي يبيعه ، يعني تكلم المصنع نفسه مب تكلم شركة تجارية
-تاكد عنده مخزون عالي ويقدر يوفره لك في اي وقت، لان احيان لو قررت تطلب بضاعة يمكن يتاخر عليك او التصنيع ياخذ وقت كثير، وهذا الشي بيخسرك كثير لو انت عندك خطة او جدول زمني ماشي عليه
-مورد يصورلك كل شي تطلبه

فالنهاية النصائح جدا كثيرة لكن هذي بعضها وقلت اشاركها معاكم تستفيدون
لكن نصيحتي لكم لاتستعجلون في اختيار المورد او شركة الشحن لان الاستعجال احيان راح يخسرك كثير
وتذكر التجارة استثمار طويل مب ربح سريع