اقولكم تجربتي مع الامراض والمعده والتهاب الاثنى عشر والسوسه اللي صارت لي خلال ال8 شهور الماضيه وكيف تغلبت عليها بأبسط الطرق ؟ ولا محد يبي 👀
في البدايه صلوا على النبي واذكروا الله
قبل لا ادخل بالموضوع كنت مدخن والحمدالله تركته من 8 شهور " الزبده هنا "
قبل لا ادخل بالموضوع كنت مدخن والحمدالله تركته من 8 شهور " الزبده هنا "
قبل 8 شهور تقريباً طالع من مقر عملي ومبسوط وانا راجع للبيت حسيت فيه شي متعلق بحلقي وكل شوي اسحب بلغم وكل ما اسحب احس اني بستفرغ وهنا بدا الموضوع معي ياخذ منحنى جدّي وبدت مخاوفي وتفكيري زاد اكثر واكثر بما اني مدخن طبعاً اول شي جاء في بالي انه سرطان الله يبعده عنا وعنكم يارب
وخفت حقيقه شوي وابكي وانا راجع للبيت حسيت انه خلاص فات الفوت بعد ايش ياسلطان بنص الطريق وقف الخط بسبب حادث بسيط وانا كنت بس ابي اوصل البيت وصرت من كثر التفكير بس استفرغ يمكن حدود 8 مرات استفرغت بالسياره
وصلت البيت واخذت شاور قلت يمكن اهداء شوي بس للاسف صار جسمي يعرق اكثر واكثر واحس فيه شي بحلقي لازال متعلق وصار ينبض على طول بكيت وقلت راحت عليك سلطان هذي فايده الدخان كليتها يالله وش بتسوي الحين !
⁃رحت المستشفى خاص على طول كشفوا علي قالو سليم بس انت متوتر قلت لا مو متوتر حلقي فيه شي اكشفوا صح
⁃قالو اذا مو متاكد روح مستشفى حكومي يكشفون من الف الى ياء وترتاح طبعاً مارحت للحكومي عشان انهم يطولون وانتظار وزحمه
⁃قالو اذا مو متاكد روح مستشفى حكومي يكشفون من الف الى ياء وترتاح طبعاً مارحت للحكومي عشان انهم يطولون وانتظار وزحمه
رحت لمستشفى خاص ثاني بالرياض وقالو نفس الحكايه مافيك شي لين جاء دكتور شوي كبير بالسن وقلت له اكشف على حلقي حسيت انه ثقه مدري ليه قال عندك التهاب بسيط بالحلق مايستدعي للقلق هنا انا مدري وش جاء ببالي وأكدت معلومته وان فيني سرطان الله يبعده عنا وعندكم يارب
⁃انهرت لدرجه اخوي وامي صاروا يحطوني بكرسي عشان ينقلوني من مكان لمكان
⁃مع العلاجات اللي صرفوها لي وغير الابر والمغذيات اللي مجملها في هذي الرحله 113 ابره دخلت جسمي بعد اسبوعين من المعاناه قالو اهلي انت يبي لك تغير جو ف قلت تم وين الوجه قالو الدمام قلت توكلنا على الله
⁃مع العلاجات اللي صرفوها لي وغير الابر والمغذيات اللي مجملها في هذي الرحله 113 ابره دخلت جسمي بعد اسبوعين من المعاناه قالو اهلي انت يبي لك تغير جو ف قلت تم وين الوجه قالو الدمام قلت توكلنا على الله
بعد ماوصلنا " طبعاً الفتره هذي ما اكل اي شي بس خس وشوي ماء " غصبت نفسي على العشاء وهنا حسيت اني اخطيت اكلت دجاج مقلي وصار البطن عندي فوق الحلق عذبني لدرجه انه شوي ويغمى علي رحت بعربيه لاقرب مستشفى اللي هو " مستشفى المانع بالخبر "
⁃وماقصروا معي من اسلوب وتوفير سرير ومريض خاص طبعاً على حسابي كل شي
⁃قالو عندك المعده ملتهبه وحلقك سليم " انا هنا بس ابي يقولون حلقك سليم لان بدايه المشكله فيه " وما ارتحت الوسواس لعب فيني طلعت من المستشفى واخدت شقه بالدور 5 قلت لو جاني أي الم راح اطب من الشباك وانتحر
⁃قالو عندك المعده ملتهبه وحلقك سليم " انا هنا بس ابي يقولون حلقك سليم لان بدايه المشكله فيه " وما ارتحت الوسواس لعب فيني طلعت من المستشفى واخدت شقه بالدور 5 قلت لو جاني أي الم راح اطب من الشباك وانتحر
وانهي حياتي كلها .. حسيت في الم بسيط واول ماقررت اني بنتحر وركضت للدرشيه امي مسكتني وعرفت الموضوع وقامت تبكي هنا انكسر قلبي وقعدت ابكي بحرقه مو قاعد اتحمل اللي قاعد يصير من وسواس السرطان والتهابات المعده " ما اخفيكم ان التهاب من المعده فكرته سرطان "
⁃قاعد افكر اقول ليش عايش رغم المرض بنتحر وخلاص
⁃مدري وش صار واغمى علي وصحيت من بكرا قالوا بنرجع الرياض ورجعنا من بكرا واول ماوصلت البيت نزلت اهلي كلهم وبس خليت امي معي وين الوجهه ؟ لدكتور يسوي عمليه منظار فوريه أيست من الحياه حرفياً رحت وسويتها وانا بنص العمليه الدكتور
⁃مدري وش صار واغمى علي وصحيت من بكرا قالوا بنرجع الرياض ورجعنا من بكرا واول ماوصلت البيت نزلت اهلي كلهم وبس خليت امي معي وين الوجهه ؟ لدكتور يسوي عمليه منظار فوريه أيست من الحياه حرفياً رحت وسويتها وانا بنص العمليه الدكتور
يده خفيفه لدرجه ما احس انه سوا شي مسكت منه اللّي اللي فيه كاميرا يدخله مع حلقي ويكشف بطني كامل مسكته ودخلته بزياده لدرجه انه خاف الدكتور وسحب اللي لين عطاني تخدير كامل وخلص شغله " كنت ما اشوف الا الموت يعني خلصنا بالعربي "
بعد ماصحيت قال كل شي فيك سليم الا ... انا يوم قال الا جتني دوخه حسبته سرطان بالحجره قلت ايش قال المعده فيه التهاب بالاثنى عشر قلت وحلقي طيب !!! قال سليم الحمدالله مافيه شي .. هنا مو بكيت مو انهرت قعدت عنده زي المجنون قاعد ابكي واسجد لربي شكر
مع العلاجات اللي لازلت اخذها باقي عندي مشكله الوسواس القهري اللي ماكنت اعرف انه وسواس الا قبل 3 ايام لما جاني شيخ للبيت يقرا علي قال مافيك لا عين ولا احد حاسدك بشي ولا سحر بس اللي فيك وسواس وحاول تتغلب عليه قلت كيف .... !
قال اول ماتفكر بشي سلبي اقلب التفكير على طول لشي إيجابي قلت معقوله هذا العلاج !! قال جرب اسبوع .. اخوكم بالله له يومين بس والحمدالله احس اني افضل من اول بسنين ضوئيه ولله الحمد
المغزى من الحادثه هذي لاتسلم نفسك للتفكير الزايد ولو كان وش مافيك
التفكير اقوى واشد من جميع امارض البدن والله يعافينا واياكم يارب ❤️
التفكير اقوى واشد من جميع امارض البدن والله يعافينا واياكم يارب ❤️
جاري تحميل الاقتراحات...