اللهم لك الحمد والشكر اخذت #لقاح_كورونا الثلاثاء واليوم الرابع الحمدلله يشكرون وزارة #الصحة على الجهد العظيم الي يسونه والتنظيم والترتيبات غير ان اخذ اللقاح مجاني ودول اخرى التطعيم بفلوس في هذا الثريد البسيط بتكلم عن تجربتي والاعراض وايش سويت
#ثريد
#سلسلة
#ثريد
#سلسلة
تجربتي كانت بسيطه جدا البعض يعتقد صعوبه في التسجيل والحجز ولكن انا حجزت موعد بكل سلاسه وسهوله من تطبيق صحتي خلال يومين تم الموعد ، طالما انك توافي شروط التطعيم الامور سهالات اهم شيء يكون وضعك مناسب لاخذ اللقاح وشروط اخذ اللقاح
(( ماعندك حساسية من مواد اللقاح ، ما جاك كورونا خلال ال90 يوم ، مافيك اعراض كورونا ، وايضا ما خالطت ناس فيهم كورونا )) هنا تقدر تسجل في تطبيق صحتي وتحجز موعد في حال عندك تسأل تواصل معهم بيعلمونك كل شيء يخص سؤالك
بالنسبة للاعراض هي مجرد تعب بسيط يوم الى 3 ايام والأعراض تختلف من شخص لاخر ولكن الاغلب ويكون صداع ارتفاع حراره ارهاق وتعب في الجسم ،، مسكنات للتعب والحراره وتروش بماء بارد وقت ارتفاع الحراره وكثر سوائل خاصه الماء وان شاء الله انك بخير وفي حال استمر التعب توجه للمركز الصحي
والحمدلله الان بخير ولله الحمد وانا هنا ما اتحدث عن وزارة الصحة ولا كطبيب اتكلم عن تجربتي الشخصيه ومن حولي الاهل كلهم مطعمين الحمدلله واتكلم من الي شفته واعطيكم الحاصل لان البعض متخوف او ماخذ فكره غلط عن اللقاح ، لكن اللقاح بيعطي مناعه ضد الفيروس
في النهاية انصح انك تاخذ اللقاح لاسباب ممكن بعدين يكون فيه زحمه في الحجز وايضا بعض الامور قد تتطلب لقاح مثل السفر وغيرها ، لذلك يفضل تاخذه وترتاح وفي النهاية كلنا نتمنى نتجاوز هالفتره ونعيش طبيعي ورمضان قريب نتمنى نعيش ونستشعر الشعور الجميل في هذا الشهر الفضيل وايامه الجميله
ونقطه اضيفها في حال جاك كورونا تأخذ جرعه وحده من اللقاح وفي حال ما جاك تأخذ ثنتين تكون موزعه على فترتين حسب اللقاح ،، حبيت انقل فقط تجربتي البسيطه وان كان البعض ممكن عنده معلومه سابقه ولكن البعض متخوف او ماخذ فكره غلط فكتبت هالثريد ممكن البعض يصحح المعلومه ويتوكل على الله ويأخذه
وهنا انتهى الثريد ،، انتظروني اليوم او بكره باذن الله بثريد الجزء الثاني لافلام الجريمه 🌹
جاري تحميل الاقتراحات...