حتى تتغير حياتك تحتاج تكون جريء وتخاطر - اتخذت قرار بترك الوظيفة قبل كم سنة وفتحت مشروع صغير افكر افتحه من زمان وتأخرت بسبب الخوف - الشهر الاول فقط كان صافي ارباحي منه ١٧ الف ريال تقريبا
قرار ترك الوظيفة ليس صحيح دائماً - المهم تكون عندك خطة لخطوتك التالية - ويفضل لديك مدخرات ٦ رواتب على الاقل
الوظيفة ليست سيئة دائماً - وليس كل شخصيات البشر مناسبة لتكون صاحبة مشروع تجاري - وسأذكر خطوات لفتح مشروعك التجاري وانت موظف حسب تجربتي
بجانب وظيفتك اعمل على مشروعك بشكل جزئي حتى تصل لمرحلة تتطلب تفرغك الكامل له - بعدها تقدم بأستقالتك وتفرغ لمشروعك - المهم ان تبدأ ولازم تجرب لو ماعرفت وش تبدأ فيه
اي مجال راح تدخله راح تجد احد مجالاته الفرعية ضعيف ويحتاج خدمات وتقدر تستغله ويكون مشروعك هذا الجزء ويكون نقطة انطلاقتك - سر النجاح في اي مجال هو الاستمرار - مثال فيه متاجر الكترونية وفيه شركات نقل للطرود وعلى كثرها فيه شركات كثير لا تغطي بشكل جيد مدن او محافظات معينة وهذي نقطتك
مو لازم تجيب حل او فكرة مبتكرة - عادي تطبق فكرة تقليدية او مكررة وتنجح - المهم تبدأ خاصة اذا عمرك صغير ١٨-٢٨
تذكر ما راح تنجح وتحقق شيء وروتينك هو روتين اغلب السعودين - دوام - بيت او استراحة - نوم والويكند قهاوي وملاحقة الحريم - ستكون سلتوحا او تعيش على فتات الوالد ان كنت ضعيف نفس وتقبل على نفسك هالضعافه
لاتنظر لغيرك وكيف الحياة سهلة معهم - عليك بنفسك وظروفك وتعايش معها وحاول تحسنها - المقارنات بتحطمك وتذكر فرصك وامكانياتك تختلف عن غيرك - انت تستحق الافضل و عليك السعي وبتنجح - ولاتنسى ان الكثير جاء بوزره والان يملك ملايين او على الاقل مئات الالوف - جرب حظك ولا تستسلم مع اول مطب
اذا محيطك فاشلين وعاطلين قلل الاحتكاك معهم - حاول تكون علاقات مع اصحاب الاعمال صغيرهم قبل كبيرهم
بعد ما تبدأ بالنجاح والارتفاع بالمستوى المادي - بتلاحظ ان اصدقائك بيتغيرون عليك وقد تسمع همز ولمز وهذا طبيعي وقد يكون احد علامات بداية نجاحك اذا اصدقائك سلاتيح وفشله
بالنسبة لموضوع رأس المال والكثير يعتبره اكبر عائق للمشروع بينما من رأيي الشخصي اعتبره من ضمن الامور العادية - طيب كيف اجيب رأس مال؟ عندك طرق كثيرة وقبل ما نتطرق لها بقولك من رأيي خطوة مهمة قبل تبدأ في جمع رأس المال
لنفرض انك شخص مهتم في مجال معين ولنفرض انه مقهى وانت ماتعرف من القهاوي الا قهوة بيت الدونات وتعتبرها الافضل ولا تفرق بين الكابتشينو واللاتيه وتشوفهم واحد - اولا ابدأ بأقل التكاليف كيف؟ شف لك مقهى يقدم دوام جزئي او كامل حسب وضعك وتوظف عندهم بيعلمونك القهوة وانواعها وطرق تحضيرها
وبعدها بتعرف كيف تتعامل مع الزبائن ونفسياتهم وبتزيد ثقتك في نفسك وبتكسب مهارات كثيرة - بعد كم شهر ممكن تشوف مقهى اكبر تتوجه له لو حاب تكتسب خبرة اكبر - وخلال هذي الفترة تكون ملقوف وتحاول تفهم وتشتغل في جميع الادوار في المقهى بحيث تطلع وانت ملم كيف المقهى يشتغل ومن وين يشترون
قهوتهم وبكم ودهاليز المقهى والكواليس اللي مايشوفها العميل - بعد ماتحس انك ملم وفاهم وقادر تمسك وتدير مقهى - تستقل ويفضل تبدأ صغيراً وتشوف شريك لو يحتاج مشروعك مكمل لك في المهارات اللي تنقصك - قد يكون شريك يمولك وانت عليك التشغيل والادارة او شريك في رأس المال والادارة حسب وضعك
او تتوجه للجهات الحكومية وستجد كثير يمولك او احد افراد عائلتك او اصدقاءك او تمويل فردي من مدخراتك وتذكر ما ترميها جميعاً - وبعدها تنطلق في تحديك الجديد وان شاء الله تنجح فيه - الفكرة تنطبق غالبا على اي مجال ادخله بأقل التكاليف وتعلم بفلوس غيرك وبعدها استقل وابدأ بنفسك
طيب تحسب لو طبقت هالخطوات بتنجح؟ مو شرط ممكن كل شيء تسويه صح وحاسب خطواتك وتصدم في جدار - لكن تذكر المثل القائل اما غناة الذيب ولا فقره - رحلة ممتعة مليئة بالتحديات والمطبات وغالباً ستستمتع بها ولن تندم
اذا حاب مجال يدخل لك صافي ربح ٥-٣٠ الف ريال سعودي شهريا وتقدر تشتغله بجانب وظيفتك توجه لمجال الخدمات وهو بحر - وركز على المجالات اللي مافيها سعوديين وتعلم المهنة واسس نفسك فيها بشكل صحيح مو لازم تاخذ شهادة دبلوم او بكالوريوس فيها ممكن دورات مع تطبيق وخلال سنة تصير معلم كبير
جاري تحميل الاقتراحات...